poesia swahili [kezilahabi_kithaka wa mberia_alamin mazrui]

7/23/2019 Poesia Swahili [Kezilahabi_Kithaka wa Mberia_Alamin Mazrui]

1/20

http://www.poetrytranslation.org

POESIA SWAHILI

EUPHRASE KEZILAHABI

KITHAKA wa MBERIAALAMIN MAZRUI
http://www.poetrytranslation.org/http://www.poetrytranslation.org/


2/20

INDICE

EUPHRASE KEZILAHABI3 Upepo wa Wakati4 Mafuriko5 Mgomba6 Chai ya Jioni

7 Fasihi8 Kisima

KITHAKA wa MBERIA9 Jumapili ya Damu

ALAMIN MAZRUI12 Mlango13 Mimi Ni Mimi14 Nilivuka15 Kifungoni16 Kizuizini17 Bega kwa bega18 Sauti?

19 Mkata wa maneno20 Niguse


3/20

EUPHRASE KEZILAHABI

Upepo wa WakatiJuu ya mlima mdogo

Siku moja nilisimama.

Nikatazama chini ziwani, siku

Ya dhoruba. Halafu niliona mawimbi

Yakipanda na kushuka. Yakivimba,

Yakiviringika, yakigongana na kutoa povu

Kama fahari wehu katika bonde lisomajani.

Yalivyotengenezwa!

Yalivyofifia na kuanza tena!

Kamwe sikuona.

Lakini niliyaona yakishuka kwa nguvu

Na kupanda haraka, yakisukumwa

Na upepo wa Magharibi na Mashariki.

Hivyo ndivyo ulimwengu ulivyo.Na hivyo maisha ya binadamu.

Wanapanda na kushuka

Wakisukumwa na upepo na wakati.

Tazama wanavyojinyakulia madaraka

Kama mzamaji, mguu wa rafikiye, ashikavyo!

Wanavyoshika pesa kama mtoto

Na picha ya bandia

Au asikari mwehu na bunduki yake

Na kutunyamazisha!Watapanda na kushuka

Na wataanguka kweli!

Wakisukumwa na upepo wa wakati!


4/20

MafurikoNitaandika wimbo juu ya mbawa za nzi

Utoe muziki arukapo wausikie walio wengi

Ushairi wa jalalani utaimbwa

Juu ya vidonda vya wakulima

Na usaha ulio jasho lao.

Nitaandika juu ya mbawa za wadudu

Wote warukao

Juu ya mistari ya pundamilia

Na masikio makubwa ya tembo.

Juu ya kuta vyooni, maofisini, madarasani,

Juu ya paa za nyumba, kuta za Ikulu,

Na juu ya khanga na tisheti.Nitaandika wimbo huu:

Mafuriko ya mwaka huu

Yatishia nyumba kongwe bondeni.

Waliomo wameanza kuihama

Na miti ya umeme imeanguka.

Palipokuwa na mwanga, sasa giza.

Mafuriko ya mwaka huu!

Mti mkongwe umelalia upande

Wa nyumba zetu hafifu.Upepo mkali uvumapo hatulali.

Kila kukicha twatazama mizizi yake

Na mkao wake, na kuta hafifu za nyumba.

Lazima ukatwe kuanzia matawi hadi shina

Mafuriko ya mwaka huu yaashiria...

Tutabaki kuwasimulia wajukuu:

Mwaka ule wa mafuriko

Miti mingi mikongwe ilianguka.

Mafuriko ya mwaka huu!Wengi wataumbuka.


5/20

MgombaMgomba umelala chini: hauna faida tena,

Baada ya kukatwa na wafanya kazi

Wa bustani kwa kusita.

Watoto, kwa wasiwasi wanasubiri wakati wao

Bustanini hakuna kitu

Isipokuwa upepo fulani wenye huzuni,

Unaotikisa majani na kutoa sauti ya kilio.

Hivyo ndivyo ufalme wa mitara ulivyo.

Mti wa mji umelala chini: hauna faida tena,

Baada ya kukatwa na wafanya kazi

Wa bustani kwa kusita.

Chumbani hakuna kituIsipokuwa upepo fulani wenye huzuni utingishao

Wenye hila waliokizunguka kitanda na kulia.

Machozi yenye matumaini yapiga

Mbiu ya hatari ya magomvi nyumbani.

Magomvi

Kati ya wanawake

Magomvi

Kati ya watoto kwa ajili ya vitu na uongozi.

Ole! Milki ya 'Lexanda imekwisha!

Vidonda vya ukoma visofunikwa

Ambavyo kwa mda mrefu vilifichama

Sasa viko nje kufyonzwa na inzi wa kila aina

Na vinanuka vibaya.

