Bali Wisata Budaya

Para semeton miwah uleman sane wangiang titiang,

Taler para Ida dane utawi semton pamilet sane sihin titiang

pangayubagia uningayang titiang majeng ring Ida Sang Hyang Widhi Wasa, saantukan wantah

sangkaning asung kertha wara nugraha Ida, mawinan iraga prasida mapupul iriki sakadi mangkin

ring galahe sane becik puniki.

Sadurung titiang ngaturang pidarta, ngiring mangkin iraga sareng sami ngaturang

pangastungkara panganjali umat

OM SWASTYASTU…..

Ida-dane Pamiarsa sane kasumayang titiang,

Sakadi sane ketah kauningin, kantos mangkin Pulau Bali kantun kaangken pinaka “Pulau Seni

Budaya, Pulau Dewata, Pulau Kahyangan, Pulau Seribu Pura ”. Bali ngemanggehang Pariwisata

Budaya pinaka daya tarik wisatawane sane pinih utama. Duaning asapunika, budaya Baline patut

kapiara mangda prasida ajeg, kukuh miwah lestari. Yening budaya Bali ne sampun runtuh,

pariwisata Baline pacang padem.

Sane mangkin, ngiring baosang, asapunapi tata carane mangda budaya Bali ne prasida ajeg. Para

jana Bali ne saking dumun sampun kaloktah pinaka masyarakat gotong royong, nginggilang rasa

sagilik-saguluk salunglung sabayantaka sarpanaya utawi ngelarang kesatuan miwah persatuan

mangda prasida ngemolihang kasukertan.

Ida-dane, sane wangiang titiang,

Sajaba punika, utsaha ngajegang seni miwah budaya Bali ketah kadasarin antuk dasar warisan

leluhur sane pinih utama sane kawastanin ajahan “Tri Hita Karana” minakadi Parahyangan,

Pawongan,miwah Palemahan.

Ida dane miwah semeton sami sane banget mustikayang titiang,

Kadi asapunika titiang prasida maatur-atur ring galahe sane becik puniki. Matur suksme banget

antuk uratian Ida-dane sinamian. Menawi ta wenten iwang atur titiang, lugrayang titiang

ngelungsur geng rena pengampura. Pinaka pamuput atur, pinih untat sineb titiang antuk Parama

Shanti, OM Shanti Shanti Shanti OM.