MANNALON, musiko, kompositor, agiwarwarnak, mannursuro, speech writer ken mannurat. Dayta ni Propesor Honor

Blanco Cabie.Salutatorian iti elementaria sadiay Pinili, Outstanding

Student iti Ilocos Norte National High School. Inleppasna ti AB Journalism (Honorable Mention) iti San Beda College, Manila. Premiado a debatista, orador ken campus journalist, malaksid ti pannakagun-odna iti nadumaduma a pammadayaw a kas opisial

DA Arnold Baxa, Presidente ti GUMIL Maui, Ric Agnes, Mamagbaga ti GUMIL Oahu, ken Sandy Lasquero, VP ti GUMIL Oahu dagiti naparabur a

ninong ti SALUYOT itoy a panagsagibsibna manen. Parikut dagiti manarawidwid ti nasao a diario ti

pagimprentada ta awan ti makukuarta ti GUMIL Metro Manila, kalpasan ti panaginana dagiti kamengna iti sumagmamano a bulan iti regular a mitingda. Ket rinugianda ti nagbirok iti

SALUDAMAGBaxa ti Maui, Agnes ken Lasquero ti Oahu, Ninong ti SALUYOT

HONOR BLANCO CABIE

Maipagpannakkel nga Anak ti Pinili

(Naigalis iti panid 8)

1 NAINSALUYOTAN NGA INTERBIU1 SALUDAMAG2 SALUMENSAHE TI PRESIDENTE 4 CLOSE ENCOUNTER 4 SALULAYSAY4 TI SALUN-ATMO KEN TI MANUSKRITOM 6 TAGAANG 6 SALUDANIW8 DIOS TI AGNGINA10 SALUPUDOS10 DEAR ADING12 SALUPADAS

SALUNAON

Ti Kakaisuna a Diario ti GUMIL Metro ManilaSALUYOT

Espesial a Bilang • Tawen 9 • Disiembre 2007

ninong. Napagnunumuanda ti agumbi kada Appo Arnold Baxa, Ric Agnes ken Sandy Lasquero.

“Aregleyted!” insungbat ni Apo Baxa iti Microsoft Word nga attachment ti e-mailna.

“Aprub a nakarubrob!” insungbat met ni Apo Agnes iti pakauna ti atiddog nga e-mailna.

“‘Tay tangdanko nga agkarpentero ti isagutko met,” inkari ni Apo Lasquero.

Kasapulan ti SALUYOT itoy nga iruruarna ti P3,500.00 laeng ngem ad-adu nga amang ti inted dagiti ninong. Gapu itoy,

(Naigalis iti panid 14)

Publications, Sun Star News Service, Manila Standard, The Manila Chronicle, The Manila Times ken Malaya. Nagpaay iti nadumaduma a pagrebbengan iti News Center ti NBN Channel 4 kasta met a kameng ti Philippine News Agency ken Reuters. Nagpaay pay a Media Consultant daydi nag-Senador Raul S. Roco.

Kas mannursuro, Professorial Lecturer/Associate Professor kadagiti nadumaduma a pagadalan iti Metro Manila (undergraduate ken graduate levels) iti literature, mass communications, philosophy ken Asian Civilization

dagiti religious organizations iti San Beda College. Naileppasna dagiti Master’s Degree iti Journalism ken Media Management iti Asian Institute of Journalism and Communications. Outstanding alumnus ti San Beda College idi 1992 kas journalist. Honor Student a kanayon manipud elementaria agingga iti graduate school.

Kas agiwarwarnak, kolumnista wenno kameng ti Editorial iti nadumaduma a posision kadagitoy a periodiko: Philippine Chronicle, POU Group of

manipud idi 1987. Nagsurat pay kadagiti piesa ti Oratorical ken Declamation para kadagiti estudiante ti FEU isu a nakallalagip kenkuana ta isu ti adviser ken coach.

Kas mannurat, imbagianna ti Northern Luzon kas Coordinator on Literary Arts ti NCCA, Presidente ti GUMIL Metro Manila idi 1992-96, Presidente ti GUMIL Filipinas idi 1995-99. Co-editor ti “LINGKA: An Anthology of Iloco Literature in English”, a proyekto ti GUMIL Metro Manila idi 1993. Nalaing pay a musiko, pagay-ayamanna laeng ti mangpanatupot iti trombone. Nakaisurat kadagiti musika ken lyrics ti agarup 200 nga orihinal a kanta iti Iluko, Filipino ken English.

Nayanak sadiay Pinili, Ilocos Norte kada Apo Bernardo Cabie ken Francisca T. Blanco iti Paoay. Iti daydi nanada a nakasursuroda nga agkakabsat nga agbasa ti nota wenno solfeo ken agtokar ti ing-ing. Nayasawa ken ni Maria Rose Atencio iti Moncada, Tarlac, sigud a guidance counselor ken mangisursuro iti Filipino iti maysa a high school ditoy Metro Manila. Tallo ti bungada, da: Harmony Francisca, nagturpos iti abogasia; Hermione Mary Anne, maysa a doktor; ken ni Heracles Lord Bernardo, bokalista ti The Kizzum Inkur-it ni

NAR CANTILLO

NAINSALUYOTAN NGA INTERBIU

TAWEN 2007. Maika-Uppat a Pulo ket Maysa nga Anibersario ti GUMIL Metro Manila. Naundayen ti panawen a dinaliasat ti gunglo a rinendaan ti mano kasukatanen nga administrasion. Adu dagiti proyekto a kontribusionna iti panagrangpaya ti Literatura Ilokana. Iti napalabas nga uppat a

dekada, adun ti nailibro a gapuanan dagiti maipagpannakkel a mannurat nga Ilokano. Naruay metten dagiti napatanorna a mabigbigen a mannurat iti agdama babaen ti agtultuloy a pannakaisayangkat dagiti literary seminar ken workshop. Adu pay dagiti nakapila a proyekto nga ad-adda a mangitandudo iti Literatura Ilokana a manamnama a maileppas babaen ti suporta ken panagkaykaysa dagiti naanep ken nagaget a kameng.

Madlawmi a rumasay a tinawen ti bilang dagiti aktibo a kameng. Mailiwkamin kadagiti madaydayaw a kakabsat iti pluma a nanginaw, nangtagibi ken nangpadakkel iti GMM. Kayatmi nga agsisinninged koma manen dagiti amin a mannurat iti GMM, isu a pinadasmi ida a kontaken tapno maammuanmi no komustada metten ken ania ti makagapu ta dida metten makagkagteng kadagiti miting ken pasken ti gunglo.

