largo. Rp. 12. 50 —

Kandoonqan Buku "Si Miskin"

----- t ~ • -V No. K E U P A L A / A S O E D J 1 H l , . C •

Keulerengan èdjaan . . kulit 3

Kandoongan buku " S I - M I S K I N " . kulit 2

1. Peuneupnoon haba •"? . . 3

2. Permulaan kisah . . . 5

3. Meutamah seudeeb . . . 1 2

4. Robabi djibungka . . . . 2 2

5. Djak ba Iuka batee . . 3 5

6. Meuteupuek djaroe u Langsa riwang' . 50

Haba Joon susoon narit loon surat Loon meung riwajat saboh tjalitra Uloon peusemah bak rakan sahbat Gantoe amanat djampang loon hana

j Haba Si MISKIN loon keumeun Q surat Nasib meularat sipanjang masa Keu ureueng gasien djeuet keu nasihat Djeuet keu amanat keu ureueng kaja

Buah karangan A R A B Y A H M A D Disideeh teumpat di Kutaradja Djalan Muhammaddjam neumita leugat Angka teusurat rumoh numbooj sa

Bak saboh masa kalheueh na wa'ad Dalam seunurat nan „ T A N D A M A T A " Njoe pat ka trooh loon djandji loon teupat INeusamboot sahbat narit neubatja

Buku peuteubiet deungon qeutjitak

k e . A i r ? K f n r , ^ a h b a t b a k A T J E H R A J A D J A L A N P E R D A G A N G A N DISIDEEH T E U M P A T Keusan bék teulat rakan sineuna.

HAK PENGARANG DIPERLINDUNGI

(Disembahkan untuk Saudara-saudarahu didjalan raja, TPara pemimpin havtawan muda. me-nudjii pembangunan masa djaja.

1. PEUNEUPHOON HABA.

BISMILLAHIRRAHMANIRRAHIM.

Assalamu 'alaikum e deek puteeh di Ta samboot e Ti saleuem keukanda Tanda hooreumat neujue lee Nabi Saleuem neujue bri pat-pat berdjumpa

Meu'ah dèesja loon seumabarang hari E bungong tjampli putik bungong la Kitab loon susoon haba loon rawi Peuteupat djandji bak saboh masa

Bak saboh sa'at na loon meudjandji Loon tuan rawi laeen tjalitra Sideeh loon tuleeh neubatja achi Sideeh loon rawi lam .TANDA MATA"

Haba si Miskin loon keumeung kheun kri Seudih han sakri tjuba neubatja Djeuet keu ibarat tamsee uloon bri Baik leulaki atau wanita

Kajeem meuteumeung lagèe loon rawi Nasib si faki seudeeh lagoe na Bedumpat teumpat beurangpat naggri Kajeem terdjadi lagèe njan rupa

Meung tanjoe gasien ramè gob bantji Meung tanjoe Rani ramè gob suka Meungnjo na pangkat ramè gob sudi Baik leulaki atau wanita

Kajèe rampak dheuen teumpat berhenti Ureueng masafi djak meuniaga Meungnjo kajèe Ihooh hana peuduli Ladju geutadi peureubah sigra

Meunan meukeusud batjut loon rawi Muphoom areuti rakan bak gata Han peue loon peugah keueueng boh tjampli Han peue loon kheun kri paheet kinina

Narit njang keuphoon 'oh nan keuh sari Laeen tjit meuri watée neubatja Euntreuk neukalon sama sikali Meujub ngon tinggi pandjang ngon léba

Loon lakée teugur bak rakan achi Tunong ngon hili bandum sineuna Untuk ta peugét kandungan isi Mangat gét rawi indah bahasa

Loen lakée meu'ah bak ma ngon abi Meungnjo terdjadi teusinggoong rasa Narit njang gasa hana loon turi Haba mupangsie hana biasa

Narit meuraju hana loon ahli Kalam muputie hana djuara Ka meunan nasib pakri loon tukri Marit tiep hari loon tuan gasa

Umpama gulé seléh Ie tjampli Umpama kandji saléh Ie sira Meunan meukeusud batjut loon kheun kri Maklum bak achi bandum simua

Teurimong gaseeh awaj uloon bri Bak rakan achi njang neuteem batja Njang bri teuguran bak peugét isi Ngat lebèh seuni ngat that meuguna Mudah2an llahi Rabbi Rahmat beuneubri meulipat ganda Bupanjang umu mudah raseuki Beu eek loon haki jang laeen teuma

Untuk peumabtja keurabat ahli Serta famili bandum sineuna Meunan tjit do'a keupada Rabbi Mudah raseuki panjang Usia

2. PERMULAAN KISAH.

Alhamdulillah loon pudjoe Rabbi Seulaweuet keu Nabi teulheuehnjan teuma Serta sahabat dan bandum ahli Seudjahtra neubri oleeh Ta'ala

Wa ba'du! kalam aduhai Njak Ti Saleuem uloon bri intan keugata Jooh phoon loon marit saleuem ka loon bri Keupada Rabbi Rahmat taminta

Saboh tjalitra loon keumeung rawi Gantoe lam sunji tanjoe meuhaba Gantoe haba . ' eu ' dimalam chali Tajue bak abi atawa bunda

Tanjoe ka rajek pakri tatukri Ta meung jue abi beurani hana Ta meung jue peugah keupada Ummi Gobnjan ngon abi didalam karna

Oleh seubab njan neubatja ini Haba loon haki keu gata Njak La Haba that sedeeh romanteeh lom pi Kajeem terdjadi bak masa kita

Peupatah Arab ka Iheueh geukheun kri Saidina 'AM njang susoon haba Bah bèk loon tuleeh lafazh aseuli Tjukoop areuti tjuba neubatja

"Ramè sahabat rakan dan ahli Meung tanjoe rani ka tjukoop kaja Meung tanjoe gasien hana soe turi Ramè musooh pi ban siseun lingka

Meung beungoh sisuep tamita nasi Njang laeen lagi 'oh seupoot teuma Leupah that sajang djaweueb famili Jooh masa Njak Ti mantong dimuka*

Meunan keuh tjara njang ka terdjadi Sampoe 'an kini seudjak pureuba Ka meunan adat hudeep duniawi Bubandum achi mita njang kaja

Meung gasien hana ureueng peuduli Meung kaja Rani ramè njang teuka Njang njoe kheun bapa njang djeeh keun abi Njang njoe kheun «chi njang djeeh sjèedara

Hadijah teuka meu-gun i 2

Harta dum djibri meuntjari muka Djikheun seudeukah hadijah kanduri Nazar bahari bak saboh masa

Meunan meukeusud batjut loon rawi Lagèe gob rawi na saboh haba N a sidroe ureueng Po Leem Been Sabi Deungon isteri si Njak Ruhana

Awaknjan kaja mèwah han sakri Bandum famili keunan djiteuka Djak peuteumon droe mita raseuki Nasib Tuhan bri ka meunan kada Akaj neuh pih gèt sopan that budi Suami istri ureueg mubasa 'Ibadat kuat ubak llahi Amar ngon nahi gèt that neudjaga

6

Leupah that tha'at keupada Rabbi Beuthat beu Njak Ti mantong that muda 'Oh teuka watèe azan berbunji Geudjak shalat lee ngon pantah sigra

Meungnjo peungemis minta raseuki Djiwoe han geubri ngon tangan hampa Ubak bsngunan rumoh llahi Beulandja geubri hana geukira

'Oh trooh bak molood Iseura' Nabi Peugét kanduri meunasah geuba Sombong hana dheuh angkuh han meuri Gasien ngon rani neumeungon sama

Bandum gob galak hana soe bantji Ban saboh nanggri hatee geumbira Sabab na guna Po Leem Been rani Dapat raseuki ureueng njang papa

Bandum gob pudjoe hana soe tjatji Sabab gèt budi indah bahasa Suara leumoh hatee pih sutji Djareueng na rani lagèe njoe rupa

Biasa ureueng meung kaja diri Angkuh bukon lee sombong lagoe na Seolah aku hanja sendiri Lam doonja ini ureueng njang kaja

Hana teuingat keu Tuhan Rabbi Ka Iblih taki sjaithan peudaja Gaja ngon sombong ngon rajek hati Hilang dum budi gadoeh bahasa Mengnjo ngon gobnjan berdjual beuli Djawaban geubri tjongkak hana sa Tumpang ngon keuieng djaroe bak tupi Njang siblah gaki keundoo lagoe na

7

Ngon pipa rukok teuglong bak bibi 3itjara hari Atjeh han geuba Beung basa Atjeh bahasa hari Hana gob turi tanjoe djuara

Meusimpang batjut loon tuan rawi Ta riwang Njak Ti bak awaj mula Ta samboong teuma haba Leem Sabi Deungon puteeh di si Njak Rohana

Padum treeb laweet suami isteri Karoonja Rabbi meuteumeung putra Rupa samlakoe maméh han sakri Geumbi ra Sabi deungon Rohana

Geusie ngon leumo peugét kanduri Seudeukah geubri keu fakir dumna Aneuk jatim dum ubee geuturi Padjooh kanduri geuadjak sama

Geub loe ngon kamèng dageeng geubagi Bak tudjooh hari lagèe njan tjara Geubeuet Quruaan ramè meungadji Batja barzandji geumbira ria

Tanda bersjukur bak nikmat Rabbi Sabab ka lahee putra samrupa Geubatja do'a ubak llahi Aneuk beudjadi ureueng njang takwa

Beudjiteem turoot peurintah llahi Amar ngon Nahi beudjiteem djaga Bék rooh djipubuet njang larang Rabbi Bék bak buet keudji di djih that suka Meunan keuh do'a poma ngon abi Keupada Rabbi t iep 2 kutika Meutuka zameun meugantoe hari Aneuk geurasi geubri lee nama

8

Geufcoh geusamboong nan ma ngon abi Aneuk geurasi lagèe njan nama Nama moderen lagèe njan rawi Si Njak Rohabi geurasi nama

Teulheueh dua thoon lahee Rohabi Njang laeen lagi ka lahee teuma Lahee njang inong lom laeen lagi Nama geurasi Sitti Surajja

Ka kheundak Tuhan pakri tatukri Po Leem Been Sabi sakeet djiteuka Teulheueh peuet buleuen geu eeh seundiri Po Leem Been Sabi meuninggaj doonja

