1. Beklennyaéta kaulinan anu maké bal béklén jeung sawatara kewuk. Biasana dilakukeun di jero imah atawa téras.Palaturan kudu aya kewuk/kuwuk jeung bal beklenna nu bahanna tina karet, rata2 dipaenkeun ku 2-sababaraha urang, kewukna bisa 10-12 atawa kumaha karepna, rek 20 ge kaci, ngan kudu bisa karanggeum ku leungeun. nu maraenna andeprok na tehel nu beresih nguriling jiga samodel lingkaran. Mimitina bal dialungkeun sakali ngacleng kana tehel, tuluy kewukna diawurkeun kana tehel, mimiti nyokot kewuk hiji-hiji, bari dialungkeun balna ngacleng sakali tea, da mun dua kali atawa leuwih mah lasut.. conto make kewuk 10 siki, kewuk dicokot nepi ka 10 karawu ku dua leungeun, tuluy diawurkeun deui kewukna ditangkarak2eun kabehanana, dicokot hiji-hiji nepi ka sapuluhna.. geus kitu kewuk ditangkub2keun prosesna sarua jiga nu diluhur, geus ditangkubkeun kabeh, tuluy dibawaan deui. bagean ka batur mah lamun pamaen ka hiji lasut, nya giliran maenkeunana.Minangka ujianana, istilahna "naspél". Sanggeus proses kahiji nepi ka proses ka ditangkubkeunana kewuk nepi ka 10, naspelna teh kewuk ditangkarak-tangkarakkeun terus dirawu kabeh, geus kitu ditangkub2keun dirawu deui. geus kabeh karawu, tuluy kewuk nu 10 siki diranggeum terus dialungkeun ka luhur bari ditampanan ku dampal leungeun nu ngalungkeun. Lamun dina dampal leungeun nyesa 2 atawa 3 atawa 4 kewuk, tuluy disanggap deui. engke ngamimitianna deui kudu ti 2/3/4 nyokotanna. henteu mimiti ti 1. jadi langsung. kitu oge nangkarak2keun, nyokotna 2/3/4 kumaha nu kasanggap tea. mun keur naspel lasut, nya kudu balikan deui, nepi ka lulus banglus naspelna (nepi ka bisa ngaranggeum kuwuk tea).

2. GatrikGatrik nyaéta kaulinan maké awi bébékan anu kudu dibetrikkeun pajauh-jauh ku jalan diteunggeul ku paneunggeul tina awi ogé.

3. JajangkunganJajangkungan atawa égrang nyaéta kaulinan leumpang maké awi dua anu aya panincakan.

4. Anjang-anjanganAnjang-anjangan nyaéta kaulinan nu niru-niru jelema nu geus rumah tanangga, aya bapa,ibu,anak, tatangga, warung,pasar jsb. Biasana dilakukeun ku barudak awéwe, tapi saupama aya budak lalaki sok pirajeunan dijadikeun bapa.Saenyana mah teu aya palaturan nu matuh, mung palingan ge budak nu kabagean peran bapa, indung atawa anak kudu bisa ngahayatan peran nu dilakon. Mun saenyana aya aya nu teu bisa ngahayatan, biasana sok dipoyokan teu bisaeun ulin.

5. CongklakCongklak nyaéta kaulinan maké papn kai dieusi kewuk.Geus aya lombang--lombangna 7, ngajajar. Di hareupeun lombang 7 ge aya deuih 7 lombang, 2 lombang badag digigir-gigirna. Eta lombang teh dieusian ku siki asem atawa siki congklak (nu geus disadiakeun), atawa bareto mah mun congklakna dina taneuh, sikina sok ku batu laleutik.

6. Kasti

kasti nyaeta kaulinan anu ngalibatken dua kalompok anu sakalompokna teh aya leuwih ti 2 jalma, dina kaulinan kasti, perkalompok teh gantian maenken bola anu dilempar ku palempar laju di pukul ku jalma anu mukul, tos kitu si jalma eta kudu lumpat ka babaraha step atawa tempat pikeun ereun. laju balik deui ka tempat mimiti mukul bola. kaulinan kasti teh tereh mirip jeng kauinan "Baseball"

7. DamdamanDamdaman nyaéta kaulinan anu maké mikir lantaran butuh strategi sangkan buah daun urang teu béak dihakan ku buah dam batur anu jadi lawan urang.

8. Ucing SumputUcing-ucingan nyaéta kaulinan néangan batur nu nyumput upama saurang jadi ucing. Biasana ucing ngitung heula méré waktu batur nyumput saacan kudu néangan kabéhanana. Aya rupa-rupa aturan.

9. PangalPapanggalan (istilah lianna: panggal, gasing, gangsing), nyaéta kaulinan anu bisa muter dina sumbu sarta boga kasaimbangan dina hiji titik. Gasing mangrupa kaulinan pangkolotna anu kapanggih di sagala rupa loka arkeologi sarta masih bisa dipikawanoh. Sajaba ti mangrupa kaulinan barudak jeung jelema dewasa, gasing ogé dipaké pikeun ngadu sarta ngaramal nasib.

10. HalmaNyaeta kaulinan di luhur papan atawa karton aya gambaran bentang bersudut genep anu dicoo ku tiluan,sewang-sewang nganggo jalmi-orangan anu nu beda warnana berjumlah lima belas buah anu kesemuanya kedah diasupkeun ka jero kubu di peuntas kubunya .