“Sibibiag kadi pay ti GUMIL Metro Manila?” Nasdaawkami pay idi inyangaw ti maysa a kameng a nabayagen a dimi nakita. Kuna met dagiti dadduma a saanda kano ngaminen a makabasbasa iti Bannawag a kas kadakami, a pakaipaspaskilan dagiti pakaammo kadagiti aktibidad ti gunglo. Adda met dagiti sarkastiko a nagkomentario a naumada kanon iti ad-adu a sao ngem iti aramid ta patienda a nailansan ti proyekto a panagilibro kadagiti gapuanantayo a mannurat nga Ilokano. Sabali pay dagiti nangipudno a simmadutdan nga agatendar manipud idi maisardeng dagiti literary seminar ken workshop a pagi-innadalan ken pakaasaan ti plumada nga agsurat. Kunada, “Saan, aya, a daytoy ti primero a gapu isu a nagkamengtayo iti gunglo?”

Nadagsen nga awaten ngem pudno dagiti naagapad iti ngato. Ket no saan a maikkan iti prioridad dagitoy, imbes a rumayray ti apuy ti gunglo a silaw ken bagnos dagiti kameng a mangpasantak iti Literatura Ilokana saan nga adayo nga aglidem ken in-inut a malunag ken marunot a kasla kandela. Kakabsat iti pluma, bay-

antayo kadi a maungaw ti kakaisuna a lehitimo a gunglo dagiti mannurat nga Ilokano?

Kiddawenmi ngarud nga igigirtayo ti gunglotayo. Agtalinaedtayo a napudno kadagiti sinapataantayo a pagrebbengan. Saantayo koma a mauma nga agsakripisio tapno ad-adda a bumileg daytoy. Kiddawenmi nga agmaymaysatayo a mangituloy iti nagkaysa a sirmata a mangisaknap iti Literatura Ilokana saan laeng a ditoy pagiliantayo ngem ketdi iti intero a lubong. Nupay kasubsublatmi ti renda, mangnamnamakayo nga aramidenmi amin ti kabaelanmi tapno maisubli ti pannakaangay dagiti literary seminar-workshop iti kabiitan a panawen. Ituloytayo met ti pannakailibro dagiti sinurattayo. Ken kangrunaanna dawatenmi ti tulongyo a mangpaadu kadagiti kamengtayo tapno ad-adda a pumigsatayo.

Umuna nga addang ti panangiruartayo manen iti SALUYOT, ti opisial a pagiwarnak ti GMM tapno maikkan ti tunggal maysa iti tiansa a makaipablaak iti gapuananna. Iti daytoy a gundaway ikarigatanmi ti regular a pannakaipablaakna tapno saan nga agbalin a “ningas cogon” laeng. Ngem masapulmi ti di magatadan a suportayo tapno mataripatotayo ti gunglo ket mataginayon ti narayray a silawna a saanto a kabaelan nga iddepen wenno palidemen dagiti agpanggep a mangmulit iti kinasudina.

Kablaawantayo ngarud iti naragsak a maika-41 nga anibersario ti GUMIL Metro Manila!

--ANSEL D. CARGO GMM President

SALUYOT2 • • Disiembre 2007

SALUMENSAHE TI PRESIDENTE

NOLI S. DUMLAOEditor-in-Chief

JUAN AL. ASUNCIONARIEL S. TABAG

LEO S. FAGARAGANManaging Editors

SIMEON C. BERROYGIOVANNI PALOMARES

Editorial StaffSHERMA E. BENOSAAdvertising Manager

JAKE F. ILACCirculation ManagerANSEL D. CARGOCLES B. RAMBAUD

Editorial Consultants

Nasustansia a babasaen para kadagiti mannurat nga Ilokano.

Ipabpablaak ti GUMIL Metro Manila, Inc. Kangrunaan nga opisinana: 52 San BedaHomes, Pamplona 1701 Las Piñas City.

Ipatulodyo dagiti manuskrito wenno tulongyo iti GUMIL Metro Manila, Inc. c/o Noli S. Dumlao iti adres iti ngato wenno iti

gumilmetromanila@yahoo.com.Awan ti ma-reject a sinurat basta matiambaan

ti panangngaasi dagiti editor. Di pay laeng mabayadan ti maipablaak a sinurat ta awan pay makukuarta ti GMM.

Pasensiakayo laengen, apo.

SALUYOT

SALUYOTDisiembre 2007 • • 3

GET A FREEONE YEAR PERSONAL

ACCIDENT INSURANCE PROTECTION NOW!!!

JOIN OPULENS

MARKETING CORP.PLUS OTHER BENEFITS: 1. Share in the income of the Company from its operation as a Franchisee of FERN, Inc. 2. Earn a separate income out of the business you will make in the FERNegosyo Business Plan of FERN, Inc. 3. Option to operate an outlet of Opulens Marketing Corp. franchise with FERN, Inc. 4. Option to operate outlet or Franchise when the company shall begin to operate food stores/groceries. 5. Option to convert your participation (in accordance with appropriate laws and regulations of the government) into the Common Shares of the Company for optimum benefi ts. 6. And you may even be entitled to a FREE SUPPLY of FERN-C Vitamin for your child.

For more information on how to join, Pls. call – Tel. No. 792-75-67 or CP # 09179971064

A VERY SPECIAL GMM ANNIVERSARY OFFER!GET 1 BOX FERN-C FREE WHEN YOU SIGN UP & PAY p1,500 TODAY!

CLOSE ENCOUNTERW/ SPO4 TICTICRUBONG (Ret.)

SALUYOT4 • • Disiembre 2007

Kampo CrameMadama ti interbiu ti sumagmamano nga aplikante a polis.Gen. Castro – Ania ti naganmo ken dadduma a pakasaritaan

ti biagmo?Aplikante I - Daniel Disperos sir. Taga-San Lorenzo, San

Nicolas, Ilocos Norte.Gen. Castro – Apay a kayatmo ti agpolis?Aplikante - Tapno agserbi ti pagilian, Sir.Gen. Castro - (Agmirugrog a mangparuar iti aplikante.)

Sika, (intaliawna iti sumaruno nga aplikante) ania ti naganmo ken dadduma a pakasaritaan ti biagmo?

Aplikante II - Arnold Jose, Sir. Taga-Bacsil North, Laoag City

Gen. Castro - Adda nobiamon?Aplikante II - Awan pay, Sir! Gen. Castro - Nagkapsutkan. Adda kad’ met taga-Laoag a

nakapsut? Bueno, apay a kayatmo ti agpolis?Aplikante II - Tapno maaddaan ti nasayaat ken natalged a

panggedan, Sir.Gen. Castro: - Ania koma a natalged a pagsapulan a

maibagay kenka. Agimigranteka laengen idiay Hawii. Sika, (intaliawna iti sumaruno nga aplikante) ania ti naganmo ken dadduma a pakasaritaan ti biagmo?

Aplikante III – Prodie Gas. Padios, Sir! Taga-Sta Teresita, Cagayan, Sir!

Gen. Castro: - Apay a kayatmo ti agpolis?Aplikante III – Tapno agtiliw kadagiti managdakdakes, Sir!Gen. Castro: - Pokdit! Apay, Robo Copka? Dika pay la

agimigrante idiay Canada! Sika, (intaliawna iti sumaruno nga aplikante a kasta unay tigergerna) ania ti naganmo? Agalistoka ket mabisinakon!