Tinggaj keuh aneuk deungon isteri Mita raseuki ateueh rueng doonja Baroo tjit nam thoon umu Rohabo Tjit peuet thoon lawi umu Surajja

Ka kheundak Tuhan pakri tatukri Iradah Rabbi pakri tadaja Harta ka kureueng jooh sakeet Sabi Keu ubat ngon ie soe2 njang teuka

Djamèe dum teuka djak mita kupi Bukon leem Sabi djidjak useuha Meungajo na umu tjitna raseuki Meunan e Njak Ti pikhee Rohana

Hana djiteupeue didjih ka gob sie Teuka si Njak Ti teupat lagoe na Njang ladum agam do'a bak Rabbi Bu bagah matee si Sabi kaja

9

Keumeung meukaween deungon si Njak Ti Supaja djibri keudjih hareuta Rupa djih pih djroh indah lom budi Ramè dum laki keumeung Rohana

' O h Iheueh meninggaj po Leem Been Sabi Tinggaj keu Njak Ti ateueh rueng doonja Ngon aneuk Jatim putra ngon putri Kadang si Njak Ti djiroo ie mata

Habeeh 'oh seupoot beulandja pagi Sajang si Njak Ti udeep seungsara Aneuk geuh duwa gohlom meungeurti Tajue mentjari han eek lom daja

Harta ka habeeh Po Leem Been Sabi Tinggaj isteri soe kalon hana Sabab han sapeue harapan hsti Harta hana lee habeeh seureupha

Hudeep seungsara han soe peuduli Gadoeh famili hilang sjèadara Hana lee teuka ureueng kheun ummi Ureueng kheun abi bak saboh masa

Kadang bak kadang dimalam hari Beudoeh si Njak Ti geuroo ie mata Gsutjoom ngon aneuk ingat suami Ie mata hilee basah ngon muka

Geupuduek aneuk diuneun diwie Dimalam sunji beudoeh Rohana Sira meuratok peupuleeh hatee Sira meunjanji peugadoeh lara

10

Allah aneuk ben lagèe rapati Ka grak teukeudi nibak Ta'ala Udeep aneuk loon lam donja ini Kagrak Tuhan bri udeep seungsara

Aneuk boh hatee pakri loon tukri Bala Tuhan bri meusti tasaba Teuma meung nikmat tanjoe siukuri Keupada Rabbi Njang Maha Esa

Lahee kah aneuk meninggaj abi Kawoom famili peuduli hana Masa oroe djeeh ramè kheun Ummi Bak masa ini ka habeeh lupa

E Ja Tuhanku llahi Rabbi Gata keutahui keu nasib hamba Neukalon hamba ja Tuhan kami Han soe peuduli udeep seungsara

Di loon loon saba bala njang neubri Serta sjukuri meung nikmat teuka O leeh seubab njan wahee ja Rabbi Nikmat beuneubri keukamoe dumna

Neu ubah nasib bèk lee beugini Seudeeh loon pikhee aneuk loon dua Djimakeuen seupoot ka hana pagi Teueeh teugulee prèh woe ma mita

Djak tueng tueng upah loon teem keukuli Mita raseuki keu aneuk dua ' O h watèe loon woe seudeeh lam hati Aneuk teugulee pidjeut lagoena

1 1

Ka leumah rusook mu bu han soa bri Han soe peuduli ajah ka fana Dak na Sjèedara deungon famili Meungaku han lee sabab loon papa

Hana djiteem kehun uloon famili Sabab hana lee bak loon hareta Adat uloon djak mita raseuki Hana soe teem bri sabab pèng hana

Ka treeb that adeek akhee bunji i Ka lama Njak Ti udjoong bunji a Loon baleek buhu loon ubah njanji Njang laeen bunji loon tji useuha

Mengnjo lagèa sèi sabee bunji i Hana gèt njanji sabab biasa Umpama ngon bu sabee teurasi Umpama njanji sabee sirupa

Umpama badjèe ka teubaj daki Tanguj ka leupie gataj lom teuma Oleh seubabnjan loon tuka njanji Badaj bunji i gantoe bunji a

3. MEUTAMAH SEUDEEH.

Bungong ie mawo peuleuheuen tamat Meung kureueng ingat teutob bak djaroe Bahlee bek panjang simpang hikajat Loon samboong leugat kisah njang bunoe

12

Teukeudirullah printah Hadharat Neu tjuba 'Ibad mubagoe bagoe Sitti Rohana seudeeh djih that2

Mita hareukat bubandum keudroe.

Aneuk djih ubit dua droe meuhat Hana soe lihat dirumoh keudroe Ban beungoh Po Ma mita hareukat Beuthat hatee brat tinggaj anuek droe

Meung han tamita leubèh meukarat Meung hana tadjak leubèh lom rugoe Geupeet ngon mata pubulat teukat Ubak Hadharat geusrah aneuk droe

Wahee Tuhanku lhalu'1 'Ibad Njang Kuasa that Allah tjit sidroe Di loon ka loon djak mita hareukat Seunamboong hajat tinggaj dua droe

Aneuk loon duwa matong ubit that Loon srah ban bulat bak gata e Po Hana loon lakèe tuloong bak 'Ibad Sabab loon lihat hana meusampoe

Beudoeh Rohana neudjak hareukat Geutinggaj leugat aneuk dua droe 'Oh trooh bak reunjeun neupaleeng si-at Aneuk djilihat teuduek lam sagoe

Aneuk ka pidjuet han peue loon surat Bala Hadharat bak si Njak Ti njoe Aneuk djikalon bunda beurangkat Djidjak bak tingkap kalon po ma droe

13

Seureuta djikheurt e ma Seulamat Mita hareukat ngon bri bu kamoe Meuteumeung batjut neugisa leugat Nasi neu euntat bagah keu kamoe

Bèk t reeb 2 ma woe kamoe neuiihat Teumakoot that 2 kamoe dua droe Meunan keuh narit po aneuk djasad Dji muwasiat ubak po ma droe

' O h ban geudeungo lee po ma meuhat Akan wasiat aneuk duwa droe, Ie mata ilee han eek lee hambat, Geumar i t leugat ubak aneuk droe

Al lah aneuk beh seunamboong hajat Ubak Hadharat do'a peusampoe Beu eek meusampee po ma hareukat, Bubagah leugat keunoe po ma woe

Adeek ka djaga haj aneuk djasad Po ma beurangkat bagah lee djinoe Teurimong nasib takdir Hadharat Geutanjoe 'ibad bak gobnjan tawoe

Narit pih habeeh po ma berangkat Tinggaj keuh meuhat aneuk dua droe Peue 2 meuteumeung geupuwoe leugat Ladju geu euntat untuk aneuk droe

Meunan Rohana mita hareukat Mita djeuep teumpat keu bu aneuk droe Meunan keuh sabee nasib seudih that G e u djak hareukat ditiep tiep uroe

14

Iman Rohana keubit njo kuat Hana eek sisat lagèe njoe bagoe, Hana djiteem rooh bak buet njang sisat Beuthat hareukat hana peue puwoe

Nibak siuroe takdir Hadharat Neutjuba kuat Rohana sidroe Leupah Rohana mita hareukat Aneuk beurangkat dj iwoe ubak Po

Surajja ka trooh djandji Hadharat Keudeeh meunghadap ubak Tuhan Po Habeeh deurita didalam hajat Aneuk ubit that neusajang lee Po

Ban dji eu adeek badan ka teupat Meuratok leugat Rohabi sidroe Al lah adeek beh tabeudoeh leugat Teumakoot 2 that 2 di loon tjit sidroe

Teungoh po abang adeek geuratap Leumah lee leugat po ma ka geuwoe Rohana dji eek 'oh pantah leugat Rindu meung lihat aneuk dua droe

' O h trooh u rumoh ladju djilihat Aneuk tuloot that ka djadèh djiwoe Dji riwang teuma ubak Hadharat, Ka habeeh meuhat deurita bumoe

Po ma meudo'a ubak Hadharat Ja Rabbul 'Ibad Kuasa han soe Aneuk di uloon ka neutjok leugat Han treeb djilihat alam doonja njoe

15

Neubr i Ja Al lah Iman loon kuat Bèk sampoe sisat singoh djeuet rugoe Habeeh teunaga uloon hareukat Meusampee that 2 aneuk loon sidroe

Sitti Surajja Sajang Hadharat Geutjok lee leugat achirat puwoe Lam doonja udeep sedih pih that 2, Aneuk manjak that sakeet ngon seungkoe

E Ja Tuhanku e Ja Hadharat Hana mureutad diuioon keu Po Gata Kuasa bak bandum ' ibad, Laeen tjit meuhat kuasa hansoe

Djitroon lee pantah Ruhana meuhat Djak bri thèe leugat bak teungku sagoe Geupeugah aneuk ka leupah djidjak Ubak Hadharat ka leupah djiwoe

Sak rakan laeen pih su geu euntat Peu trooh sjawarat bak asoe nanggroe Sidumnan ramè leupah Ie Rakjat Ureueng njang na djak tjit lèh padum droe

Aneuk seumeujub poh siblah meuhat Njang djak bak djeurat tjit lèh l imong d roe Siulah sinan tjit hana rakjat Djak urus majat maka padum droe

Sitti Rohana u'èe puseeng that Watèe teuingat Surajja s idroe Hingga bak hingga djatooh meularat Sakeet ngon djasad teugulee sidroe

16

Duwa uroe eeh ban budju teupat Po ma seulamat leupah geudjak woe Po ma ka geuwoe ubak Hadharat, Habeeh dum harat leunjap sinaroe.

Geutinggaj donja peukeue echirat Njang teutap hajat tjit aneuk sidroe Rohabi sidroe tinggaj muwat-wat, Peugah meukarat hana meung bsk soe

Ie mata habeeh seudeeh ka lèwat Djak peugah leugat bak teungku sagoe Bedoeh dum ureueng djak ures majat Kaudeeh lam djeurat ladju geu pasoe.

Njandum Rohabi udeep meukarat Djareueng that rakjat njang na peuhiroe Umu Rohabi watèe njan meuhat Tudjooh thoon meuhat hana meutjawo

Akhee bak akhee takdir Hadharat Aneuk geudjak mat lee teungku sagoe Keudeeh u rumoh ladju geupakat Aneuk hana mak sajang that adoe.