Lakini inzi kila mara hufyonza wakifikiri

Nani watamwambukiza.


6/20

Chai ya JioniWakati tunywapo chai hapa upenuni

Na kuwatazama watoto wetu

Wakicheza bembea kwa furaha

Tujue kamba ya bembea yetu

Imeshalika na imeanza kuoza

Na bado kidogo tutaporomoka.

Kulikuwa na wakati ulinisukuma juu

Nikaenda zaidi ya nusu duara;

Kulikuwa na wakati nilikudaka

Ulipokaribia kuanguka,

Na kulikuwa na wakati tulibebana kwa zamuMmoja wima akisukuma mwingine amekaa.

Wakati huo, japo tulipaa mbele na nyuma

Tulicheka kwa matumaini yaliyotiwa chumvi

Na kisha tukaongozana jikoni kupika chajio;

Ilikuwa adhuhuri yetu.

Sasa tukisubiri ndoto tusizoweza kutekeleza tena

Tumalizie machicha ya chai yetu ya jioni

Bila kutematema na kwa tabasamu.Baada ya hapo tujilambelambe utamuutamu

Uliobakia kwenye midomo yetu,

Tukikumbuka siku ilee ya kwanza

Tulipokutana jioni chini ya mwembe

Tukitafuta tawi zuri gumu

La kufunga bembea yetu

Naye mbwa Simba akikusubiri.

Lakini kabla hatujaondoka kimyakimyaKukamilika nusu duara iliyobakia.

Tuhakikishe vikombe vyetu ni safi.


7/20

FasihiManeno yangu kumeza tena sasa siwezi.

Lakini kuonyesha ukweli na kuutafuta

Nitaendelea: mimi ni kama boga.

Nimepandwa katikati, bustanini,

Na kama boga nitatambaa chini

Zote pande, kuikwea miti ya hekima

Na yote magugu koo kuyakaba.

Bila woga, bila nyuma kurudi nitashambulia

Ya binadamu matendo bado yakihema.

Halafu wakati

Ujao utafika

Matunda nitatoa

Makubwa madogo

Mazuri mabaya

Wakati utafika watakapokuja wajuzi

Kwa jembe la wino kunipalia.

Wala mboga za majani watanichuma.

Utafika, wa maboga kuwa mikata.

Machafu na safi yatachotwa

Na nitaingia mitungi ya kila mji-shamba.

Watoto mikononi mwao watanichezea.Chini wataniangusha na kunipasua.

Lakini mbegu, mbegu zitabaki.

Mimi ninajua

Hatari sina

Wajibu msomaji

Mjini na shamba

Vizuri kunichambua.

Halafu utafika ule wakatiWatumia vikombe dhahabu na glasi

Pembeni kwa chuki kunitupa,

Na nitakuwa nyuma ya wakati

Lakini wakisahau wahenga

Kata na mboga walitumia

Msingi wa wao utamaduni

Watakuwa wameutupa.

Kumbukeni, kumbukeni, kumbukeni.


8/20

KisimaKisima cha maji ya uzima ki wazi

Na vyura katika bonde la taaluma watuita

Tujongee kwa mahadhi yao

Yaongozayo pandikizi la mtu

Kwa hatua ndefu litembealo

Na sindano ya shaba kitovuni

Upinde na mishale mkononi

Kisha likapiga goti kisimani

Tayari kumfuma akaribiaye

Maana shujaa hafi miongoni mwa wezi

Bali kama simba mawindoni.

Hatuwezi tena kuteka maji

Na kalamu zetu zimekauka wino.

Nani atamsukuma kwa kalamu

Aitwe shujaa wa uwongo!

Aliyeitia kitovuni kwa hofu

Ingawa tegemeo hakulipata

Alifungua mlango uelekeao

Katikati ya ujuzi na urazini mpya

Mwanzo wa kizazi tukionacho.


9/20

KITHAKA wa MBERIA

Jumapili ya DamuI

Midundo ya Reggae

Inarindima hewani

Na kuchanganyika

Na macheo

Katika jiji

Vioo, madirisha

Na milango

Inasalimu amri

Kutoka kumbo kali

Za wenye njaa

Na matarajio

Ya miongo miwili.

Ndani ya maduka

Mawimbi ya watu

Yanapaa, kushuka

Na kupanda kwingineko

Huku rafu na kuta

Zikibadilika sura

Kama tanzu za miti

Kiangazi kinapojiri.

Vifaa vya kila ukoo

Nguo za kila rangi

Zinaketi vichwani

Kuninginia mikononi

Kulala migongoni

Au kubanwa kwapani

Zikibadili makazi

Na umiliki.