Aplikante IV – Leonardo Tiktikrubong ti Brgy Valbuena, Pinili, Ilocos Norte, Sir.

Gen. Castro: - Hmmmm. Apay a kayatmo ti agpolis?Aplikante IV – Tapno maaddaan iti adu nga asawa ken

delihensia ken kangrunaanna, imbitaranka koma a mapan aghapi-hapi, Sir.

Gen Castro: - (Nagpalakpak) Dayta man ti kunak! Poliskan, bata!—

Dear Doktor,Problemak ni lakayko ta manipud nagkameng iti dua a gunglo

dagiti mannurat ditoy barangaymi, ti Kumukurditan, Inc. (KI) ken ti Mannurat, Inc.(MI), masansan metten nga aghayhayblad iti kaadu a tamingenna kano kadagiti dua a grupo. Awan pay ketdin ti reregtaanna iti dati nga ar-aramidenmi iti rabii, Dok. Pambarna ti kanayon kano a pannakabambannogna kadagiti aktibidadna kadagiti dua a grupo. Nabaybay-anna la ngaruden ti talonna, pati siak, nabaybay-anna payen. Awan la kadi ti mairesetam a pagpapigsana, Dok, malaksid iti Lipovitan ta agturis met no painumek iti daytoy?--Luz

Dear Luz,Padasenna man ti FERN-C. Pagpapigsa iti resistansia, kontra

pay iti stress a kalabanna ita gapu kadagiti adu nga aktibidadna. Nupay kasta, ibalakadko a nasaysayaat met la koma no maysa laeng a gunglo ti pakaikappenganna nangruna no agpada iti panggep dagita a grupo. Iti kasta, maitedna ti naan-anay nga atensionna iti dayta a grupo, ken maitedna met ti atension a sapsapulem.

Dakkel a problema ti sangsanguen ni lakaymo iti panagkamengna iti dua a grupo nangruna no opisial pay. Arigna dua ti kosina a paglutuanna, wenno isapulanna iti maluto. No adda koma pampanunotenna a pangalaan iti pundo, kas koma iti NCCA, amangan no dina pay ketdin masinunuo no ania kadagitoy a grupo ti pangtedanna iti pundo. Wenno no mapan iti maysa a kombension dagiti mannurat iti pagilian, dina masinunuo no ania kadagitoy ti ibagianna. Ket no bilang ta adda met anomalia a nakairamanan ti maysa a grupona, amangan no ilibakna pay a kameng iti dayta a grupo tangay adda met sabali pay a grupo a mabalinna nga ibaga a pagkamenganna.

Ala, diak met ketdi ibaga a kasta ti aramiden ni lakaymo. Ken dimo met mabalin a pawilan no ituloyna ti agkameng iti dua a gunglo ta biagna dayta, uray pay kunam nga asawam. Ti la mabalinmo nga aramiden, patomarem iti FERN-C. Isu la ngarud nga adda FERN-C tapno maaddaan iti resistansia dagiti mannurat nga adu unay ti pakakumikomanna.

(No adda problemayo, iturong laeng ti suratyo ken ni Dr. Sapsapo.–EIC)

apsapo

Ni DoktorTi Salun-atmo ken ti Manuskritom

(No corny daytoy a pakpakatawa, agsuratkayo kaniak ‘ta patapuakentayo ni Leo S. Fagaragan nga akinkolum itoy. Sayang met ti espasiotayo.--Editor-in-Chief.)

Makalawasen ti napalabas idi immaklas manen ti Grupo a Magdalo ni Sen. Antonio Trillanes IV ket iti maikadua a gundaway, napaayda.

Kasla nabagyo ti lobby ti Manila Peninsula iti Makati cor. Ayala Avenue a nagbalin a battle ground dagiti polis a pakairamanan dagiti Special Action Forces ken dagiti militar a beterano iti pannakigubat idiay Mindanao.

Naipit dagiti kameng ti media bayat ti riri iti uneg ti Manila Pen.

Nalpas met laengen ti riribuk ngem agtultuloy latta ti isyu

Royalty Para Ken ni Sen. Trillanes?Ni ANGELO “ELOY” PADUA

SALUAWIS!Para kadagiti naayat nga agbasbasa iti SALUYOT. Daytoyen iti gundawayyo

a makaipablaak iti kasustansiaan a babasaen iti Amianan. Ipatulodyo itan iti Editorial ti/dagiti Salulaysay, Saludyok, Salurita,

Saludaniw ken Saluduma pay.

agingga ita.Saan pay a maitudo dagiti autoridad no mano ti gatad ti

naburak iti uneg ti nasao a hotel ken no asino ti agsungbat itoy.Ngem inaldaw ken inoran-oras nga adda iti headline kadagiti

babasaen ken telebision iti sibubukel a lubong. Saan ngata nga ikkan met ti Manila Pen iti royalty ni Sen.

Trillanes gapu iti sagsagrapen daytoy a media advertisement?Amanos, di kadi?—

SALULAYSAY

SALUYOTDisiembre 2007 • • 5 H

APPY

41ST AN

NIV

ER

SAR

Y TO

GU

MIL M

ET

RO

MA

NIL

A!

SALUYOT6 • • Disiembre 2007

Tagaang Ni KUSINERO BIMLADEN

Tagaang

NAGTANITTIT ti silponko. Impadamag manen dagiti ka-GUMILan for the nth time, nagungar kano manen ti SALUYOT. “Dis is wan sanabagad dat repyuses

closing!” napaisemak. Drims never feyd kadagiti dina kayat ti agsurender!

-o0o-Kasla ‘tay maysa a nasinged a gayyemko. Dina sininaan

ti arapaapna a makaadak diay Hawaii. Imbitasion la gayam ti masapul naparpardas pay ngem alipugpog ti approval ti konsul.

-o0o-Mannakigayyem ni kadwing, ken saan a lastog, isu a siaayat

met dagiti kaGUMILan abrod a nangimbitar kenkuana. Isu a naisemen idi umammingaw manen iti US Embassy. Addan awitna a pormal nga imbitasion

-o0o-Nasirokna isu a nagkatek sa napaisem iti bangbangir a

nakapanunot. “Napigpigsa ti pullko no ad-adu ti supporting documents,” kunana.

-o0o-Isu nga idi ipresentarna ti bagina, malaksid iti pormal nga

imbitasion a naggapu diay abrod, adda dakkel a kahon ti sapatos nga igpilna.

-o0o-Ti linaon ti kahon? Imbitasion dagiti nagbuniag,

nagkanaganan, nagkasar, nagpabunar kada nagpiesta a naur-urnongna iti nabayag a panawen. Adda pay nailalaok a “card of thanks.” Mayat latta kunana ta di met mabalin nga ikumbidar ti mapan makipamumpon.

