A: Slmat sore pak

B: Oh sore. Mari maso. Darimana ini kang ?

A: oh io, perkenalkan pak, kita pe nama Renta, kita dokter muda dari RS Kandou Manado. Kebetulan kita ada meneliti tentang bapak nofri salekon pe saki. Nah yang lalu kita so sempat bakudapa deng bapak nofri di RS. Ratumbuysang. Cuma skarang ada mo cari bacirita deng depe keluarga. Pas kita baca di pak nofri pe status, depe keluarga pe alamat di Pangu dua, jadi kita da cari waktu datang kamari for mobatanya tanya sadiki. Boleh pak ?

B: Oh iyo boleh

A: Ini dang bapak Nofri pe sapa ?

B: depe kakak. Kong bagimana dang depe keadaan skarang ?

A: waktu kita dabakudapa sih pak Nofri so lebeh tenang pak. So bacirita bagus noh deng kita.

B: Oh iyo. Tuhari kwa dia dabilang dia kerja deng tu dokter disana. Eh bukan dokter, mantra kote.

A: oh. Kerja apa kata pak ?

B: Dia bilang sih da bekeng bekeng bangunan pa tu mantra disana.

A: Oh. Kong tuhari kan kita da sempat tanya pa pak nofri kalo mana depe istri, pak nofri bilang so meninggal. Kalo boleh tau meninggal karna apa kang pak ?

B: Yah kalo soal meninggal nda tau dang lantaran apa. Dengar juga bagitu, jadi…

A: Depe awal-awal pak Nofri jadi bagitu lantaran kyapa pak ? ada masalah ato apa bagitu

B: Yah mungkin memang ada masalah noh.

A: Bapak tau depe masalah apa ?

B: Nda tau juga depe masalah sebenarnya apa. Cuma dengar-dengar ada masalah, Cuma kal tau persis nyanda.

A: Oh. Nda ada yang tau dang ?

B: Nyanda. Dia kan dulu nda tinggal disini. Dia kan kaweng deng orang Langowan, jadi so tinggal di langowan deng depe istri. Cuma serta dia sosaki, kong pas kaluar Rumah saki, so tinggal disini noh dia.

A: Yang pertama kali da maso RS itu dang kapan ?

B: Kapan eh. So lupa noh. Taon brapa eh. Soalnya nda inga-inga kwa toh

A: oh io. Kong waktu itu kyapa dang da sampe maso rumah saki ?

B: Yah bilang kata da kebakaran di langowan pa depe langowan, kong Cuma dapa slamatkan kata depe anak. Depe istri ada tabakar sto ka bagimana

A: depe istri sebelumnya so ada anak kata kang pak ?

B: Iyo, dia sebelumnya so ada anak dua. Sebelum kaweng deng nofri.mar kita nintau so meninggalkah ato da pulang

A: Pulang maksudnya pak ?

B: Pulang ke Jawa. Depe laki kan orang jawa

A: oh maksudnya depe laki yang so nintau da meninggal ato da pulang jawa ?

B: Iyo, nda tau kalo so meninggal ato cuma da pulang bagitu. Jadi tape adek da kaweng akang noh. Tukang jual jamu kwa dia dulu. Jababa jual jamu disini noh kong bakudapa disini dorang.

A: Kong pak nofri so ada anak 1 kata pak ?

B: Iyo so ada anak 1. Mar tinggal di Langowan deng depe kakak.

A: Kong pas itu da maso rumah saki pertama, pas pe kaluar da datang tinggal disini ?

B: Iyo, dia da kaluar dabilang so sehat, jadi kamari noh

A: Kong kyapa boleh maso ulang kasana dang ?

B: Kan ada juga yang ada ulang timbul depe saki tu itu, kong ada… yah torang pe orangtua dang dia da ancam. Nintau so saraf ulang dia, sampe meninggal noh kita pe papa.

A: Bapak nofri sebelumnya nda pernah ada masalah deng sudara sudara disini ?

B: Oh yang disini. Yah kalu bilang deng depe kakak yang ini, yah nda juga. Kalu bakuambe mulu sih pernah, mar biasa noh, kalu kakak ade yang laeng, yah kurang tau juga, kakak ade kan banyak , jadi nintau kalu ada yang bamasalah deng dia kong bekeng saki bagitu.

A: Pas bale dari langowan, pak nofri tinggal dimana ?

B: ada tinggal di rumah sini, deng torang. Kan dabilang so sehat toh.so sambil bakerja-bakerja

A: Ja kerja apa ?

B: Ja bekeng gula batu

A: Kong bapak nofri agama apa ?

B: Dia Kristen noh, tapi iko pa depe istri jadi muslim.

A: Kong pak nofri rajin k masjid ?

B: Yah kalo mo bilang talalu rajin skali nda juga. Disini kan nda ada masjid toh, Cuma ada di Ratahan sana. Jadi dia ja kasana noh ja pi sombayang

A: disini pak nofri nda pernah mangamu ?

B: Yah kalu mangamu pa depe kakak yang ini nda pernah. Mar ada tape ipar dabilang pernah dia mangamu noh kata waktu torang dadi kobong.

A: Kong yang bapak tau dang depe masalah deng depe keluarga di Langowan ato ?

B: Iyo sto deng dorang, mar kita juga kurang tau.

A: Bapak nofri pe hubungan deng depe anak-anak tiri dang bagimana pak ?

B: Yah kalu kita mo lia le rupa nda talalu akrab. Baku togor yah baku togor noh. Mar waktu torang da pasiar kasana dapa lia rupa nda dekat noh, mar kurang tau lai kalo dorang pe masalah apa.

A: Kong ibu deng bapak nda ada keinginan mo pi lia pa pak nofri ?

B: Bukan nda ada keinginan, mar nda ada waktu. Soalnya kerja di kobong toh. Mar waktu tu ulang tahun desa dia da datang kamari noh deng tu mantri-mantri disana. Ada deng depe tamang leh.

A: Kapan itu ?

B: Tu februari tanggal 1 sto kal nda salah. Dorang da datang noh dari sana deng tu mantri-mantri. Yang mantra itu kwa orang tombatu kata. Blg kwa dorang da kerja bangunan rumah deng tu mantri itu. Da datang deng depe tamang dari rumah saki noh. Dia da datang rupa depe mala mini, kong depe besok tu mantra noh yang datang.

A: Oh iyo dang pak. Makaseh neh sebelumnya so boleh mobabatanya akang. So mengganggu katu

B: Hehe, nda apa-apa.

A: Somo permisi dang pak. Slamat sore

B: Iyo sore.