b. Mikaweruh Guguritan sangkan hidep leuwih paham tur weruh kana bagbagan guguritan, jawab ieu pananya di handap sing jentre! 1. 2. 3. 4. 5. Naon nu karasa ku hidep nalika maxa guguritan di luhur ? Naha pangna kitu ? Nyaritakeun naon guguritan di luhur teh ? Naon bedana maca guguritan jeung maca sajak bebas ? Naon wae nu kudu ditengetan, upama hidep rek nyipta guguritan (ngagurit ) ? Naon bangbaluh nu karasa ku hidep upama rek nyipta guguritan (ngagugurit ) ?

c. perkara guguritan rumpaka nu dibaca ku hidep di luhur teh disebutna guguritan, nyaeta wangun karangan dina basa ugeran atawa bsa puisi kalawan make patokan pupuh. Tina jumlah pupuh anu 17 , nu sok dipake dina guguritan mah biasana ngan salah sahiji bae , sabab guguritan mah wangun karanganana pondok, beda jeung wawacan nu sok panjang tur gunta ganti pupuh. Ku sabab kitu bisa disebutkeun , yen ciri guguritan teh nyaeta caritana pondok, ngan make salah sahiji pupuh dina sababaraha pada, jeung ngagambarkeun hiji kaayaan atawa hiji gagasan. Ku sabab ditulis dina wangun pupuh, guguritan teh kauger ku patokan pupuh, diantaran jumlah engang saban padalisan atawa baris (guru wilangan), sora vokal dina engang panungtung saban padalisan (guru lagu), jumlah padalisan saban pada, jeung watek saban saban pupuh. Cara macana biasana dihaleuangkeun luyu jeung lagu pupuh. Ku kituna teu aneh mun guguritan remen dijadikeun rumpaka tembang cianjuran. Pupuh asmarandana di luhur diwangun ka 5 pada (bait), unggal pada disusun ka 7 padalisan atawa baris. Anapon guru wilangan jeung guru lagu dina unggal padalisan, bisa dititenan dina pada kahiji ieu dihandap ! Eling eling maka eling, (8i) (8 engang, tungtung vokalna i) Rumingkang di bumi alam, (8a) Darma wawayangan bae, Raga taya pangawasa, Lamun kasasar lampah, Napsu nu matak kahudung, Badan anu katempuhan. (8e) (8a) (7a) (8u) (8a)

Pek bandingkeun jeung pada aterusna, naha guru wilangan jeung guru laguna akur? Guguritan asalna tina sastra jawa, asup kana sastra sunda kira-kira abad ka- 17 M. Eta wangun karangan the kungsi padamikaresep ku urang sunda. Sastrawan sunda anu remen ngagurit di antara R.A. Bratawidijaya, Haji Hasan Mustafa, Kalipoh Apo, Wahyu Wibisana, Jeung Yus Rusyana. Pancen Pek teangan conto conto pupuh, terus pilih salah sahiji. Titenan watek, jumlah pad, jumlah padalisan tina saban pad, guru lagu jeung guru wilangan dina saban padalisan. Mun hidep geus paham kana popo ugeranana, pek nyipta guguritan (ngagurit) luyu jeung pupuh anu dipikaresep ku hidep! Ari nyieunna ulah waka panjang, cukup sapada bae! Mun geus rengse, kumpulkeun ku bapa/ibu guru ngarah dipeunteun!