-o0o-Nakigtot manen ti konsul. Ngem dinan mareject ta adu ti

mayat a mangawis ken ni pulano. Inkidemnan a dineppelan ti visa diay nakarungiit a passport.

-o0o-Pasiar ditoy pasiar didiay. Speak ditoy speak didiay ta isu

ti gapu ti nakaawisanna. Nagbisbisekleta kadagiti kalsada, sa sumagpat kadagiti sidewalk no bumanesbes dagiti napaspas a lugan. “This is for pedestrians!” ikusilap kano dagiti babbaket ken lallakay no mapakuldiasanna ida. “Yoninayo,” kunana kano met. No madalapus ti trak di pay ket bangkayen nga agawid Filipinas? Nastrekna kano pay ti maysa a submarin, ngem din sa met agandar.

-o0o-Saan nga aglibak dagiti ladawan a naala iti dayta a tripna.

Maragsakan a talaga dagiti tao a namasangbay kenkuana. Mannakikadua ken mannakigayyem ngamin. Malaksid ti nagan nga imbuniag dagiti padana a mannurat, mabalin a kunaen a “Man of Goodwill” ti GUMIL daytoy a tao!

-o0o-Inton mapagbalinna a coffee table book ti koleksionna,

adunto ti mangdayaw (ken umapal) ta isu la ti nakaanus ken naayat a nangaramid ti kasta.—

Success! Success!

(Pssst! Diyo ibagbaga iti sabali ngem ni Editor-in-Chief ti Kusinero Bimladen!--AST.)

Ave Regina(Daniw a mairuknoy ken ni Aribai ti Kailokuan)

Patokpatok ti kailokuan, baggak a sumsumgedA nagtalimudokan emma ken ngayedNupay sirarangaak kenka nga umasideg ‘Toy rugso ‘toy gagar ti mamatalged

Ta kadagita apagdillaw nga isemmo,No agbukar dagita natingra a bibigmo,Kasla umap-appiring a sumarsaruno,Dagiti puspusomi nga Ilokano.

Kadagita matam addada nga agan-anninawDagiti pakpakarsomi ken kalkalapawManipud sursurong ingana’t ‘diay taawTanap man sadi Cagayan, wenno Bantay Bullagaw.

Sika ti pudno a napili a ladawanTi nasingpet a babai a taga-AmiananMangngani man a mintalon, balasang man a baknangSabong man kampupot wenno sabong ti allangigan.

Manipud ‘di natayen dayti Angngalo,Nakellekellengen dagiti dagdagatayo,Adda nagpadaya, adda nagpapungtoKet adu payen ti kas ganggannaet nga immadayo.

Kadagiti in-inepmi ken murmurayKen sarsarita dagiti appomi a lallakayMaysaka kan’ a di katatawan a siwawakrayNga ar-armen ti kaibaan ti impasaray.

Ngem kalpasan iti panagballasiw ti tawenNagparangkan a napnuan pintas ken ramenNga umay mangisik kadakam’ nga adipenA nupay agaaddayo, maymaysakam’ met laeng.

Umaymo ipalagip, ita, naindumaan nga aldawDagidi kakabsatmi a maingel a napukpukawKet siisemka ita a mangipadlawTapno yaw-awanmi ti agdungdung-aw.

Wen nadaeg a reyna, saanmi a sangitan ida,Palnedenda diay bangkay, tumekenda diay bangabangaPagsungrodda ni balballawas, baybay-anmi latta,Addadtoy ti kararuada, adtoy di panguloda, ni Heneral Luna.

No napigsa di agum a nangitanem ken bangayNapigpigsa pay ti ingel ni Ilokano no aggunayAgbalin nga angin, apuy, wenno danum ti baybay,Lawlawenna ti lubong, kalienna ti tanem, biagenna ti natay.

Ni Luna, addat’ ditoy ita, a sisasaklangBimmalay ti puso ti amin a Kailokuan,Ket sika, ti nangtalimudokanmi a dinutokanNga umarakup kadaraantay’ a taga-Amianan.

Sika ti imbilangmi a nangkallaysaKadagiti prinsesa a ladawan ti tungal probinsiaDakay’ ti nagpuniponan ti tungal saniataA mabalinmi nga idaton ken ni Heneral Luna.

Awatem nga’d ita dagitoy raay ti sabsabong,Kaasping dagiti puspusomi a naubon-ubon;Mayukkor kadakayo a kas maysa a daton.Sagut dagiti Ilokano a nagtataripnong.

Kas maysa a rikna a di maipapasNo di makita ti pangipeksaan ken ayat,Ayat daytoy a maminpinsan a bumtakNo makitami ‘di Ilokano nga agmamaingel iti gubat.

SALUDANIW DAYDI JESUS PAREDES

SALUYOTDisiembre 2007 • • 7 CHRISTMAS GREETINGS FROM:

ITI MALAKANYANG. Ni Police Gen. John C. Castro, maysa kadagiti mamagbaga ti GUMIL Metro Manila, ti gunglo dagiti mannurat nga Ilokano iti Kamanilaan, iti pannakigrupona ken ni Presidente Gloria Macapagal Arroyo iti isasarungkar daytoy iti Malakanyang a kaduana dagiti padana a kameng ti Association of Chiefs of Police of the Philippines, Inc. Ni Heneral Castro ti inaudian (adda kasinginna) nga anak daydi Eriberto Macapagal Castro ti Concepcion, Lubao, Pampanga, a kapidua daydi Presidente Diosdado Macapagal, ken daydi Bernardina Alonzo Collado ti Magsingal, I.S. ken Biñan, Laguna. Iti agdama, malaksid iti panangisursurona iti Philippine College of Criminology ken Manuel L. Quezon University School of Criminology, maysa pay a regular Instructor/Guest Lecturer iti PNP Detective School ken PNP Intelligence Training School, Camp Crame, Quezon City. Isu pay ti maysa a Consultant ti Internal Affairs Service (IAS), Philippine National Police.

GEN. JOHN C. CASTRO, MPMPRESIDENT/PUBLISHER/

EDITOR-IN-CHIEF

LAW AND ORDER LAW AND ORDER NEWS MAGAZINENEWS MAGAZINE

&METRO POLICE

CHRONICLEPRESIDENT, LAW ENFORCEMENT

FOUNDATION OF THE PHILIPPINES, INC.and POLICE COMMUNITY RELATIONS

FOUNDATION OF THE PHILIPPINES, INC.

138 3F SAN ANTONIO ST.SAN FRANCISO DEL MONTE,

QUEZON CITYTEL. NOS.: 373-0890

417-9465937-7187

MOBILE: 0919-24116870918-48804860928-40831210921-64651820916-4319055

SALUYOT8 • • Disiembre 2007(Nakaigalisan ti panid 1)DIOS TI AGNGINA!