Hana meudewa ladju beurangkat Peuturoot kheundak bak teungku sagoe Ie mata ilee han djeuet loon surat Tjukoop keuh sahbat neubajang keudroe

Han peue ioon lukeeh tuleeh seunurat Aneuk njang tan mak deungon ajah droe Patah dum tjadeuen teumpat tamumat Reuloeh dum pipak teumpat meugilho.

17

Neubajang keudroe aneuk pidjuet that Rusook meukrak-krak hana soe hiroe, Aneuk mata Ihook badan la'èh that -Sang 2 bak djidjak badan teupipoe

Geubeudoeh ladju keudeeh peuteupat Meuiangkah tjeupat bak rumoh sagoe ' O h trooh u rumoh teungku jang pakat Beungeh njak ajat isteri sagoe

Djijue tob ujub aneuk hana mak Didjih han galak aneuk legè njoe Hana soe sajang bèk 'ar. dilihat Sabab tan harap peurumoh sagoe

Sabab hana pèng han peue geuharap Njang djeuet geulihat hana siuroe ' O H ban geudeungo narit Njak Ajat Soosah lee that 2 di teungku sagoe

Sajang keu nasib aneuk manjak that Geudjak tjok leugat udapu keudroe Meu bu hana lee njang na tjit meu krak Geubr i lee leugat keu aneuk sidroe

Han peue uloon kheun muka njak Ajat Mu-djan 2 putjat darah tan bak dhoe Meudjan-djan mirah tanda beungèh that Geudhoot-dhoot leugat keu teungku sagoe

Djideungo meunan lee aneuk bidjak Djilakèe lee djak tinggaj rumoh njoe Izin ka geubri aneuk ka djidjak Dalam seupoot glap djitroon rumoh njoe

18

Djidjak lam seupoot han meuho takat Keudeeh djeurat mak ladjoe djiboeh droe ' O h singoh beungoh pruet djih ka dheuek that Djitroon lee leugat u dalam nanggroe

Djidjak meungeumis mangat Iheueh hadjat Sabab ka dheuek that teungoh tjot uroe Meung na soe leem tiek saboh pisang klat Djipadjooh leugat mangat bagaih tros

Keubit pih meunan didjih meukarat Ubak buet sisat hana meugawo Njang hana gob bri hana djikarat Hana rooh beudjat ngon panjang djaroe

Meulakèe sabee rata djeueb teumpat Nasib sajang that didjih watèe njoe ' O h dheuek hana bu djitheun meukarat U rumoh meuhat hana djidjeuet woe

Rumoh djih rajek tapi tan alat K a habeeh leunjap nibak saboh roe Rumoh han peue kheun ka geuratan mat Kalagèe teumpat hantu djimeulho

Dji eeh tjit sidroe dalam seupoot glap Nasib meukarat keubit aneuk n,oe Kadang djiba-e po ma lam djeurat Teuka lee si-at didalam lumpoe

Teuka di poma geubudjuk si-at Teungoh si manjak ka teungeut sidroe Geu-gusuek 2 geubri nasihat Geutjok lee si-at geutjoom nibak dhoe

19

Hatee aneuk tjut terhibur siat Tapi sajang that haj putik pandjoe 'Oh watèe djaga dalam seupoot glap Meunjum sunji that hana po ma droe

Meunan keuh sabee han peue loon surat Neubajang sahbat ngon fantasi droe Pakri ban hudeep aneuk ubit that Dalam masjarakat njang ka that laloe

Rasa soaial ka gadoeh bakat Dalam masjarakat sampoe 'an djinoe Njang na seumbojan rata djeuep teumpat 'Adil makmu that nanggroa geutanjoe

Tapi peumimpin makin mèwah that Teuka di Rakjat makeen mupaloe Njang adil makmu ureueng mupangkat Njang laeen meuhat nasib han meuho

Meunan meukeusud uloon isjarat Neupham beugèt that udjoong narit njoe Hana djeuet panjang loon tuan surat Sabab njan meuhat udjoong meugawo

Peue lom bak susoon haba hikajat Putik pisang klat meu'ah bak adoe Hana eek loon theun seudeeh loon that2

Sabab njan meuhat udjoong meugawo

Uloon tuan njoe susoon riwajat Hana lom treeb that tjit baroo baros Gohlom biasa peusantook ajat Hana that bidjak bak loon atoo pro

20

Dheuh pisang taloon loon tjok pisang klat Dheuh putik langsat loon kheun boh pandjoe Idja tjcp gadjah loon kheun pulikat Kajeem that sahbat meutuka bagoe >

Oleh seubabnjan djaroe uloon mat Meu'ah sahabat meung salah bak proe Uloon tuan njoe gohlom ahli that Peugah hikajat meutuka takoe

Ka treeb that rakan udjoong bunji at Kalama sahbat akhee bunji oe Loon ubab titeek loon tuka ajat Ngat leubèh mangat tabatja adoe

Meungnjo lagèe sèt hana that mangat Beungeu ta ingat bosan ta deungo Umpama kuwee sabee bu leukat Hana njak Ajat meutuka bagoe

Adak pidato hadirin hadirat Le that tautjap bosan gob deungo Akhee djidjaweueb lam kawan rakjat Tadjak tjah djeurat parang mat bak gho

Ka Iheueh terdjadi lagèe loon surat Bak saboh sa'at dalam pidato Sideeh di Bireuen asaj riwajat Dji jue tjah djeurat bak njang pidato

Oleh sebabnjan loon baleek ajat Bèk djeuet meukeumat lagèe njoe bagoe Loon lakèe do'a beuteuga kuat Bak uloon sambat udjoong haba njoe

21

Bak eek loon samboong seun 2 si ajat Mubaleek ajat meu-gantoe 2

Neubatja eakan beulambat-lambat Beu muphoom sahbat narit uloon proe

Tasamboong ladju udjoong seunurat Bèk rooh panjang that udjoong meugawo Keu haba awaj ladju loon sambat Ladju loon surat keu aneuk sidroe

Geutinggaj lee ma ngon ajah djasad Nasib seudeeh that mu bu han meuho Ngon badan pidjuet rusook djeulas that Keumeung beurangkat djitinggaj nanggroe

4. R O H A B I D J I B U N G K A

Bukon that sajang si putik reuboong Badan djih teulhoon watèe trooh umu Riwajat bunoe iadju loon samboong Si bongong muroong njang tan ma ngon ku

Nibak siuroe teukeudi Rabboon Tuhan geutuloong Rohabi saju Bak djak mita bungon muka muroong Teukeudi Rabboon Al lah Tuhanku

' O h ban saree trooh bak muka djuroong Djaroe djitampoong bak sidroe lalu Seureuta djikheun uloon neutuloong Sabab tan diloon poma ngon podu

22

Beuneuweueh inseueh gaseeh neuh keuloon Aiah neutuloong aneuk hana ku ' O h ban dheuh djaroe teungoh teumampoong Marit radjuloon njang teungoh lalu

Uloon teumanjong bak kah haj bujoong Pakon teumampoong bak ureueng lalu Ho ka Sjèadara wareeh ngon kawoom Ka peugah bak loon ho poma ngon du

Djaweueb aneuk njan leupah dheuek pruet loon Neubr i lee keuloon saboh bungkooh bu Sabab pruet dheuek that han eek loon tanggoong Euntreuk loon samboong haba njang lalu

Meungnjo ka meunan wahee haj bujoong Kaprèh sinoe loon loon djak mita bu Beudoeh ureueng djak peukeue bak wroong Geudjak bloe langsoong saboh bungkooh bu

Lheueh njan geuriwang djak bri bu si joong Sideeh bak djuroong teuduek teu-ku-ku Teuduek teumanueng ingat keu untoong Sabab pruet kosong hana mupat bu

' O h saree sampoe keunan bak djuroong Ladju keu si joong geudjook bungkooh bu Ban saree lheueh bu muka gadoeh tjoon Djimarit si Joong bak ureueng bri bu

Teurimong gaseeh haj bapak ampoon Sabab neutuloong uloon e po du Loon lakèa do'a ubak Ghafuroon Keu du meusinthoong rahmat Tuhanku

23

Teuma neumerit ureueng teumuloong Tjuba peugah joong haba bak poc'u PaJron djeuet dikah ka duek bak djuroong Ho ka ma kandoong seureuta podu

Aneuk njan djimoe ka dj imeuranggong Teuingat untoong seudih ngon pilu Sira djimoe njan meungadu untoong Al lah bapak loon azeueb ngon ngilu

Jooh mantong ubit ajahanda loon Geuwoe bak Rabboon Al lah Tuhanku Gautinggaj uloon ugon poma kandoong Deungon adeek loon dua thoon umu

N a padum na treeb lagèe njan tanggoong Di adeek kandoong geuseutèt po du Tinggaj keuh dua po ma ngon uloon Udeep meunanggong azeueb ngon rindu

Hana seeb dit nan sakeet loon tanggoong Hana trooh siihoon meuninggaj ibu Po ma ka geudjak geuseutèt aboon Keudeeh gob timboon udalam kubu

Tinggaj loon tuan sidroe meunanggoong Teuduek bak djuroong mita sisuep bu Dak na pamili hana peuhiroon Ka nasib diloon takdir Tuhanku

Jooh masa kaja bapak di uloon Ramè meu-roon- ureueng mita bu Keu ma kheun ummi keu jah kheun aboon U rumoh meuroon sabee tiep waktu

24

' O h watèe tan jah bandum ka raboon Meunoe nasib loon hana soe bantu Hana peuduli bak rakan gampoong Hana soe tuloong barang sisuep bu

Rohabi marit ie mata djitroon Seudih that tanggoong aneuk hana ku Mantong ubit that meunan djitanggoong Tjuba reupuphoom pakri ban pilu

Han eek djitheun lee sakeet lam djantoong Ka djimeuranggoong djimoe meu- 'u- 'u Ka djimeuratok aneuk bak djuroong Ie mata djitroon teubiet beuru-ru

Seureta djikheun Al lah haj Aboon Neukalon uloon ka dheuek hana bu Hana peuduli bak asoe gampoong Ajah neuba loon u dalam kubu

