ACARA MEMADIK

ACARA MEMADIK

( Ida Bagus Wirya Dharma )

Ainggih risampune puput matur atur ring Ida sasuhunan, Ida Betara Betari

lelangit sinareng sami, bebawosan jagi pacang kekawitin. Dumogi majalaran antuk manah ning nirmala Ida Betara, Betari, prasida mapaica pemargi sane antar.Ratu singgih peranda sane dahat suciyang titiyang, pengelingsir, AjiBiyang semeton raka rai griya Gede Mas sanur sane kusumayang titiyang, Lugrayang titiyang ngiring Ratu peranda, Pengelingsir, Aji, Biyang miwah semeton raka rai ngaturang pangastungkara,

OM SWASTI ASTUKaping Ajeng titiyang pinaka angga griya Kutuh Kelod Tabanan, katodya dados

penyeledii titiyang medruwe bli, Ida Bagus Gede Wirakusuma. lugrayang titiyang ngaturang atur agung rena sinampura dwaning presangga titiyang sareng sami ngerahuin griya gede Mas Sanur sekadi mangkin, sampun pastika antuk tityang pengerawuh tityang punika janten pacang ngemetuang pangerewed mantuke ring semeton iriki.

Kaping kalih titiyang ngaturang suksmaning manah ring sajeroning panyanggra sane dahat utama sekadi asapuniki.Ratu peranda sane suciyang titiyang, Pengelingsir, Aji, Biyang miwah semeton

raka rai griya gede mas sanur sane kusumayang titiyang, sadurunge titiyang midartayang pari indik pengerawuh titiyang sinareng sami ring griya iriki, mangda sareng sami tatas pastika, lugrayang titiyang nyihnayang angga pengelingsir miwah semeton sami sane iring titiyang rawuh meriki,

Titiyang newek, Ida Bagus Made Widiadnya, .................................................................................................................................................................................................................................................................................................................................................................................................................................................................................... ............................................................................................dst Ainggih risampune sami sampun nyihnayang angga soang2 tincapang titiyang antuk babuat titiyang rawuh sekadi mangkin,Ratu peranda sane suciyang titiyang, Pengelingsir, Aji Biyang miwah semeton rakarai sinareng sami sane kusumayang tityang, sepengerawuh tityang sekadi mangkin nenten wenten tiyos wantah ngetut pinunas titiyang madruwe pianak Ida Bagus Wirya Dharma, sane mawosan sampun kalulut asih( turah mangkin jatuh cinta ) sareng I jegeg Driki sane mapesengan Ida Ayu Mas Agung Prama Iswari, wenten raris pinunas nyane sareng ajine, mangdane prasida rawuh ring griya gede mas sanur iriki, matur atur jagi pacang nunas keledangan pikayunan ratu peranda, pengelingsir , aji biyang semeton raka rai sareng sami mangdane presida ngelugrayang I jegeg Ida Ayu Mas Agung Prama Iswari jagi pacang kejangkepang, alaki rabi sareng titiyang madruwe pianak Ida Bagus Wirya Dharma.

Nawegang tityang, mangdane pastika antuk titiyang natasan ring paiketan anak alitsareng kalih, titiyang nunas I jegeg Ida Ayu Mas Agung Prama Iswari mangdane prasida iring titiyang iriki.

(yening sampun rawuh I Jegeg raris metaken)Bagus ne aji jani mataken tekening bagus, nang teletekan sube beneh I jegeg ne, ane mapesengan Ida Ayu Mas Agung Prama Iswari, Sube sujati bagus lulut asih teken I jegeg, sube sujati kayun baguse sekadi sane uningayang bagus sareng ajin baguse jagi pacang nincapang paiketane ke grehasta asrama?Ainggih dwaning sampun piragi tityang atur tityang madruwe pianak, sampun pastika antuk tityang ngemanahang wantah I jegeg Ida Ayu Agung Mas Prama Iswari, sane iring tityang puniki sane ngardi lulut asih tityang maderbe pianak Ida Bagus Wirya Dharma

Ainggih galah aturang titiyang ring pengelingsir iriki,................................... ........................................................................................................................................................................................................................................................................................................................................................................................................................................................................................................................................................................

Ainggih suksma aturang titiyang mantuke Ratu Peranda,Pengelingsir, Aji, Biyang Miwah semeton raka rai, dwaning pinunas titiyang sampun prasida kadagingan, momo dadosne tityang ring galahe mangkin, malih titiyang nunas keledangan, Ratu peranda, pengelingsir sami dwaning titiyang pacang ngelanturang pari indik puniki, manah titiyang pinanggal Kutus, ring dina buda paing wayang, sane pacang rawuh I Jegeg Ida Ayu Agung Prama Iswari pacang iring titiyang ke griya Kutuh Kelod, raris puputan titiyang pawidiwidanaan. Titiyang nunas mangda ledang rawuh nyaksi ring sajeroning upacara pawidi widanaan.

Ainggih galah aturang titiyang mantuke pangelingsir sami ............................................................................... ....................................................................................................................................................................................................................................................................................Ainggih Ratu, pengelingsir, Aji Biyang miwah semeton raka rai sinareng sami, minabang titiyang Ida sasuhunan miwah betara betari lelangit sinareng sami sampun mapaica pemargi sane antar miwah sampun prasida cumpu ring bebawosan rahinane mangkin dumogi selanturnyane prasida labda karya sida sidaning don pinaka pemumut atur titiyang lugrayang titiyang ngaturang prama santhy, Om santhy, santhy, santhy,....... Om