Da Apo Arnold Baxa, Presidente ti GUMIL Maui, Apo Ric Agnes, Mamagbaga ti GUMIL

Oahu, ken Apo Sandy Lasquero, VP ti GUMIL Oahu iti panag-Ninongda itoy a bilang, ken kadagiti sumarsaruno pay a bilang

ti SALUYOT, ken iti sagutda iti paripa ken ti 40 a kopia ti Bannawag;

Agkaingungot nga Appo Johnnyric ken Marie Domingo ti Maui, Hawaii,iti premio iti poetry reading contest,

parlor games ken paripa;

Opulens Marketing Corp. (ti korporasion da Apo Martin Rochina), LeChats Ventures Co. (ti kompania da Appo GMM Pres. Ansel Cargo ken dati a Pres. Herman G. Tabin), Gen. John

C. Castro, Honor ken Rose Cabie, Salinong (ti magasin ni Atty. Nole Lansangan) a

binayadan ni Apo Prodie Gar. Padios, Leo ken Zita Fagaragan ken Dr. Donato Gonzales

iti saranayda iti SALUYOT babaen ti ADS;

Iti LeChats (manen) a nangesponsor iti kalding; Apo Zita Fagaragan (manen)

iti lima a sagut para iti paripa ken dagidi sagutna idi napan a tawen

(tapno mapunas ti sakit ti nakem ni Apo Imingwey a lakayna; nagriri ngamin, Apo!);

Apo Rose Cabie (manen) iti sagutna para iti paripa; Apo Simeon Berroy a nangesponsor iti banner ti GMM

nga inaramid ti putotna, ken sagutna para iti paripa; Apo Jovito F. Amorin

iti sagutna para iti paripa; Apo Martin Rochina (manen) iti sagutna para iti paripa; Apo Editor

Noli S. Dumlao a nangesponsor iti venue ti programa ti GMM; Apo Sonny Abrajano a nakipagparti iti kalding ken ti intugotna

malaksid iti pagpapudot.

Apo Honor Blanco Cabie, iti panagkoberna;

SANGASAKO A BUKEL TI SALUYOT

ti para kadakayo, Appo!

AGBIAG DAYTA! (Naigalis manen iti panid 14)

Alternative Band ken agbasbasa pay laeng iti kolehio. Agnaed ti Pamilia Cabie iti 1632 Burbank Street corner Sunset Drive, Brookside Hills Subdivision, Cainta 1900, Rizal.

Adtoy ti paset ti pannakiinnuman ti SALUYOT ken ni Apo Cabie:

SALUYOT (SAL): Manong, kasano ti panangusarmo iti libre nga orasmo?

HONOR BLANCO CABIE (HBC): Ikkak ti bagik iti naan-anay a panaginana iti abay ti abrasador.

SAL: Premiadoka a mannaniw, ania ti makunam kadagiti pammadayaw a nagun-odmon?

HBC: Saan a sumsumrek iti panunotko dagiti kanito a makaalaak iti premio wenno kadagiti pammadayaw a naipasalibok kaniak.

SAL: Ania ngata a banag ti mangiduron kenka tapno ipakatmo amin a kabaelam para iti maysa a panggep?

HBC: Depende no ania ti gandatko nga aramiden. Ngem ti inna pagbukelan, no bilang ta mamatiak a makatulong idti kaaduan ti pampanunotek nga aramiden, umanay daytan a mangiduron tapno innak ituloy ti ania man a panggep.

SAL: Ania pay dagiti ar-arapaapem a mapasamak iti biagmo?HBC: Saanak a managsapul nupay naragsakak no

maileppasko ti ania man a nairugik a pasamak ket makatulong dayta iti kaaduan. Adda dagitay agkunkuna a no kayatmo kano ti malaglagip, agmulaka iti kayo, mangiputotka iti lalaki nga anak, ken mangisuratka iti libro.

Nalabit simbolo dagitoy. Ta adda dagitay nakaisaneng iti mula, naaddaan iti anak a lalaki, ken nakaibati iti libro ngem adda met sabali pay a naaramidda a mangtintinong kadagita nasasayaat a gapuanan.

Simple laeng dagiti ragsakko. No masay-opkon daytay ayamuom ti kamia iti abay ti bubon, no aprosan dagitay nasalun-at a sabong ti katkwate dagitoy nalanay a matak kadagiti kalgaw, no matimudkon ti uni ti pittagaw iti sardam, kadagiti dadduma a mangted bang-ar kaniak, umanayen a pagsadagan dagita ti maysa a tagainep.

SAL: No ti panagserbi a kas iti kinapangulom iti GUMIL Metro Manila ken GUMIL Filipinas ket arigna latta a ‘di umanay ti panawen bayat iti panagtakemmo, ania pay ngarud dagiti arapaapmo a mapasamak koma iti GMM ken GF?

HBC: Umuna, saanak a mamati nga iti panagtakem ti ti maysa a lider iti ania man nga organisasion, rumbeng a maileppasna amin dagiti arapaapna. Adda met dagiti addaan sirmata ken parmata tapno, iti nalabit sabali a pamuspusan, mataginayon dagiti makaited iti umdas unay nga aramid tapno agtultuloy latta dayta nga organisasion.

Kas naparaburan iti napalabas iti talek ken pammati dagiti padana nga Ilokano tapno inda tinapaya kas Pangulo ti GMM ken GF, agtultuloy laeng ti arapaapko iti kaawan koma ti panagpasakit kadagiti pada nga agpaspasar iti kinamatisan a dinengdeng ken dadduma pay a paggugusto ni Ilokano iti dulang man wenno lamisaan.

SAL: Kadagiti naisuratmon a daniw, iti ragup dagiti pinangabakmo, ania ti magustuam unay? Ania ti kaipapanan daytoy a daniw kenka? Asino ti adda iti panunotmo a kas inspirasion idi suratem?

HBC: Awan ti masinunuok a magustuak unay. Ta dagiti daniwko, nanumoda man iti panirigak, kaarigda dagiti annakko a paset dagitoy dara ken tulangko, pammati ken namnama iti kinaimbag ti masanguanan.

HO

NO

R BL

AN

CO

CA

BIE

Mai

pagp

anna

kkel

nga

Ana

k ti

Pin

ili

SALUYOTDisiembre 2007 • • 9

Kumablaaw ti Pamilia CABlE iti GUMIL Metro Manila, iti panangrambakna iti maika-41 nga anibersario ti pannakaipasdekna ken Christmas Party iti Tawen 2007.