Tinggaj loon sidroe udeep meunanggoong Djaroe loon tampoong mita sisuep bu Sjèedara bandum hana peuhiroon Loon eeh dalam mboon loon eeh lam seungue

' O h ban teudeungo aneuk hooj aboon Ka weueh lam djantoong ureueng njang lalu Seureuta djikheun bèk kamoe haj joong Djaweueb tanjong loon djinoe lee ladju

Meu soe keuh nan kah ka peugah haj joong Djinoe bak uloon bèk lee ka ragu Nan loon .Rohab i " didjaweueb si Joong Meunan geumeuhooj lee ma ngon abu

25

Soe nama ummi seureuta aboon Ta peugah bak loon djinoe lee ladju Meunan tjit adeek njang ka meureuhoom Haj putik reuboong djantoong pisang nu

Po Leem Been Sabi nama ajah loon Meunan di gampoong gob meuhooj podu Sitti Rohana nama di Ummoon Meunan gob hooj dum nama di ibu

Geudeungo narit intan zabatoon Seungkoe lam djantoong ureueng njang lalu Ie mata geuh roo leupah that rihoon Sajang that untoong aneuk hana bu

Djiteuka sajang didalam djantoong Seudeeh that untoong aneuk hana ku Hana salah lee aneuk bak djuroong Njang duek meunampoong mita sisuep bu

Aneuk leem Sabi ureueng teumuloong Didalam gampoong nama meusjeuhu Eek patoot aneuk hana tatuloong ' O h hana aboon menininggaj ibu

Adat pih ajah tokee njang sombong Patoot tjit tuloong aneuk hana ku Bit brook that hatee ureueng lam gampoong Han torn dheuh bak loon lagèe njoe laku

Ajah djih pernah geubri seunuloong Keupada uloon jooh masa pilu Djinoe leem Sabi ka djeuet meureuhoom Ka wadjeeb bak loon aneuk loon bantu

26

Ka silap batjut putik bungong room Ka tuwo uloon haj putik kulu Bah loon koh si-at euntreuk loon samboong Bungong sitawoon neubatja ladju

Nan ureueng teuka keunan bak djuroong Djak bri keu sijoong saboh bungkooh bu Nja' Amat Sani nama loon tjantoom Ureueng turi dum nama meusjeuhu

Sideeh di Langsa geubuka keuboon Nama geuh haroom luah lampooh u U Kutaradja pernah treeb geutroon Djak meukat kangkoong mita sesuep bu

Dudoe meurumpok teukeudi Rabboon Gobnjan geutuloong jooh masa pilu Po Leem Been Sabi njang djook seunuloong Djak buka keuboon bak saboh waktu

Bak si Njak Amat hana trooh muphoom Ka djeuet meureuhoom ureueng njang bantu Meurumpok aneuk seudih that untoong Bak muka djuroong mita sisueb bu

Pakri tatukri teukeudi Rabboon Ka nasib si joong leupah that pilu Si Njak Rohabi wadjeeb loon tuloon Ubak Ghafuroon loon lakèe bantu

Loon lakèe do'a keupada Rabboon Rahmat neupeutroon uleeh Tuhanku Beu eek loon didik aneuk bak djuroong Beu eek loon tuloong bu panjang umu

27

Lheueh njan geumarit po teulcu ampoon Ie mata djitroon ka roo beu ru-ru Mengnjo ka meunan nasib ngon untoong Ka teem tjok uloon geunantoe po du?

Loon tuan tjek kah keu aneuk kandoong Ka woe ubak loon gantoe ma ngon ku Bèk lee lagèe njan ka rasa untoong Ka duek bak djuroong mita sisuep bu

Muka Rohabi hana that lee tjoon Meugantoe muroong deungon terharu Serta djidjaweueb meunoe djikheun phoon Loon peudjook untoong keu pada abu

Keu namiet neutjok rèla that di loon Asaj glah unfoong mita sisuep bu Tukang sampooh brooh djak peugleeh keuboon Ureueng pèt kangkcong mita oon paku

Tukang srah kakus adeek loon ajoon Rèla tjit di loon tukang taguen bu Meungnjo weueh inseueh hatee neuh keuion Neubr i seunuloong keu loon sisuep bu

Sira djimarit ie mata djitroon Ka dji meurawoong dji meuhooj po du Al lah e ajah e po ma kandoong Kana soe tuloong uloon e podu

Kana ureueng weueh bapak keu uloon Han lee bak djuroong mita sisuep bu Beuna afuwah poma ngon jah loon Meung tinggaj gampoong seureuta kubu

28

Meungnjo na umu karoonja Rabboon Singoh loon kundjoong pusara ibu Watèe ka baligh ka rajeek uloon Keuroe loon kundjoong djeurat ma ngon du

Meunan ratapan si gam bak djuroong Djimeuhooj aboon seureuta ibu Tanjong leem Amat kapeugah bak loon Dipat gob tanom ajah ngon ibu ?

Djaweueb Rohabi tjit njoe pat toe loon Bak b i rèh djuroong toe ureueng lalu Njan keuh keureuna sinoe loon tinggoong Sampoe neutuloong uloon lee abu

Sabab 'oh watèe hatee that r ihoon Loon meuhooj aboon seureuta ibu ' O h watèe loon eeh teuka geukundjoong Lam lumpoe geutjoom lee jah ngon ibu

Geubr i deungon bu sang z bak njum loon Troe mantong meunjum djaga bak tidu Njan keuh keureuna loon duek bak djuroong Loon lakèe tuloong soe 2 njang lalu

Beuthat beudjareueng ureueng djak kundjoong Rèla loon t inggoong toe b i rèh kubu Djinoe ka. teuka keunoe neutuloong Ga lak hatee loon kana soe bantu

Geudeungo meunan djimarit si Joong Gaseeh lam djantoong meutamah ladju Geuadjak sigra beurangkat si joong Njang duek bak djuroong mita sissuep bu

29

Seudeeh Rohabi djidjak duek tinggoong Do'a bak Rabboon di ulèe kubu Meunoe djikheun ban deungo loon tjantoom Putik bungong room deungo Icon tabu

Seulamat tinggaj ajah ngon ma loon Kana njang tuloong uloon geubri bu Loon tinggaj ajah singoh loon kundjoong Watèe rajek loon meungnjo na umu

Wahee ja Allah Tuhan Ghafuroon Neubri keu ampoon keu ma deungon du Uloon djak djinoe loon tinggaj gampoong Seureuta geudoong rumoh ngon kubu

Sira meuratok ie mata djitroon Han eek theun djantoong ka tinggaj kubu Ka tinggaj rumoh seureuta gampoong Peusiblah untoong aneuk tan ma ku

Pu paneuk haba takoh tarichoon Djibeudoeh si joong ngon ureueng lalu U Langsa djidjak djitinggaaj gampoong Hatee djih rihoon seudeeh ngon pilu

Teutap keuh sideeh putik bungong room Ngon tuan keuboon njak bungong meulu inong leem Amat ureueng njang santoon Geubri lee tuloong peukajan ngon bu

Geujue sikula mangat djeuet tjarong Jakin that si joong utak pih madju Han torn tinggaj klah barang meung sithoon Teukeudi Rabboon nikmat Tuhanku

30

Tammat S R I ladju djisamboong Leem Amat tuloong lagèe aneuk Ihu Keudeeh S.M.I. djisambat udjoong Sinan pih untoong nikmat Tuhanku

Tammat disinan djibaleek udjoong S.M.A. Tandjoong djitamong ladju Lulus disinan fakultas Hukoom Teukeudi Rabboon sinan pih madju

Meuteumeung tilèl ahli lam hukoom Èm èr geuhooj dum aneuk njan ladju Ramè njang pudjoe nama djih haroom Djituri bandum nama meusjeuhu

Èm èr Ruhabi nama gob sandjoong Sopan ngon santoon rahmat Tuhanku 'llmèe agama didjih pih muphoom Bak djih meuhimpoon intellek teungku

Rupa djih mamèh han peue loon susoon Sopan ngon santoon han peue loon buhu Hatee djih peungeuh utak djih tjarong Ahli teuma lom dalam buet Nahu

Fèkah ngon Tauhid han peue loon tjantoom Lom ahli hukoom Rohabi teungku Kuat ibadat ubak llahoon Ahli bak susoon rentjana baru

Ahli pidato ateueh podioom , Tjarong bak susoon kitab ngon buku 'lleumèe Tauhid pih na geususoon 'lleumèe Hukoom pih na geutabu

31

Dalam masjarakat pih na keu djamproong Gobnjan mat utoom partai meusjeuhu Di gobnjan ingin geupeudjak hukoom Ban jue Ghafuroon Al lah Tuhanku

Nama gob turi kuta ngon gampoong Peumimpin uloong M r ngon teungku Mr . Rohabi teungku djisamboong Meunan djihooj dum haj putik kulu

Hana djituri paré pat utoom Hana soe muphoom pat asaj suku Hana soe tanjong pat wareeh kawoom Salèh pat gampoong Rohabi Teungku

Digob djisangka ureueng meukawoom Sabab that santoon djikalon laku Hana soe teupeue aneuk gob tuloong Njang duek bak djuroong mita sisuep bu

Rarrè dum ureueng teuka djak kundjoong Djak tanjong hukoom njang na berlaku Teuma siladum geudjak teumanjong Pakri ban hukoom Fèkah ngon Nahu

Djak tanjong shaUt pakri ban hukoom Meungnjo teugidong aneuk glang aru Tanjong Multawi pakri ban muphoom Meungnjo bak amroon tafsir tamadju

Tanjong pakri ban madjaz mursaloon Tanjong majjitoon illat bak teungku Sueue Qawaf i pakri ban muphoom Peue bèda nashboon deungon fathatu

32

Sneue fatihah na tjli gob tanjong Geulakèe muphoom keupada teungku Pakon djeuet „I t l lah" peuduek bak udjoong Seudang awaj phoon kata .A lhamdu"

Pakon Quruaan hana that tjendroong Lagèe geumuphoom lam kitab Nahu Geudjook lee tjontoh firman Ghafuroon Dalam kitaboon surat Ahzabu

Ajat nam plooh nam dua meusamboong Teuduek bak udjoong tanjong bak teungku Meunan tjit taeu lam surat Fathoon Geutuleeh udjoong .Aufa 'a laihu"