10/20

II

Risasi

Zinaanza kupiga miluzi

Na kwa ghadhabu

Kushtua kutaMilingoti ya stima

Magari ya rangirangi

Na nyama na mifupa

Watu wanaterereka

Damu inatiririka

Uhai unaporomoka

III

Ghafla

Midundo ya Reggae

Inakauka

Na nyimbo za jana

Kurudi angani

Kama uvundo ambao

Umevamia pua tenaBaada ya kuangushwa

Na kumbo la upepo

Kutoka mwangu jikoni

Barabara ni dhahiri-

Magari ya rangirangi

Vifaru vya madoadoa

Vinatiririka kama mto,

Bunduki zinalenga kushotoKulia, nyuma na mbele

Nayo mizinga hatari

Inatega mbingu;

Huu mtiririko

Ni safari ya marejeo

Anarejea mungu-wa-kinamo

Kwenye ulingo.


11/20

IV

Katika fahamu

Mawazo mbalimbali

Yanapita kwa zamu

Kama vipepeo na nondoWakipita kwa makundi

Mbele ya macho;

Kwa tabasamu

Nakumbuka Obasanjo

Na uamuzi wake angavu

Bali pia

Kwa huzuni

Nakumbuka Bokassa na Amin,

Na Mobutu na Doe,

Na damu na mafuvu

Matita ya mafuvu!

Magurudumu ya mawazo

Yanafikia njia panda

Na kwa muda, kukwama

Kabla ya kuanza safari tena

Kwenye njia wazi

Ya serikali ya kiraiaHata inapoongozwa

Na genge la mazimwi


12/20

ALAMIN MAZRUIAlamin Mazrui

MlangoAma utapitakatika mlango huu

au hutapita.

Ukipita

kuna hatari

ya jinalo kulisahau.

Hayo ni matata

Mambo hukutizama mara mbili mbili

Nawe sharuti utazame kando

uwache yatendeke.

Usitafute vita.

Usipopita

Huenda ukakuta

maisha mema ya kufuata

ukahifadhi mawazo yako

ukaendelea na kazi yako

ukafa kishujaa nchini mwako

lakini mengi huenda yakakupita

mengi yakakupofua, upofu ukakupata

kwa gharama gani? Sijui.

Mlango wenyewe

haumuahidi mtu kitu

Ni mlango tu!
http://www.poetrytranslation.org/poets/alamin-mazruihttp://www.poetrytranslation.org/poets/alamin-mazrui


13/20

Mimi Ni MimiWaniita mkomunisti

Waniita mkapitalisti

Waniita mnashinalisti

Na mimi ni binadamu tu,

Kwani hilo halitoshi?

Nchi zinajiwakia

Mamama wakiomboleza, wakilia

Tumbi ya watoto wakiumia

na maneno yote tunayotumia

kuuana na kuangamia

Ewe mto

Tumesimama pambizoni mwako

machozi yakitudondoka

yakichanganyika moyoni mwako.


14/20

NilivukaNimevuka mabara kuja Afrika

Lakini siku katu haikufika

ya milima kuwa vilima

ya mito kuwa vijito

vya kuweza kudakiika.

Sijakufikia mpenzi

kama kwamba u nyota ya mbali

kama kwamba umemea baina yetu

ukuta wa usingizi.

Nikikushika, mikono huwa haishiki

ila maiti ilokufa bila haki

kama kukumbatia damu yangu jiweni

katika nyumba iloghariki kwa tufani

ambayo usiku wake umesimama makini

na asubuhi yake imekwama mbali

ikisubiri njiani.

Miaka imenyumbuka baina yetu: damu na moto,

Daraja nikazikwea zilogeuka ukuta

Na wewe, ukazama chini baharini

nisiweze kukugusa.Mashaza yakanichuna, yakikata mishipa

ya mikono yangu,

Nami nikaita:

Ewe Afrika

mpenzi wa roho yangu,

mwenzi wa mabuu na giza,

Nimezunguka miaka mingi kukutafuta

na safari yangu bado haijakatika

ewe maiti ulojifinika kwa yako maisha.

Nimevuka mabara kuja Afrika

lakini siku katu haikufika

ya daraja kuweza kuvukika.

Ewe ulalaye nami kitandani

U kama nyota ya mbali mbinguni

ulo milango ilofungwa kwa ndani

Nami nimesimama nje

nasubiri baridini.


15/20

KifungoniKwa kuangulia juu mbinguni

na kulia sana kwa matumaini

samawati imeingia

mwangu machoni.

Kwa kuota mahindi mashambani

na kulia sana kwa mahuzuni

manjano imeingia

mwangu machoni.