Prof. HONOR BLANCO CABlE, AB, MMM, MJPropesor ti Literatura, Mass Communication, English ken Asian Civilization Presidente, GUMIL Filipinas, 1995-1999; Presidente,GUMIL Metro Manila, 1992-1996 Executive Council Member, NCCA CLA, 1999-2004Premiado a Mannaniw, Sumasalaysay, Orador, Debatista ken AgiwarwarnakAwtor ti libro, Agsursurat iti Diskurso, Editorial Writer ken Media Relations Consultant

MARIA ROSA ATENCIO-CABlE, BSE, BSEEGuidance Counsellor, Florida Institute; PRO, GUMIL Filipinas, 1999-2001; PRO, GUMIL Metro Manila, 1996-2002; Director, GMM, 2002-2004; Premiado a Mannaniw

HARMONY FRANCISCA A. CABlE, AB, LL.BPremiado a Mannaniw ken Sumasalaysay; Umuna (ken is-isu pay laeng) a Presidente ti ASEAN Law Students Association manipud Filipinas; PRO, GUMIL Metro Manila,1990-1996; Kaubingan a Regular Member ti National Press Club ken ti Writers Union idi panawenna (14 years old); Book author ken Paralegal iti agdama ‘diay California

HERMIONE MARY ANNE A. CABlE-SANTOS, MDPremiado a Mannaniw ken Scriptwriter; Soprano II (Soloista), Premiado a University of Santo Tomas Singers, 2000-2004; In-house Physician, Tagaytay Highlands ken Colgate Palmolive-Philippines, 2000-2003; Agdama a Primary Care Physician, Toronto, Canada

ANTHONY GERRY G. SANTOS, L.Pharm. Lisensiado a Parmaseutiko, Toronto, Canada

AARON MAXIMILIAN

HERACLES LORD BERNARDO A. CABlE, ABResearcher, Cabie Cabie Book Authors; Associate, Media Relations Consultant; Premiado a Sumasalaysay, Editorial Writer ken Campus Journalist; Vocalist, 4Play Band

MARIA LUISA F. SANTOS, AB MARIA NATALIE MIKHAIL BERNARDO VIIIprovincial address: email address:Pinili, Ilocos Norte sabong- ipinil i@yahoo.com

SalupudosNi APONG NI MIKIONG

SALUYOT10 • • Disiembre 2007

Sapay koma ta nasayaatka laeng a sangpetan daytoy suratko. Ken sapay koma ta adu latta pay ti gatasmo ta dimo met laengen ibbatan dayta mamadormo. Ibagam laeng no awanen ta adu dagiti kaldingmi a mabalin a gatasan.

Ading, nakapagsuratak ta adda met problemak iti ayat a kayatko nga idawatan iti balakad ta uray pay adayo nga ub-ubingka ngem siak, mayat met dagiti kapanunotam ket namnamaek a matulongannak.

Ti pakarikutak ket ti nobiok a kasla maysa a commitment phobic wenno mabuteng a maigalut. Agmaysa tawenen ti relasionmi ngem agingga ita ket awan pay laeng ti direksionmi. Iti panagriknak, kasla awan iti bokabulariona ti sao a kallaysa ken panagpamilia.

Ammok met ketdin idi pay damo nga adda kastoy a problemana ngem gapu ta ay-ayatek, inaklonko latta ti ayatna. Impagarupko ngamin nga agbalbaliwto met laeng ket masursuronanto ti pateg ti panagpamilia. Ngem nupay sangkakunana nga ay-ayatennak, awan met pakakitaak nga adda planona a mangibanag kaniak. Naminsan ket siakon a mismo ti nangiruangan iti planomi iti masanguanan ngem awan latta ti nagnaanna.

Ania ti aramidek, Ading?--Manang Makaas-asawan

Dear Manang Makaas-asawan,Umuna ti amin, Cerelac lattan, Manang, ti gatangem a

para kaniak. Banana-wheat fl avor. Bay-amon ti gatas ta addan esponsorko, ti Mikiong’s Carabao’s Milk Factory ni Tito Miks idiay Bacsil, Laoag City, ti pagtaengan ti de-kalidad ken nananam a gatas ti bumalasang a nuang.

Madlawko ket talaga a makaas-asawakan ta madakamatnak payen itoy a parikutmo. Good for you no agtalekka kaniak nga adingmo.

Kinunam a commitment phobic daytoy nobiom idinto a sika, kas nakunam ken nakunak, talaga a makaas-asawan. Dimo met nadakamat no anian ti edadyo a dua. Addakayo kadin iti edad a mabalinen ti agasawa? Ken natalgedkayo kadin iti trabahoyo? Saludsodek dagitoy, Manang, ta dagitoy ket maidagup kadagiti kangrunaan nga aspeto a kitaen sakbay nga agplano ti kaaduan nga agayan-ayat nga agsimpa. Ken, no bilang ubbingkayo pay ken saan pay a natalged ti trabahoyo, saan ngata a dagitoy ti rason no apay nga awan pay iti plano ti nobiom ti agsimpa?

No bilang ta addakayon iti husto nga edad ket natalged metten ti trabahoyo, ket kasla awan latta iti bokabulario ni Manong ti agsimpa, isu ket ngata daytan ti makunak a rumbeng a kitaemon ti pagtaktakderam iti biagna.

No bilang ta talaga nga awan planona nga agsimpa, ania ti aramidem? Sika met laeng ti makasungbat kadayta, Manang. Ngem tapno dim’ kuna, ikkanka iti saludsod a sungbatam bareng agbalin a nalawlawag ti amin kenka.

Umuna, maawatmo kadi nga agnobiokayo wenno ag-live-inkayo lattan? Maikadua, maawatmo ngata no bilang bigla lattan a mapanunotnaka a panawan inton makalagip?

No wen, kunam kadagitoy, a, ket ala, makaammokan iti bagim. Ngem no saan kunam, ket kayatmo iti sense of permanence, saan a dayta nobiom ti makaited kenka kadayta, Manang.

Ti makunak ket agtungtongkayo tapno urnosenyo ti bagbagiyo.--Ading Henia

(No mapugtuanyo no asino ti Henia, maisagutankayo iti one year free subscription ti SALUYOT! He-he!--AST

No Adda Dear Manang iti Bannawag, Ditoy Saluyot, Adda Met...

Dear Ading,

NARAGSAK A MAIKA-41 NGA ANIBERSARIO,

GUMIL METRO MANILA!NAGASAT A PASKUA

KADAGITI AMIN A KAGUMILAN!

Kablaaw ni

DONATO B. GONZALES, M.D.L8, Blk 2B Sampaguita St.

Modesta Vill, San Mateo, RizalTel: 297-2373

ADTOY dagiti espesial a pudosyo iti panaggibus daytoy a tawen ken iti umuna a paset ti sumaruno a tawen.

Mabalin met nga agepekto daytoy iti uray ania a bulan a kayatna nga ididikar. Isu a nanamenyo a naimbag daytoy dimi inan-annadan— kayatmi a sawen, saankam a nagduadua— a minikismikis a gasatyo. Maysa laeng a palagip: agannad ta mabalin a mabaltikanka no ipakpakanasam wenno ipapusom dagitoy.

CAPRICORN (Disiembre 22- Enero 19). Uray madi ti panagkitam, no saysayaatem ti panagriknam. Agtenkiuka met

no pakanendaka. Ken dimo ipadpadamag iti kaarruba a saan a naimas ti impasidada kenka no mapanka.

