Koperasi Unit Desa Koperasi tumrape wong Indonesia wis ora asing maneh.Koperasi wis diwanuhi dening saben wong jalaran ing ngendi-endi wis madeg koperasi.Ana koperasi nelayan kang anggotane para nelayan,ana koperasi tani kang anggotane para among tani,ana koperai pasar,koperasi pegawai negri,lan liya-liyane.Bidang usahane koperasi uga macem-macem,kayata:koperasi produksi kang mroduksi sawijining barang kanggo anggota lan masyarakat,koperasi distribusi,koperasi konsumsi kang nglayani kebutuhane anggota ing sadhengah kaperluwan.Ana maneh koperasi simpan pinjam kang nglayani kridhit marang anggotane.