piodalan saraswati
TRANSCRIPT
PIODALAN SARASWATI
Sadurung tityang ngamargiang dharma wacana ngiring kaping ajeng ngiring
iraga sami ngaturang pangayu bagia ring Ida Sang Hyang Widhi Wasa, santukan
antuk pasuecan Ida Sang Hyang Widhi Wasa, iraga sareng sami mrasidayang
ngamargiang dharma wacana puniki.
Sedurung tityang ngamargiang dharma wacana ngiring sareng-
sareng ngaturang pengastungkara Panganjali umat.
“OM SWASTYASTU”
Bapak Kepala Sekolah sane wangiang tityang
Bapak Ibu Guru sane kusumayang tityang
Taler siswa-siswi sane tresnain tityang
Sakadi sampun kauningan, umat Hindune nyanggra piodalan Saraswati
ngenem sasih apisan, ring rahina Saniscara Umanis Wuku Watugunung, sane
kebaos “PIODALAN SARASWATI” pinaka rahina suci utawi rerainan jagat, duaning
ring rahina puniki sami umat Hindune ngaturang pangubakti majeng ring Ida Sang
Hyang Widhi pinaka utpeti utawi pencipta ilmu penetahuan. Sane ngawinang para
janane sinalih tunggil dados Dokter, Insinyur, Profesor, Bengkel, Tukang, miwah sane
lianan wantah sangkaning pasuecan Ida mapaica pangweruh.
Puniki mawinan sareng sami patut nyarengan rahina pamijilan pangweruhan.
Mungguing tatuweke wantah ngaturang suksma riantuk pasuecan Ida Sang Hyang
Widhi, samaliha banget mapinunas mangdane nglantur pasuecan Ida, mangdane
wenten anggen ngruruh pangupajiwa. Kawruhane wantah utama pisan
kawigunannyane ring Ngupapira kauripan.
Ida dane sinamian sane kasumayang titiang, titiag naenin miragi, munggung
meseh i manuse sane utama wantah katamben utawi kebodohan. Wiwit suka dukane
wantah katambetan. Sangkaning tambet prilaksana kaon, sangkaning tambet i
manusa mangguh sengsara. Punika mawinan iraga para anom sane tresnaasihin
titiang patut pisan misartang utawi mautsaha mangdane prasida wruh malarapan
malajahang angga ngruruh kawruhan. Patut pesan kaanggen niasa Dewi Saraswati
utawi Dewa cantik sane banget ngenyudin mangda state uleng misaratang pacang
ngeniang kawruhan punika, sane nenten telas-telas antuk melajahin, kadi munggih
ring gita“YADIN RIRIH ENU LIU PELAJAHAN” elingang MASA MUDA MASA
BELAJAR sampunang rered sakantun maurip.
Bapak ibu guru miwah siswa-siswi sane tresnasihin titiang, maosang indik
agama wantah madasar antuk TATTWA, SUSILA lan UPACARA. Mungguing cihnan
iraga maagama patut malarapan Upacara, ngastawa ring ida Shang Widhi pinaka
pencipta ilmu pengetahuan.
Bapak ibu guru miwah siswa-siswi sane tresnasihin titiang, wantah asapuniki
titiang prasida matur ring galahe sane becik puniki. Maka kirang langkung, titiang
nunas geng rena sinampura. Dumadak sareng sami stata degdeg ring kayun,
puputang titiang antuk parama santhi.
“OM SANTHI,SANTHI,SANTHI OM”