AQUARIUS (Enero 20- Pebrero 18). Laklakayankan, dika pay nangabak iti Palanca. Makisalipka met, a, iti laban dagiti

adda nakemna.

PISCES (Pebrero 19-Marso 20). Saanka a pisaw a pisaw ta didakanto ket kemmelen. Aramidem lattan dagiti ammom

a dika agkomkomentario ta dandanidakan awagan iti “saosao pugso.”

ARIES (Marso 21-Abril 19). Nakakarkaritka nga agopisial, dimo met maitured ti ag-host. Agawiskan, a, sa ibagam

a “pot luck.” Dimo im-imbitaran dagiti naimut. Laglagipem a kagura ti mannanakaw dagiti birkog.

(Naigalis iti panid 14)

Disiembre 2007 • SALUYOT • 11

Kablaaw ken panag-Dios ti Agngina kadagiti kappili nga Opisial ken Kameng

ti GUMIL Oahu nga idauluan ni Apo Glayds Menor!

Kasta met kada Mr. & Mrs.Max “Idot” Fagaragan & Familyken Martin Mendoza & Family. Ken kadagiti amin nga opisial ken kameng ti GUMIL Metro Manila. Naragsak a Paskuayo, Appo! --Leo, Zita, Macky & Lezi Fagaragan

Ni LEO S. FAGARAGANGUMIL Metro Manila P.R.O.GUMIL Filipinas P.R.O.2005 AVAIL First Prize Awardee

U.S. Non-Immigrant VISA-Part II

try until you succeed,” immannugotak met laeng. Insaganak ngarud amin a kasapulan. Nagbayadak iti 100 dollar idiay Bank of the Philippine Islands para iti aplikasion ti panangala iti visa. Kalpasanna, pinai-downloadko ti electronic applicationko. Nupay kasta, saan nga inawat ti US Embassy ti applicationko ta natakuatanda a dandani ag-expire ti pasaportek. Masapul gayam a saan a naladladaw ngem innem a bulan sa agpaso ti pasaporte. Iti kaaldawan ti pannakainterbiuk, awitko amin a kasapulan kas iti valid passport, kopia ti electronic application, 2 x 2 passport a nalawag a makita ti lapayag, dokumento ti nagtakderan ti balaymi ken luganko ken sumagmamano a kopia ti Bannawag a nakaipablaakan ti sumagmamano nga Obra Maestrak. Ti imasna, dua gayam ti nagliliniaan ti agpainterbiu. ‘Kaasi ni Apo Dios, pila dagiti mangal-ala iti visa dagiti

Adtoy ti ladawan ti autor alias Imingway a naala iti Pali Lookout, Honolulu, Hawaii kas ebidensiana kano a nakapan iti nasao nga estado ti America. Adda iti likudanna ti kunana a luganna. Mamatikayo?

GAPU iti pannakapaayko a mangala iti US Non-Immigrant VISA itay sangatawen (2006)

ta maysaak kadagidi naimbitaran nga agatendar koma iti maikadua a GUMIL OAHU International Conference, nalpay a naminpinsan ti namnamak a makaaddak pay iti kunkunada a “Paraiso”. Naunday a panawen a diak nailiwliwag ti pannakapaayko ngem iti panaglabas ti aldaw, naawatko met laeng a diak maikari a makapan idiay Hawaii.

Nupay kasta, diak ninamnama nga idi agsapa ti Agosto 5, 2007 a panangisagsaganak kadagiti labaak, (Ne, dika agkatawa, Abalayan, ta sipud panagretirok iti serbisio, nagkamengakon kadagitay asosasion ‘tay makunkuna iti Tagalog a TIGASIN wenno TIGA-SaINg ken TAKUSA wenno TAKUt SA asawa). Nakaawatak iti Long Distance Call manipud ken ni Engr. Rick Agnes ti GUMIL Oahu. Maysaak kano kadagiti imbitaranda nga agatendar iti maika-11 nga Anibersario ken panagsapata dagiti kaddutok nga opisial ti gungloda a maangay idiay International Ballroom ti Pagoda Hotel iti Honolulu, Hawaii. Agasem a suerte, Abalayan, ti mapadayawan a sangsangaili ken ti maikkan iti gundaway a makapan idiay Hawaii?

Ngem iti kinarigat ti mangala iti US Non-Immigrant Visa a kas kuna ni Abalayan Boni Mendoza iti salaysayna a napauluan iti “Ket Napanak Met Nagpa-interbiu Idiay US Embassy, Abalayan!” iti Oktubre 22, 2007 a bilang ti Bannawag, ken ti rigat a nagpasarak iti napalabas a panangalak koma iti nasao a Visa, nagpangngaduaak a nag-wen. Nupay kasta, gapu iti kinapateg ti maysa nga awis ken ‘tay pagsasao a “Try and

SALUSALUPADASPADASSALUYOT12 • • Disiembre 2007

seaman ti nakairagupak. Naammuak laeng daytoy a biddut idi madanon ti batangko a mainterbiu. Sikakartingak a nangsapul iti pila dagiti agpa-interbiu iti non-immigrant visa. ‘P’unay a danagkon ta sisiak met laengen ti nabatbati. Dandani ngaminen alas singko iti malem. Ket malas sa ti amin a minalas iti dayta nga aldaw ta ti nairana a manginterbiu kaniak ket daydi manen Amerikano a nanginterbiu ken nangpaay iti visak idi damok ti nagaplay.

Iti yaasidegko kenkuana, kinablaawak a sigida iti “Good afternoon, Sir, and mabuhay! The president of GUMIL Oahu, Atty. Alimbuyuguen, invites me to attend the Induction of newly elected offi cer of their association. Please give me visa!”

Diak ammo no naawatanna ti Inglesko a saan a nagsusurot gapu iti nerbiosko. Sinaludsodna laeng no ania ti trabahok sa kinablaawannak iti “Congratulations and welcome to Hawaii!”

Diak ammo no ania ti naknakanna ta nalaka nga inikkannak iti Visa. Ngem ti atapko, kasla gumangganat a makaiwakas iti dayta nga aldaw ta dakdakami laengen ti nabatbati isu a saannak a pinarigaten a pinagsaludsodan.

A, gasatko ti pannakayaw-awanko iti simmurotan a linia dagiti mangal-ala iti seaman’s visa.—

Ugalien ti agsida iti saluyot. Nasustansia daytoy.

Ugalien met ti agbasa iti SALUYOT.

Nasussustansia pay.

SALINONGDagiti Mannurat nga Ilokano

ATTY. NOLE V. LANSANGANPUBLISHER/EDITOR

Iturong dagiti manuskritoyo itiPurok 1, Villa Cruz, San Mateo, 3318 Isabela, Philippines

Cellphone: 0918-5729225e-mail: covlla_salinong@yahoo.com.ph

Binulan a maipablaak ken no adda espesial nga isyu(walo a panid). Ti maisaranay: Ti ayat a maitallukatik

ti dakkel a panagpuspuso ni Mannurat iti Iloko.