Waache majemadari waende vitani

Wapenzi waende bustanini

Na waalimu mwao darasani,

Ama mimi, tasubihi nipeni

Na kiti cha kale, za zamani

Niwe vivi nilivyo duniani:

bawabu mlangoni

katika kingo ya maumivu ya ndani

maadamu vitabu, sheria na zote dini

zitanihakikishia mauti

nikiwa na njaa au kifungoni.


16/20

KizuiziniNikiwa na njaa na matambara mwilini

nimehudumika kama hayawani

Kupigwa na kutukanwa

kimya kama kupita kwa shetani.

Nafasi ya kupumzika hakuna

ya kulala hakuna

ya kuwaza hakuna.

Basi kwani hili kufanyika.

Ni kosa gani lilotendeka

Liloniletea adhabu hii isomalizika?

Ewe mwewe urukae juu mbinguni

wajua lililomo mwangu moyoni.Niambie: pale mipunga inapopepea

ikitema miale ya jua

Mamaangu bado angali amesimama akinisubiri?

Je nadhari yake hujitokeza usoni

ikielekea huku kizuizini?

Mpenzi mama, nitarudi nyumbani

Nitarudi kama hata ni kifoni

Hata kama maiti yangu imekatikakatika

vipande elfu, elfu kumi

Nitarudi nyumbani

Nikipenya kwenye ukuta huu

nikipitia mwingine kama shetani,

Nitarudi mpenzi mama ....

hata kama ni kifoni.


17/20

Bega kwa begaBaridi kutoka mlima mwa Kenya inaingia

Na upepo unavuma, misitu ya Nyandarua ukipasua

Lakini mimi ni mwanamke wa Kirinyaga

baridi sitaisikia

chochote sitakisikia

isipokuwa sauti ya ardhi yetu

nchi yetu

polepole ikinililia.

Nyumbani...

kuponda unga kunatusubiri

kuchuna mboga kunatusubiri

kuchanja kuni kunatusubiri

na watoto

watoto si haba

nao pia wanatusubiri.

Lakini kumfuata mume wangu naendelea

nchi yangu kuipigania

utu wangu kujirudishia.

Lala mwanangu lala

lala unono ukinisubiri.

Mwezi utakapoinama

nitarudi, nikulinde nikuamiri

Juu ya milima

mwezi umejaa, umechotama

kwa huruma ukitutazama.

Njia ni ndefu mno

Muda ni mfupi mno

lakini kumfuata mume wangu naendelea

bega kwa bega nasogea

utu kuukomboa.


18/20

Sauti?Shingo zetu zimechongoka

asubuhi kuilekea

lakini usiku wasogea

ukichimba misingi ya nyumba,

na ukuta wa dakika nyumba

kuizunguka.

Kifo kimeadhimishwa

na ule wakati uliotandazika

mpaka

kila cha zamani kimesahaulika

isipokuwa majani makavu yalokaukaMitini, mara kwa mara, yakitingisika

Ati n'nani aliyesikia sauti?

Kama kwamba kuna mtu huko mbinguni

wa kutulipia damu yetu iliyomwagwa

na kumwagika


19/20

Mkata wa manenoZacheka nami zangu chekeo

zacheka zafurahika

Sina mawazo

kichwani leo

Bado hayajarauka ...

Nadhani ni asubuhi

imeanza kuchipuka

Nayo ndiyo sababu

ya moyo kuliwazika

na huu mdundo mtamu

mwema ulotandazika

Najichekea ... kwani najua vyema

kwamba sijazoea hali hii tabasama

ijitembezayo kwa shairi na kwa ngoma

ikichezacheza nami ... ikininyegeza kama mke na mume

kama wapenzi daima

Najua sijaizoea hali hii ya furaha na shauku

ijigambayo kwa mchana na usiku

kufuata mtindo wa manju kila siku

... kufuata anasa za dunia

Ndipo nikawa mkata...

mkata wa maneno ya furaha na amani

ya mahaba au dini

maneno ya kufifisha kisasi cha mja

juu ya maisha duniani

maneno ya kushinda vita vya nyoyoni

hivyo vita vya ndani kwa ndani.

Neno langu ni maumivu tu, ni mashaka

Ndipo kapendelea mwenendo wa kale ...

fikira kutoziandika.


20/20

NiguseNitakapo kizuizini

Nitamwomba yoyote mwendani

aniguse

taratibu

polepole

lakini

kwa yakini!

Niguse tena

Unijuze tena

Unifunze tena

maisha yalivyo

maisha yaonjavyo

ladha yake ilivyo

Nipo hapa nimekukabili

Niguse tena tafadhali!

Niguse!

Niguse!

UNFO

Lanciato il 9/1/2016

poesia swahili [kezilahabi_kithaka wa mberia_alamin mazrui]

Documents