cerkak basa jawa sapa sing ilang
TRANSCRIPT
SOPO SING ILANG ? Dening : A. Galang Risky. P
Jaman SMA pancen jaman sing paling nyenengke. Oleh akeh pengalaman
lan kanca, Ana sing ngomong, SMA kuwi jamane wong dadi nakal. Dolan, bolos,
ora tau sinau, mulih bengi, kuwi tuladhane. Nanging pancen bener, SMA kuwi
jamane wong golek lan nemokake jati diri.
Ora beda karo bocah SMA sing liyane, Jati, Risky, Ahmad, Adit, lan Angga
uga ngono. Bocah 5 mau wis kekancan seka wiwit SMA lan kerep dolan bareng.
Ameh pendak malem minggu, 5 sekawan kuwi mau mesti dolan bareng.
Dina kuwi dina Setu. Cah 5 mau mangkat lan mlebu sekolah kaya biasane.
Ing wayahe pelajaran, cah 5 mau sinau kanthi temenan, apa maneh pas fisika,
jam keri dhewe, kabeh pada nggatekke amarga do ora iso, lan pengen iso.
“Tet …Tet … Tet …“, bel sekolah wis muni ping telu. Kuwi nandakake wis
wayahe mulih. Kabeh bocah kelase Risky pada seneng. Banjur Risky marani Jati.
“Ayo mengko bengi dolan !“. “ Aku manut cah-cah wae. Arep neng endi ta ?“, Jati
nyaut. Sawise Jati semaur kaya ngono, Ahmad ujug-ujug teka, “Ayo nonton
konser karnaval wae, neng Alkid !“, Ahmad ngejak. Banjur Risky nyamber, “Apik
kuwi … apik. Sapa wae sing melu ?“, “Yo mengko Adit karo Angga dak jake”,
Ahmad wangsulan. Banjur Jati ngomong, “Yo mengko jam 7 kumpul neng
omahku yo !”. Ahmad lan Risky menehi tanda yen setuju.
Sawise kangsenan ngono, cah 3 mau langsung mulih banjur leren. Cah 3
mau nduweni bayangan sing padha. Mesti konsere rame banget, untek-untekan,
angel golek dalan nggo mlaku, lan akeh copete.
Ora krasa ujug-ujug wis jam 7. Kabeh wis pada kumpul neng omahe Jati.
Nanging sing melu ora mung wong 5, sidane wong 6 amarga ketambahan Satya
sing dijak Risky. “Yo gek mangkat…Arep neng kopi joss dhisik ta ?”, Angga
ngejak. “Yo…Rasah kesuen… “, Satya wangsulan. Cah 6 mau langsung tumuju
neng kopi joss. Neng kopi joss ora suwi, kira-kira mung sak jam, nganti jam
setengah 9. Sawise srupat-sruput neng kopi joss, cah-cah mau langsung menyat
marani Alun-Alun Kidul. “Wah…dalane rame banget…”, Jati malah ngomiang.
ANTONIUS GALANG RISKY P
XI IPA 1 / 07
“Ho’o, macet dab …”, wangsulane Angga. “Wis gek ndang parker wae !”, Risky
malah ngakon.
Kira-kira lima las menit suwine, cah 6 mau wis rampung markirke motor.
Langsung pada mlaku neng jero Alun-Alun amarga parkirane rada adoh. Bengi
kuwi dalane pancen rame banget. Saking ramene, motor-motor pada ora iso
lewat. Kudu parker neng jaba Alun-Alun. “Wah untung motore diparkirke neng
jaba yo …”. Adit mulai ngomong. “Yo’a dab, nek digawa mlebu malah ora iso
mlaku”. Satya semaur.
Yo kira-kira 15 menitan, cah-cah kae wis tekan jero Alun-Alun. Neng
kono luwih rame tinimbang neng dalan. Luwih padet, nanging saking pengene
nonton konser, Ahmad ngejak nyeraki panggung. Ora tanggung-tanggung, le
ngejak tekan ngarep panggung. “Ayo cah, neng ngarep wae !”, Ahmad mulai
ngejak. “Neng kene wae, wis ketok…”.Risky semaur. “Ho’o Mad…kesel ki…ngko
nek ana sing ilang piye ?” , Angga malah takon. “Yo aja nganti misah…”. Ahmad
wangsulan. “Nek aku manut wae…angger mulihe bareng…”, Satya melu-melu.