COL. ARSENIO S. SULQUIANO (Ret.)Consultant

Naparabur a Maika-41 nga Anibersario, GUMIL Metro Manila!

Kablaaw manipud iti

Ni APO PRODIE GAR. PADIOSti Red Deer Advocate, Alberta, Canadati nangipatulod iti daytoy a Kablaaw.

Disiembre 2007 • SALUYOT • 13

Ni Apo Honor Cabie (likud, tengnga) iti maysa a miting ti GUMIL Metro Manila. Adda iti sango, maikadua iti kanawan, ni Manang Rose a kaingungotna.

Nalabit nadalapuskon ti ania man a pasamaken ti maysa a parsua-- manipud panagriingna, naannad a pannagpagnana iti baetan ken iti nasemento a kalsada ti siudad, iti inna panagtugtugaw iti sirok ti akasia ken agraw, iti kinaymaysana iti pagtaengan ti gimong, ti natanang a panangiregalo iti nasudi nga ayat, ti panagririri dagiti annak da Adan ken Eva, iti pannakabekkelna iti saem gapu iti ipapanaw ti ipatpategna, agingga iti yaapras ti makapakullayaw a sumipnget a tinallikudan ti bulan, dagiti bituen ken layap...

(Nakaigalisan ti panid 8)

(Gapu ta awanen ti espasio, Apo, mabasa ti tuloyna daytoy nga interbiu iti www.gumilmetro.wordpress.com)

(Nakaigalisan ti panid 1)

masapul a rummuar manen inton Pebrero-- ta kuna dagiti editor, kakaisuna nga adda nakasagana a pagimprenta.

Nakagteng pay iti SALUDAMAG Desk a sumagmamano metten a kameng ti GUMIL Oahu ken GUMIL Maui ti mangisagsagana iti tulongda para iti ad-adda a panagbaludbod ti SALUYOT.

Dios ti agngina, Appo! (SALUDAMAG TEAM)(No mabasa daytoy ti dadduma a kameng ti GUMIL,

nangruna dagiti taga-Metro Manila, agiinnunada la ketdi a tumulong. Apay kapuy?--Ed.)

SALUDAMAG

Dumlao ken Berroy, VP ken direktor

Cargo, baro a presidente ti GUMIL Metro Manila

Iti general membership meeting ti GUMIL Metro Manila a naangay iti Antipolo City, nadutokan a presidente ni Engr. Ansel D. Cargo ti Bacnotan, La Union, dati a bise presidente ti gunglo, kalpasan ti panaglusulos a presidente ni Herman G. Tabin gapu iti kaaddana iti America.

Napili met a bise presidente ni GMM Director Noli S. Dumlao ti National Commission for Culture and the Arts, ken ni Simeon C. Berroy ti Abra kas sukat ni Dumlao.

Iti nasao a miting, naplano pay ti pannakaangay ti maika-41 nga anibersario ken Christmas program ti gunglo a pakayalnaganto espesial a bilang ti SALUYOT. Manamnama met a maipaulog ti resolusion a pangipeksaan dagiti kameng ti GUMIL Metro Manila iti kinapudnoda a kas kameng ti maymaysa laeng a gunglo dagiti mannurat dagiti Ilokano nga isu ti GUMIL. (Padigo ti BANNAWAG)

HONOR BLANCO CABIE

Maipagpannakkel nga Anak ti Pinili

Ti Kakaisuna a Diario ti GUMIL Metro ManilaSALUYOT

Espesial a Bilang • Tawen 9 • Disiembre 2007

PASCUA

I. Pascua Saan Nga Malipatan Intero nga sangalubongan Agragragsac Ubbing, Nata-engan, pare-pareho nga naragsac Agsimba, agpasiar, maysaken maysa iti adda kapanunutan

II. Pascua iti pagkikitaan no adda garbu-an Ta dayta ti nakaugali-an sanga familia-an Aldaw nga nabertod unay Isu’t naca-yanakan ni apo Jesus nga ay-ayaten tay unay III. Tapno nabertud, nagasat unay ti panagbiag Napili daytoy nga aldaw pagcacasaran ken pag-buniagan Nasuwerte, narang-ay cunamto ti biag Ta canayon kanal- buong iti cabangibang ken car-rubam IV. Dimonto malagip ti rigat ti agtrabajo Daytanto laeng ragsak mo nga agregalo Gaggayem mo ken kabagyam to Guran-gura maawan to V. ket agna-nayon to nga Nasayaat ti biag mo Ta ti Dios adda ta panunot mo Ket maawan to ti ladingit mo. EMILIANO ERICE41 Agnesville Subd., Mambugan, Antipolo Cityemiliano_erice@yahoo.com

(Indatagna daytoy idiay Bannawag. Gapu ta awan ti tagtagari dagiti editor, pinirata ti SALUYOT.—Ed.)

SALUDANIW (KANO!)

TAURUS (Abril 20-Mayo 20). Aglaklakaykan a miembro ti GUMIL ngem ul-ulila pay la a pakpakatawa ti naipablaakmo.

Nayonam met, a, iti burburtia wenno kanta no dimo kabaelan ti sarita.

GEMINI (Mayo 21-Hunio 21). Agyamanka ta kasla manen barnis ti kaayamuommo. Isu a no makatirmidka, dikan

agkarkarit a kasla ketdin impaigidmon ti Bodong.

CANCER (Hunio 22- Hulio 21). Ikkatem metten ti ugalim a paiduduolan aglalo no tiempo ti pannangan, saanka met

ngarud a manedier ti dulang ken tugaw. Napia koma met no makaipablaakkan iti gapuanam.

LEO (Hulio 22-Agosto 21). Agparaburka. No adda makilugan iti motorsiklom, paluganem met. Saan ket a ti la adda a

mairasrasonmo. Adda, aya, mulie ti motor met?

VIRGO (Agosto 22-Setiembre 22). Siak ti kalaingan, kunkunam ngem dika pay makaiparuar iti Kainaran nga

agipabpablaak iti pakomusta. Tuladem ngamin, a, lokdit, daytay atitiddog ti imingna a nakapan pay idiay Afghanistan ta nalaing a makigayyem iti nalalaing a mannurat.

LIBRA (Setiembre 23-Oktubre 23). Saan a gapu ta nangabakkan iti pasalip, makaipablaakkan iti Saluyot.

Sursuruem pay nga umuna, a, ti agsurat saka aglektiur, karaho!

SCORPIO(Oktubre 24-Nobiembre 21). Agbasaka ngamin, a, tapno makasursuroka. Ken sarungkaram met sagpaminsan ni

Apo Editor uray isunto met la ti mangpamerienda kenka.

SAGITTARIUS (Nobiembre 22- Disiembre 21). No adda letteg ti sakam, dikan agpasiapasiar ta di ket isu ti

pakaisarsarakam. Di koma ket dagita daniwmo ti obram nga ikutuan.—

(Nakaigalisan ti panid 10)