Teuma njang ladum geudjak teumanjong Bashar Bashiroon pat bèJa teungku Pakon djeuet sifeuet Tuhan Ghafuroon Keupeuet keul imong geubooh udjoong . h u "

Mur id S M A djak lakèe tuloong Djak peugah muphoom arti C , H, C u Njang toh molekul siri njang atoom Tjontoh hukoom O h m pakri ban laku

Peue bèda deret tambah ngon hitoong Pakon leupah kong pineung deungon u Pakon djeuet seu-uem ie arus djitroon Pakon meusinthoong djihilee madju

Di ureueng kaja djak lakèe tuloong Bapak diuloon kakeunong tipu Uloon bloe leumo leupah that teumboon Jum djih membuboong sampoe Ihèe ribu

33

Harga loon bajeue surat teususoon Sajang that diloon ka rab djeuet tindju Djikheun hana hak loon hue bak hidoong Djijue koh puntoong leumo bak iku

Hana djipubloe leumo njan keu loon Njang loon bajeue jum hareuga iku Sabab lam surat njang na teususoon Leumo njang teumboon djipubloe iku

Tjit satu ekor leumbu njang teumboon Djipubloe keuloon jum djih Ihèe ribu Adat seekor lembu teususoon Njan baroo hak loon leumo loon bahue

Meunan keuh ureueng ramè djak kundjoong Djak peugah untoong bermatjam laku Uroe ngon malam ureueng meuhimpoon Leupah that samtoon Rohabi teungku

Haba meusimpang hana loon samboong Loon takoot udjoong panjang mubahue Djalan meu-weet2 hana loon haroong Umbak meualoon hana loon tudju

Uloon koh haba bèk panjang udjoong Keudeeh bak utoom tariwang ladju Keu haj Rohabi loon tji peu-udjoong Ka mangat untoong leem Amat bantu

Ka treeb that adeek saban that udjoong Ka lama kawoom seurupa buhu Loon baleek teuma akhee bunji oong Loon ubah susoon dudoe bunji u

34

Mangnjo lagèe tèt haj bungong sukoon Meung saban udjoong seurupa buhu Han eek tabatja lagèe njan susoon Bagah takheun hoorn lagèe njan lagu

Umpama gulè sabee djruek reuboong Teunlèe haj kawoom bagah that beungu Tatuka meudjan deungon boh djantoong Taguen boh sukoon meudjan sewaktu

Lheueh njan tatuka ngon gulè kangkoong Teuma tasamboong ngon gulè pliek u Dudoe taubah ghue pisang taloon Akhee tataguen gulè oon paku

Meunan umpama batjut loon susoon Meung panjang udjoong seurupa buhu O l e h seubabnjan kaman alah hoorn Loon ubah udjoong salèh eek laku

5. DJAK BA L U K A H A T E E

Bukon that rugoe permata nilam Teungoh tapandang ka lurooh mata Loon riwang kisah batjut bak uram Ngat mangat intan tasamboong haba

Keu tokee Amat deungo loon kheun ban Masa geupadan Rohabi muda Tjit baroo sidroe na aneuk badan Inong kon agam sithoon usia

35

Leupah geugaseeh keu aneuk badan Maklum keuh rakan tjit sidroe sadja Umu nam buleuen lahee aneuk njan Geubooh lee reudjang Rohani nama

' O h trooh Rohabi geupuwoe sadjan Ka na soe pawang Rohani mandja Aneuk njan dua saban geusajang Hana bèdaan agam ngon dara

Si njak Rohabi aneuk njang sopan Maklumkeuh tuan aneuk deurita Djirah èk adeek peusook peukajan Dj i - t imang 2 adeek djidjaga

Dari siuroe meugantoe zaman Rajek lee badan Rohani dara Badan ka rajek tubooh ka seudang Kadjeuet tabooh nan gadis reumadja

U m nam blah thoon ka tamong joohnjan Indah that intan budoe bahasa Maklum keuh aneuk dawook djitimang Lee aneuk agam njang na bahasa

Teuntèa sifeuet gèt eek keutularan Lam pendidikan meunan keuh haba Meutamah lagi ma ngon jah badan Leupah geusajang keu aneuk dara

N a saboh hukoom lam pendidikan Deungo loon kheun ban meung saboh bandja Didalam djiwa aneuk didikan N a saboh ruang peurlèe tadjaga

36

Ruang teumpat duek gaseeh ngon sajang Dari jah badan seureuta po ma Djakalèe po ma ngon ajah badan Hana kasihan ubak aneunda

Ka tinggaj mantong kosong ruang njan Timbul lee joohnjan saboh bahaja Ka djiteuka compensasi nan Peungisi ruang didalam djiwa

Mengnjo na aneuk hana djisajang Oleeh jah badan seureuta bunda Meugantoe djahat bukon bubarsng Salah ma badan hana useuha

Takalon tjontoh dum keunjataan Aneuk lam peukan ramè lagoe na Aneuk hana jah nakal hana ban Meunan tjit tuan aneuk tan bunda

Hana bubandum legèe njan ragam Mantong na tuan keutjualinja Umpama kisah njang uloon nazham Djitamong tjit tan lagèe njan rupa

Tapi djareueng that lagèa njan matjam Meusakeet tuan lagèe njan rupa Dalam masjrakat kajeem ta-eu ban Njang han soe sajang nakal lagoe na

Sabab aneuk miet perlèe budjukan Dalam didikan lagèe njan tjara Neutanjong ubak ahli didikan Diuloon tuan meungeurti hana

37

Aneuk njang jatim meung na soe sajang Nakal djih hilang gadoeh simua Aneuk hana jah tabri santunan Meunan tjit tuan aneuk tan bunda

Padum Ie aneuk dalam santunan Leupah gèt sopan achlak mulia Oleh seubabnjan peurintah Tuhan Aneuk jatim njan tasajang dumna

Meunan peurintah llahurrahman Dalam Quruan takalon njata Lam surat Nisa' tabatja rakan Tabuka tuan bak ajat dua

Hana loon tuleeh makna ngon matan Ta tjari rakan keudroe tabatja Ngat leubèh muphoom adjaran Tuhan Bèk rooh tanazham narit Eropa

Watèe neubatja djeulas disinan Dalam Quruan tjukoop simua Bèk peugah barat ahli didikan Pentjaplok barang agama kita

Tjipta Eropa bèk rooh takheun njan Bèk peugah rakan John Locke mulia Geurègor Mendel bèk rooh tasajang Meunan tjit rakan Her (eu) bart nama

Keu Montessori bèk bri pudjaan Pestalozzi nan kon tukang tjipta Bandum pantjuri tjue ajat Quraan Dum ureueng Iselam bèk rooh teudaja

38

Bèk rooh tabuang dum ajat Quraan Bèk simpan dalam leumari katja Bèk suka ubak barang tjaplokan Bèk sampoe tuan teupitjeeng mata

Meunan keuh batjut loon tuan bajang Ummat Iseulam bèk teupeet mata Peuladjari dum ajat Quruaan Bèk mabook deungan buku Beulanda

Lantaran buta bak ajat Quraan Tapeugah tuan tjarong Eropa Peukaru doonja beu muphoom tuan Asaj mulaan nibak Eropa

Takalon Barat tukang tjipta prang Peureuloeh aman ureueng Rusia Tapeugah tjarong Tiongkok Djeupang Ahli ta peunan keu Ameurika

Av/aknjan bandum mita djadjahan Ditanjoe rakan sabee tapudja Meungnjo takeumeung doonja beu aman Deungon Quruaan hukoom neugara

Sakeet hatee loon lagèenjan matjam O l e h seubab njan simpang bitjara Meusimpang batjut udjoong keunarang Tapi haj rakan beungèh bèk teka

Tapijooh sinan haba meusimpang Keudeeh bak uram teuma tagisa Soe keumeung teupeue njang leubèh dalam Uloon silakan tadjak beuladja

39

Tameurunoe dum ajat Quruaan Ta bandeeng Iheuehnjan deungon Eropa Bèk njang na muphoom tjit bhaih seumbahjang Bèk njang na ta pham hukoom Eropa

Bèk meungaku droe ureueng Iseulam Ajat Quruan tateupeue hana Bèk tapeugah droe Ummat Iseulam Hukoom Quruaan takeuemeung hana

Allah adeek tjut panjang meusimpang Tabatja bosan lagèe njan tjara Keu haba pokok tasamboong reudjang Ngat tammat kalam bagah tabatja

Sitti Rohani leupah that sajang Ubak tjut abang Rohabi muda Di djih djiteupeue keu Rohabi njan Aneuk pungutan peunoh deurita

Meutamah gaseeh ka leubèh sajang Ubak tjut abang aneuk deurita Akhee bak akhee meutuka sajang Meugantoe rakan deungon asmera

Ubak ureueng tjhik hana geukheun ban Ubak tjut abang meunan tjit tjara Mr. Rohabi meunan tjit matjam Hana geukheun ban ka djatuh tjinta

Nibak siuroe teukeudi Tuhan Djiteuka keunan sidroe saudaga Sitti Rohani geudjak lamarkan Meundjadi teuman aneuk geuh kaja

40

Po ma ngon ajah hana geutuban Meunan tjit tuan ureueng njang teuka Hana geuteupeue Rohani sajang Ubak tjut abang ka djatuh tjinta

Mr. Rohabi meunan tjit ragam Geuteupeue tjit tan Rohani tjinta Sitti Rohani pih tan geutuban Bahwa tjut abang ka djatuh tjinta

Djikeumeung peugah ubak tjut abang Bahwa djih sajang ubak keukanda Kadang Rohabi hana lagèe njan Leupah that sajang kadang djibungka

Kadang tjit geudjak singoh tjut abang Leupah that sajang gadoeh dimata Hanja berdo'a keupada Tuhan Beu eek sampoekan hadjat lam dada

Ngon abang beu eek na pertemuan Beudjeuet keu teuman aneuk deurita Meunan keuh do'a teulheueh sembahjang Keupada Tuhan Azza wa Djalla

Wahee ja Al lah Chal iqu l Manan Beuneukabulkan hadjat lam dada Beudjeuet suami Rohabi sajang Sajang that Tuhan aneuk deurita