Sidane, cah-cah mau tetep mlaku neng ngarepan. Le mlaku ora
bebarengan, amarga dalane kebak banged, dadine le mlaku urut-urutan. Ahmad
mlaku neng ngarep dhewe, banjur Angga, Adit, Satya, Risky, lan keri dhewe Jati.
Ahmad sing mlaku neng ngarep yo ora nduwe pangerten karo kancane. Wonge
malah mlaku banter. Satekane neng panggonan sing rada sepi, Ahmad mandek
ngenteni kancane.
“Heh dul…nek mlaku aja banter-banter !!”, Angga nesu-nesu. “Ho’o …
mengko nek do ilang piye ?”, Adit yo melu nesu. “Aiyo aku ki mandek arep
ngenteni e…”, Ahmad mangsuli. “Sik, dak itunge dhisik…”. Ahmad langsung
ngitung cacahe kancane. Sak elinge Ahmad, cacahe bocah ana 6 yen diitung karo
awake dhewe. Nanging lagi nyadar yen cacahe mung 5. “Sopo sing ilang …?”,
Ahmad pitakonan. “Tenan ta Mad…Jati ketinggalan ta…?”, Angga ndhisiki nyauri.
“Oo…sing ketinggalan ki Jati ta ?”, Ahmad malah takon. “La kowe mlakune
kecepeten kok…”, Satya nambahi. “Yo wis, saiki mlaku dhisik, ngko nek wis
tekan ngarep panggung Jati gek di SMS kon goleki awake dhewe…”, Satya malah
ngakon kanca-kancane. “Wo…cah edan…Kancane ilang malah ditinggal…”, Risky
malah ngunek-ngunekke. “Wis manut wae ta !tinimbang golek-golekan”, Ahmad
malah nggetak.
ANTONIUS GALANG RISKY P
XI IPA 1 / 07
Sidane cah kae mlaku tekan ngarep panggung. Sawise ngadeg mapan,
jejeg, lan entuk panggonan sing kepenag, Risky mulai SMS Jati. Intine Jati dikon
mlaku neng arah panggung lan karo ndelok dhuwur menawa Adit dipunji,
kanggo menehi tanda si Jati ben ngerti neng endi kanca-kancane le nonton
konser. Nanging, tekan wayahe mulih, Jati ora marani kanca-kancane. Banjur
kanca-kancane mulih.
“Wah…Jati piye ki ?”, Satya ngomong. “Ho’o…mesakke cah…”, Angga
semaur. Banjur Ahmad nambahi, “Menko mesti ketemu neng dalan arep neng
parkiran…”. Nanging sadurunge Ahmad rampung ngomong, Risky wis ndhisiki,
“La kae Jati…”. Banjur cah 5 kae marani Jati. “Heh…kowe kok ra marani e ?”,
Risky pitakonan. “La wong aku we ra nggoleki kok, mending ngenteni neng
kene, tinimbang ilang meneh…”, Jati semaur kaya ora nduwe dosa. “Wo edan…
tiwas dak SMS, e malah ngentek-ngentekke pulsa…”, Risky nesu-nesu. “Yow is
gek ndang mulioh wae, wis bengi ki, jam 11…”, Satya ngejak.
Banjur kuwi, cah 6 kae mlaku neng parkiran. Dalane isih padha wae,
kebak, rame. Ora mandang yen wis bengi. Tetep wae angel yen arep mlaku
bebarengan. Ora let suwe, kira-kira lima las menit, cah 6 kae wis tekan parkiran.
“Leren dilit yo cah…!”, Angga ngejak. Ing wayahe leren, cah kae ngomong-
ngomong akeh banged. Gegojegan kere. Ora mutu. Ngguya-ngguyu nganti
dideloki kabeh wong sing lewat.
“Wah…wis cekap semanten lerenipu8n cah…”, Adit ngomiang ra ceto
basa ne. “Gayamu le…”, Risky ngunek-ngunekke karo cekikikan. Banjur Risky,
Jati, lan Angga njupuk motore dhewe-dhewe. Sawise motore cemepak neng
pinggir dalan, gari ngenteni mangkat, Angga malah pitakonan, “Loh, la iki ketoke
ana sing kurang…Risky wis karo Satya, Aku wis karo Adit, La Jati kae kok mung
dhewe ? La sapa sing ilang ?”. “Waa….Ahmad ilang…ilang…kecer meneh…”, Jati
malah mbingungi.
ANTONIUS GALANG RISKY P
XI IPA 1 / 07
ANTONIUS GALANG RISKY P
XI IPA 1 / 07