Jooh phoon ubit kon uloon geutimang Beu eek ja Tuhan loon balah djasa Beu eek loon baleek balah peutimang Wahee ja Tuhan neukabuj pinta

t 41

Neutanom gaseeh lam hatee abang Neutanom sajang keupada hamba Ubak ureueng tjhik neubri insafan Meunan tjit Tuhan bak ureueng l ingka

Meunan keuh do'a uroe ngon malam Keupada Tuhan Radja sineuna Teulheueh sembahjang geu tadah tangan Chusju ' hana ban geuroo ie mata

Keu haj Rohabi meunan tjit matjam Timbul didalam rasa asmara ' O h ban lheueh shalat do'a bak Tuhan Uroe ngon malam lagèe njan tjara

Wahee Tuhanku Mal ikurrahman Leubèh neupaham lam hatee hamba Ubak Rohani di loon ka sajang Wah ee ja Tuhan pakri ban tjara

Ajah djih kalheueh bantu loon tuan Dalam sukaran bak saboh masa Beu eek loon balah djasa awaknjan Wahee ja Tuhan neukabuj pinta

Loon keumeung adju saboh lamaran Ragu loon tuan kadang mubala Hana lee daja bak uloon tuan Loon srah bak Tuhan njang Bidjaksana

Meunan keuh do'a dua awaknjan Uroe ngon malam lagèe njan tjara M e u - s o m 2 hatee hana chabaran M e u - s o m 2 ragam seumbunji tjara

42

Loon pijooh haba siat disinan Haba loon riwang ubak ajahnda ' O h ban saree trooh teuka lamaran Teuka pinangan dari saudaga

Geudjak bak aneuk. meunoe geukheun ban Tadeungo rakan uloon peuhaba "Peue tjotjok dikah deungon agam njan Mendjadi teuman schirat doonja?"

"Djaweueb aneuk djroh bèk na ka seugan Supaja seunang hatee di bapa" Rohani djimoe ladju watèe njan Ingat tjut abang Rohabi muda

Geusangka lee jah kana izinan Ladju geuriwang bak ureueng teuka Geudjak peugah djeuet geutueng lamaran Geupeukong joohnjan ikatan haba

Rohani djimoe uroe ngon malam Sajang tjut abang kadang geubungka ' O h dudoe meuthèe haba lamaran Geupeugah reudjang ubak aneuknda

Ubak Rohabi geupeugah sadjan Geukheun deek badan kana soe teuka Hatee Rohabi hantjoo didalam Sang 2 ka ka ram udeep lam doonja

Hana paèdah hudeep lam alam Meunan bak njum sang didalam djiwa Ka putooh asa hana harapan Adeek djih sajang ka na gob teuka

43

' O h lheueh djipikhee si uroe malam Djiijok putusan bak akhee tjara Bahlee keuh loon djak tinggaj halaman Djarak idaman bahlee loon bungka

Loon djak ba hatee luka didalam Loon djak ba badan duka seungsara Pakri tatukri nasib loon tuan Malang barangdjan seudeeh seutama

Bahlee loon saba tjobaan Tuhan Pakri loon tuba ka grak Ta'ala Meungnjo na umu Tuhan bri panjang Kadang laeen djan meurumpok teuma

Bahlee loon tji woe gampoong halaman Hana gunaan Mr . na loon ba Bah loon tjeumatok tanom tanaman Bahlee loon riwang bak hidup mula

Uroe ka malam beungoh rab datang Djitjok peukajan bee si go bawa Ngon badjèe tuha djisook dibadan Beurangkat joohnjan Rohabi muda

Surat djituleeh tinggaj disinan Hana that panjang paneuk lagoe na Meunoe bunji djih uloon peu nazham Tadeungo rakan uloon tjalitra

.Surat djiteuka bak aneuk badan Njang leupah riwang si at gampoong ma Loon lakèe izin bak ajah badan Meung umu panjang si at loon gisa

44

Meu ah dessja loon bandum simbarang Kadang bak kadang adjaj djiteuka Meungnjo na izin neubri lee Tuhan Bagah loon tuan keunoe meugisa

Neupeutrooh saleuem bak adeek badan babab loon tuan hana berdjumpa Loon woe djak kalon rumoh halaman baleh pakri ban ka treeb lagoe na'

Meunan keuh asoe surat kireeman Asoe didalam paneuk lagoena Untuk Rohani hana habaran Salèh pakri ban untoong keukanda

'Oh ban saree trooh gampoong halaman Ujimita reudjang ureueng njang tuha Djidjak bak keutjhik ngon teungku rangkang Ujikneun loon tuan meung djak beuladja

Geudjaweueb teungku izin bak Tuhan Pijooh dirangkang teumpat peuladja Djikalon rumoh deungon halaman Ka na didalam uerueng njang djaga

'Oh reeb djitanjong soe duek rumoh njan üjaweueb gob sinan ureueng Keupala Djikheun rumoh njan hana punjaan Geutjok lee Tuhan bandum sineuna

Djianggok-anggook Rohabi joohnjan Seudeeh hana ban didalam dada Meunan keuh nasib aneuk muda njan Bahlee bèk panjang uloon tjalitra

45

Beungoh sikula seupoot mat parang Mita makanan meuladang rimba Djak tjah ngon huteuen kajèe djiteubang Djipula lawang deungon bak pala

Djipuia padee untuk makanan Djipula nilam untuk beulandja Meunan keuh sabee Rohabi sinan Mita makanan djak tjah ngon paja

Hana djiteupeue ureueng gampoong njan Si Rohabi njan djiubah nama Mr. Rohabi hana djikheun ban Njang keunamaan si Agam Rimba

Teulheueh Ihèe buleuen Rohabi sinan Hatee didalam leupah that luka Djikireem surat bak adeek badan Meunoe djikheun ban uloon peuhaba

"Assalamu 'alaikoom haj adeek badan Ka treeb tjut abang hana meuhaba Hana loon kireem surat keu sajang Allah haj intan bèk beungèh gata

"Hana meuteuntèe nasib tjut abang Teuka geulumbang sajang djitampa Abang ka djitiek u laoot silan Djiooh terbuang teungoh Samudra

"Mu-bapot 2 meu-gawang 2

Soe tuloong tjit tan abang that hina Pakri loon tukri ka nasib badan Allah haj intan nasib keukanda

46

"Allah deek pajoong bintang harapan Tasambooi salam dari keukanda Saleuem didjeuooh bak aneuk dagang Djiba teureubang lee angèn luha

"Han djeuet loon peugah nasib tjut abang Han djeuet loon bajang seudeeh lagoe na Sangka trooh seupoot peungeuh uroe trang Kira djih sajang udjeuen djiteuka

Djiteuka badè leupah that tadjam Habeeh dum karam peurahoo kanda Abang ka djitiek oleeh geulumbang Kanda djitajang hana meuho ka

Djitiek bak pulo leupah Ie hutan Sajang that abang bandjir djiteuka Disinan abang geulumbang tajang H ingga terbuang djarak lagoe na

"Hana that muphoom salèh pakri ban Rumoh tjut abang salèh mantong na Meung mantong rumoh teuglong teupantjang Tjut abang riwang keunan lom teuma

"Loon tanjong haba angèn datang Tapi haj intan bisu lagoe na Hana djidjaweueb narit tjut abang Haja djilajan su-eue keukanda

"Meunan meukeusud batjut loon bajang Keupada Tuhan loon lakèe do'a Gobnjan kuasa pubuet simbarang Njang laeen Insan tjit hana daja

47

„Al lah adeek tjut boh hatee abang Meu'ah simbarang dosa keukanda Bèk rooh meukeumat trooh ukeue Tuhan Bèk djeuet keu utang singoh ngon lusa

„Wdjeeb loon peugah bak adeek badan Nama Tjut abang ka lheueh loon tuka Njang djituri lee kawoom djiran Nama tjut abang tjit si G a m Rimba

.Abang tjeumatok keu peunghidupan Abang tjah hutan meulampooh pala Abang meurunoe bak teungku rangkang Udeep tjut abang hana meugona

Keupeue lom titel ban saboh badan Seudang tjut abang ka angèn tampa Uloon tiek bandum hana gunaan Sampan tjut abang geulumbang tampa

.Bak akhee surat dari tjut abang Seulamat intan adeek keukanda Seulamat kajooh peurahoo sampan Seulamat djalan sipanjang masa

.Bu pheet ngon kuleet seulamat badan Beudjarak sajang mara bahaja Raseuki mudah umu bu panjang Takoot keu Tuhan kuat lam dada

„Beukong ibadat uroe dan malam Beuteugooh iman hatee lam dada Beu eek seulamat uroe dan malam Wahee ja Tuhan teurimong do'a

48

"Surat abang toop bak akhee kaiam Bahlee bèk panjang narit keukanda Samboot saleuem bang boh hatee sajang Saleuem kireeman sideeh lam rimba"

Meunan keuh bunji surat kireeman Dari tjut abang pudjaan djiwa Djibooh lam amplop djikireem reudjang Alamat djih trang untuk adinda

Alamat "Untuk adeek loon tuan Rohani sajang dikeuboon Langsa Dari keukanda Rohabi meunan Deungon laeen nan tjit si G a m Rimba"

Loon keubah haba siat disinan Narit meuriwang keudeeh u Langsa Keuhaj Rohani loon tuan kheun ban Deungon jah badan seureuta poma

Kapanjang adeek udjoong bunji ang Ka lama rakan akhee bunji a Loon tuka tjara loon baieek ragam Leubèh gurangsang watèe tabatja

Meungnjo lagèe sèt hana gèt reumbang Sang 2 haj rakan hana gèt tjara Teungeut ngon mata tadeungo su ang Hatee meusimpang tadeungo su a

Umpama badjèe sabee tasook njan Djimat lee kalang hitam wareuna Beukajeem tarah tasuet lee meudjan Tanguj basahan meung hana tuka

49

Meunan meukeusud batjut loon bajang Maklum bak rakan bandum sineuna Han peue panjang that haba meusimpang Tatamong reudjang ubak atjara

6. M E U T E U P U E K D J A R O E , U L A N G S A R I W A N G

' O h gadoeh reudook ka djibleut uroe Sutra ka siloe peugét idja plang Keuhaj Ruhani keudeeh uloon woe Bak putik pandjoe keudeeh loon riwang

' O h habeeh malam djiteuka uroe Geutjuba peulos karna tjut abang Geukeutok pintoo geukeumeung peugoe Sajang that adoe pintoo tan palang

Ureueng hana lee sinan salèh ho Njang na tjit adoe surat teupampang Njang na lam amplop surat geupasoe Geutjok lee adoe geubuka reudjang

' O h ban djibatja les putik pandjoe Ladju ka djimoe si bungong mantjang Sira meuratok meunoe djikheun proe Deungo haj adoe loon tuan bajang

Al lah ja Tuhan abang uloon ho ^ Geutinggaj kamoe sinoe meu-lang Njang na tjit surat paneuk that lagoe Abang salèh ho ka geuteureubang

50

Wahee keukanda boh hatee kamoe Tatinggaj adoe sampoe hatee bang Panè na patoot lagèe njoe bagoe Tasangka kamoe bantji keu abang

Allah abang ben boh hatee kamoe Bah matee kamoe sabab that malang Tasangka pakri hatee di adoe Wahee abang droe gata loon sajang

Allah abang beh boh hatee kamoe Bubagah neuwoe rindu kon wajang Adat loon teupeue Isgèe njoe bagoe Wahee abang droe loon meu'èn trang 2

Bagah loon peugah bak abang kamoe Bèla loon han soe meungkon tjut abang Pakri tatukri kheundak Tuhan Po Nasib lagènjoe leupah that malang

Teungoh Rohani meuratok djimoe Ka teudong sinoe ibu teupatjang Deungo peue djikheun lee si Tjut putroe Seudih hana soe watè geupandang

Baroo keuh muphoom nibak po ma droe Aneuk kadjimoe putooh harapan Sabab Rohabi djidjak salèh ho Geugusuek bak dhoe aneuk bak randjang

Seureuta geukheun wahee aneuk droe Pakon bak ma droe hana kakheun ban Ka djatuh sajang keu Tjut abang droe W a t è e lagèe njoe pakri loon paban

51

Ka saba aenuk bala Tuhan Po ' O h singoh dudoe keunoe djiriwang Ka lakèe do'a malam ngon uroe Ubak Tuhan Po Njang that Peunjajang

Mudah 2 an beu eek meusaho Beudjeuet keu lakoe dikah tjut abang Pakri ban tjara taseurah bak Po Tjit leumah bagoe singoh dheuh djalan

Aneuk ka geutjoom geugusuek bak dhoe Geujue djak manoe deungon seumbahjang Shalat isticharah geujue djak djinoe Lakèe ubak Po peutunjok reudjang

Beudoeh Rohani geupateeh ma droe Geutjok bak taloe idja basahan Geudjak lee ladju bak karna manoe Geusok ngon gigoe peugleeh ngon badan

' O h lheueh musta'id bandum. sinaroe Bak akhee dudoe tjok ie seumbahjang Geutjok mushalla shalat lee sidroe Lakè ubak Po gisa tjut abang

Wahee ja Al lah Tuhan sinaroe Bubagah keunoe gisa tjut abang Han eek loon theun lee lam dada seungkoe Neutuloong kamoe wahee ja Tuhan

Keuhaba aneuk pijooh disinoe Loon tjuba kheun proe keu ajah badan ' O h bhan geuteupeue keu haj lagèe njoe Lam dada seungkoe seudih hana ban

52

Ubak Rohani meunoe geukheun pro Kasaba djinoe hee aneuk badan Meung izin Allah Tuhan sinaroe Bagah trooh djiwoe keunoe djiriwang

Habeeh geupikhee laba ngon rugoe Leen Amat sidroee beudoeh lee reudjang Keudeeh lee ladju geudjak peugah sjoe Geudjak kheun uzo ubak tunangan

Meung bèk weueh hatee pakat koh taloe Bèk singoh dudoe meunjeusaj datang Keubit pih meunan loon tuan kheun proe Teusrah bak adoe pakri ban timang

Ajah si agam 'oh ban geudeungo Geudjaweueb meunoe pikhee loon tuan Tanjoe tadjaga keusingoh dudoe Bèk rhooh mupaloe akhee kudian

Meungnjo ka meunan bah takoh taloe Agam ngon binoe takoh hubungan Walaupun meunan hubungan tanjoe Teutap ban baroe meu-ubah tjit tan

Djaweueb leem Amat keu Tuhan pudjoe Laeen sinaroe hana hak sinan Tanjoe sjèedara awaj ngon dudoe Hana ubah roe lagèe ban silam

Putooh hubungan ureueng dua droe Leem Amat geuwoe geudjak peugah ban Seunang that hatee Rohani sidroe Sang 2 meugilho kon lee lam alam

53

Sang lam sjeuruga seunang han peue proe Neubajang keudroe adeek tjut abang Diloon tan muphoom buetan l a g è e njoe Njang na loon deungo geumbira han ban

Teulheueh Ihèe buleuen lam haj l agèe njoe burat ka s a m p o » dari tjut abang 'yh ban djibatja geumbira han soe Ubak ajah droe peuleumah reudjang

Leem Amat suka geumbira han so» Izin Tuhan Po ka rab teubajang Beureukat do'a malam ngon uroe Sabab Tuhan Po sangat peunjajang

Djiteuka malam ka habeeh uroe Mupakat djinoe ureueng sipasang Leem Amat djak (ueng Rohabi djinoe U Langsa puwoe bagah lee reudjang

Geutjok lee bungkooh 'oh beungoh uroe Neureutjih geubloe geueek geuruitan Geumeudhom bak rèt na mupeuet uroe Teulheueh njan sampoe teumpat tudjuan

Hana geup;)ooh pih meung siuroe Au L L s i d r o e Qeumita reudjang

T ? u u N L fle.uteum««nfl Peukajan phang phoe Ijafok bak djaroe bhan woe diladang

' O h bhan trooh keunan djisrah ngon djaroe U n lheueh djimanoe tjok ie seumbahjang

Djieek meunasah 'ibadat bak Po Teulheueh njan djiwoe keudeeh u rangkang

54

Leem Amat geuduek bak keudè sidroe Hana geutusoe ureueng berdjalan Ka pidjuet badan ka hitam asoe Sabab lam uroe geutjatok ladang

Geutanjong bak gob njang djak salèh soe Njang teungoh manoe djeeh pat bak kulam Geudjaweueb ureueng disinan sidroe Ureueng baroo woa sideeh di ladang

Si Agam Rimba nama gob tusoe Salèh pat nanggroe hana loon tuban Keunoe tjit bhan trooh djidjak meurunoe Bak teungku kamoe sinan di rangkang

Leupah dhiet akaj teungku njan sidroe Han torn dikamoe meu-eu lagèe njan Ngon sopan santoon indah that budoe Teutareek kamoe ubak teungku njan

Djaweueb leem amat meunoe geukheun proa Deungo haj adoe loon tuan kheun ban Adapoon ureueng njang djak meurunoe Aneuk bak kamoe tinggaj halaman

Aneuk han soe tueng bak saboh uroe Ureueng mubudoe ajah di gobnjan Tjit di gampoong njoe asaj ngon nanggroe Han salah kamoe pasti lagèe njan

Wadjeeb loon peugah uloon trooh keunoe Meung djak tjok sinjoe keudeeh peuriwang Loon tuan bri thèe bak gata adoe Si G a m rimba njoe bukon asaj nan

55

Njan keudjih aneuk (okee mubudoe Nibak saboh roe hana soe sajang Djiduek bak djuroong djitampung djaroe Nama gob tusoe Rohabi sajang

Leem Sabi ajah Rohana ma droe Beuna neuiusoe wahee e rakan Ureueng terkenal di bandum nanggroe Bandum djitusoe ureueng kaja njan

Djidjih kon bodoh djidjak meurunoe Teutapi djiwoe gampoong halaman Mungkin 'oh bhan trooh Rohabi keunoe Djikalon tan roe rumoh halaman

Sabab gèt akaj seureuta budoe Hana peuhiroe lagèe njan matjam Djisaba mantong bala Tuhan Po Bak saboh uroe djiteuka seunang

Mr. Rohabi nama gob tusoe Seuluruh nanggroe ureueng turi nan Djibaleek nama 'oh bhan trooh keunoe Sabab ka djiwoe gampoong halaman

'Oh bhan djidengo lagèe njan bagoe Ureueng njan bunoe leupah teutjeungang Hana djidjaweueb teumanueng sidroe Teuingat bagoe padum thoon silam

Nam blah thoon lama djitinggaj nanggroe Hana gob tuho peunampung tangan Tahu bak tahu ka trooh lom djiwoe Hatee barangsoe teukeudjoot han ban

56

Leem Amat beudoeh habeeh haba njoe Bak ureueng bunoe keudeeh tudjuan Geuka lon teuduek Rohabi sidroe Teungoh geunjanjoe ajat Quru aan

Geubr i ngon seleuem geubeuoot djaroe Rohabi sidroe mupaleeng badan Geukalon teudong leem Amat sinoe Badan djih ka jo putjat hana ban

Teubiet ie mata Rohabi djimoe G e u eek lee keunoe leem Amat reudjang Geuwa Rohabi geutjoom nibak dhoe Sira geumuproe meunoe geukheun ban

Aneuk meutuwah boh hatee kamoe Pakon lagèe njoe katjok tindakan Adeek katinggaj sideeh tjit sidroe Dikah ka kawoe gampoong halaman

Adeek keuh sideeh dawook bak djimoe Sampoe trooh keunoe gata loon djeulang Wahee aneuk djroh gaseeh keukamoe Keudeeh tadjak woe bupantah reudjang

Adeek ka putooh ikatan taloe Didjih dj iprèh woe gata tariwang Untoong adeek teuh iman ban beusoe Untoong Tuhan Po mantong neusajang

Beudoeh haj eneuk boh hatee kamoe Keudeeh tadjak woe u Langsa reudjang Mi leek di aneuk adeek teuh sidroe Beudoeh tadjak woe bèk lee meusagang

57

Pakri ban hatee Rohabi sidroe Han peue loon kheun proe muphoom bak abang Tjuba neuchajal neubajang keudroe Pakri ban bagoe lagèe njan matjam

Haba Rohabi tapijooh sinoe Keu ureueng nanggroe tatjuba kheun ban 'Oh ban djiteupeue lee ureueng nanggroe Rohabi lagoe si Gam Rimba njan

Meugumpooj bandum djak mumat djaroe Meunjeusaj han soa ureueng nanggroe njan Njang njoe kheun adeek njang djeeh kheun adoe Njang ladum bagoe djimeuhooj rakan

Njang njoe pih sandjoong njang djeeh pih pudjoe Ureueng meugumoe djak mumat tangan Walèe ka ramè ureueng meugumoe Djimupidato Rohabi joohnjan

Diateueh manjang djimupidato Ubak rakan droe dalam gampoong njan Geubri nasihat bermatjam bagoe Asoe pidato deungo loon nazham

Njang peunteeng mantong loon tuleeh sinoe Panjang that adoe pidato gobnjan Han peue loon tuleeh bandum sinaroe Mumsda adoa loon tjok ringkasan

"Sjèadara uloon rakan sinanggroe Neudeungo kamoe sipatah kalam Loon tuan aneuk dari gampoong njoe Bak saboh uroe meunampung tangan

58

Loon duek bak djuroong tos djeurat jah droe Dawook uloon moe uroe ngon malam Bak saboh sa'at teuka bapak njoe Geudjak tjok kamoe geubri makanan

Keudeeh u Langsa uloon geupuwoe Geudidik kamoe jakin hana ban Nam blah thoon lama meutinggaj nanggroe Keunoe kamoe woe djak tjatok ladang

Keudeeh bak teungku loon djak meurunoe ' O h malam uroe meu-eeh bak rangkang O l e h seubab njan rakan sinaroe Neudeungo djinoe sikrak habaran

Imum Sjafi'i ka lheueh geukheun proe Deungo hareutoe uloon peukalam ( 'Oh bhan neukalon ureueng njang phang phoe Bèk rooh haj adoe tabri hinaan

Walau seunampaj badjèe peunoh dhoe Dalam njan adoe na singa djantan) Bukon loon timplak ajah sinaroe Tapi pidato loon bri bandeengan

Mudeh ? an mashlahat nanggroe Makmu ngon asoe mudah makanan Gampoong njoe aman djuroong ngon sagoe Bandum sinaroe suka 2an

Loon lakèe do'a ubak Tuhan Po Bumangat asoe bubandum rakan Bèk rooh neurasa lagèe uloon njoe Bermatjam bagoe penderitaan

59

Sjèedara b a n d u m d j i noe u l oon w o e L o o n gisa d j i noe u Langsa r e u d j a n g M e u n g n j o na umu iz in da r i P o M e u d j a n d j a n foon w o e k e u n o e l o o n r i w a n g

Bak a k h e e nar i t s jèedara k a m o e N e u s a m b o o t d j i noe u l o o n br i sa lam A s s a l a m u ' a l a i k o o m r a k a n s i n a r o e Seu lamat s inoe k a m o e b e r d j a l a n " .

K a h a b e e h nar i t t ammat p ida to U r a n g k a n g g e u w o e d jak t jok peuka jan G e u s o o k ngon bad jèa g e u e e k n g o n mo to G e u m u m a t d j a r o e n g o n b a n d u m r a k a n

K a tuwo batjut d i s i d e e h b u n o e Fakr i ban b a g o e g a m p o o n g h a l a m a n R u m o h g e u p e u d j o o k bak u r e u e n g s inoe M a l a m ngon u r o e geu jue d j a g a k a n

Bak u r e u e n g n jang d u e k d a l a m r u m o h n joe D is inan a d o e geu t i ngga j peusan M r . R o h a b i g e u l a m b a i d j a r o e U b a k r akan d r o e u r e u e n g g a m p o o n g njan

Seu lamat t inggaj rakan d i s i noe D j i ba lah l ee p r o e seu lamat d ja lan M r . R o h a b i J e e m A m a t p u w o e N g o n " A t r a " mo to d j i bap lueng keunt jang

B e r h u b u n g d ja lan hana gè t b a g o e B a r o e Ihèe u r o e s a m p o e be rd ja l an j O h t r ooh u Langsa u r u m o h g e u w o e Hèba t m e u g a w o hatee d i d a l a m

6 0

Sampoe urumoh ka poh peuet uroe Baroo keuh sampoe u leuen halaman Geuteubiet poma geumumat djaroe Bandua ka moe ratap2an

Teubiet Rohani meunan tjit bagoe Djimumat djaroe djitjoom ditangan Seureuta djikheun wahee abang droe Tatinggaj kamoe abang berdjajan

Pakri djeuet meunan boh hatee kamoe Abang keu adoe hana neusajang Allah abang beh idaman kamoe Neusangka adoe hana djisajang

Pupaneuk haba takoh disinoe Neususoon keudroe dalam chajalan Dudoe meukaween ureueng dua droe Lakoe ngon binoe hudeep lam seunang

Han djeuet loon lukeeh loon bajang sinoe Abang ngon adoe keudroe neupaham Watèe meukaween ureueng dua droe Neubajang keudroe pakri ban ragam

Meungnjo loon tuleeh panjang that asoe Watèe tamuproe sampoe eek bosan Malam ka djula kasunji nanggroe Hana mèe adoe tanjoe meurantam

Karu ureueng eeh teungoh meulumpoe Riooh that adoe tanjoe meukalam Hingga sidumnan habeeh haba njoe Keudeeh ubak Po Rahmat mohonkan

61

Talakèe taufrq bak Tuhan sidroe Bak laeen uroe tabri samboongar» Talakèe izin malam ngon uroe Njang laeen dudoe tatjuba karang

Loon kalon dilèe sambutan adoe Pakri ban bagoe neubatja nazham Loon lakèe sangat bak aduen adoe Surat peusampoe keuritik tadjam

Surat neutuleeh kireem bak kamoe Dnbu nanggroe Atjeh njoe rakan D i Kutaradja rumoh dikamoe Sikabu nanggroe Atjeh Seulatan

Rumoh numbooj sa neutjatat adoe Neumita kamoe djalan Muhammadjdjam Neuteem keuritik karangan kamoe bjukur that kamoe keupada Tuhan

Assalamu 'alaikum bak akhee loon proe Rahmat Tuhan Po uloon mohonkan Alhamdulillah keu Tuhan pudjoe Tammat sidumnoe kamoe meukalam

Kutaradja, 4 S J a wa l 1378. 12 A p r i l 1959.

P e u o g a r a n g

(ARABY AHMAD)

62

T j a t a t a n

T j a t a t a n

K E T E R A N G A N E D J A A N

O l e h keurersa L * m b a g a K e u b u d a j e a n A t jeh ka g e e p e u -gèt ed jaan b a r o o d a l a m bahasa A t jeh , m a k a k a m o e b e r p e n d a p e t at ra njan k a m o e turoot b e r - a n g s u r 2 , o ' e h seubabn jan s e b a h a g i a n ka k a m o e g u n a k a n ed jaan n jan, dan s e u b e h a g i a n t reuk g o h l o m E d i a a n n ianq k a m o e ngui d is inoe , saban lagèe bak buku - J U S U F / Z U L A I C H A " n jang geupeteufc iat l ee " P U S T A K A A T J E H " , - T A N Q A M A T A " n jang geupeu teub ie t Ie Pus-taka " A T J E H R A J A " jaitu :

Ed jaan S a b a n ngon T j o n t o h 2 K e t e -d i s i noe E J i a s n d jameun ranqan

a a hana = hans L. !\. A . aa sesewaktu Q j r a a n =

saban n e o n Q „ r a i a, dan s e — K e u a d a a n É S L K. A sewaktu sa K e u a d a - a n ban dua a

i i sir i — sir i ie ië wie = w i ë u o e surat = soera t |_i « / \

ue oeë buet — b o e ë : .|_; £ A è è sèt = sèt |_ K. A .

èe è ë ba ièa = bs tèë L K A e e Ie - Ie L' K; A^

e e è lee = (è [_ « . A . eu eu peussn = oeusao L K. A

e u e euë beu et = bauë t K."-A. o o m e u r o t = meu ro t |__ « . A

oo ö ook — ök |_ K. A . o a oë b s r o a = b a r o ë

H u r u f m a t e e m a n t o n g k a m o e tu leeh l a g è e èd jaan bahasa Indones ia . L . K . A . = ist i lah n jang geungu i l e e L e m b a g a kebuda ja -an A i j e h .

MASIH SEDIA PESAN S E G E R A 1 I A B D O E L L A H ARIEF:

1. Panton .Atjeh Muda(i) a Rp. 10 2. Panton Atjeh Nasihat a Rp. 7 50 3. Panton Atjeh Aneuk mit a Rp. 7. 4. Seumangat Atjeh 12. a Rp. 15. 5. Nasib Atjeh I—II— III. a Rp. 7̂ 50

SJECH RIH K R O E N G R A Y A 1. Putooh Harapan a Rp. 7.50 2. Dara Darohaka I-II4II a Rp. 7.50 3. Banun Seutia I-1I-III-IV a Rp. 7.50 4. Kekasih Seutia Mi-l i l I V a Rp. 7 50 5. Sitt Islam I-I1-1II-1V a Rp. 7.50 6. Pahlawan Seutia 5 djilid a Rp. 7.50 7. S i Rhang Manjang a Rp . 7.50 8. Abunawas 4 djilid a Rp. 7.50 9. Assa'ah a Rp. 7.50

10. Tanda mata II a R p . 12.50 ! 1. Desja dan Siksa a Rp. 8. 12. Qamaroezzaman 5 djilid a Rp. 8.50 13. Ie Mata Darah Qamaroezzaman a Rp. 7 50 14. S i Miskin a Rp . 12.50 15. Mundjiatul Anam a Rp. 7.50 16. Tjahaja Permata a Rp . 15. 17. Hikajat Darussalam a Rp. 15.

Tiap pesanan tambah ongkos kirim a Rp. 2. sedikitnja.

Semua buku diatas dalam Bahasa Atjeh.

Pesanlah pada P U S T A K A ATJEH R A Y A

D j . Perdagangan 55. , , K U T A R A D J A (Atjeh)

Dapat djuga dipesan pada: 1. PenerbitTunu D j . Mesdjid 25 Lhok Sufeon (A. Utara). 2. Agen2 pendjual dihari-hari pasaran diseluruh Atjeh.

_-SA!FüL" - 045 = '59