PARTORDING NI PARTANGIANGAN

MANGOMPOI/MAMASUHI BAGAS

Keluarga :Drs. D. Siregar/R. br. Silalahi, SE

Perumahan Ray Pendopo VIIIPasar IX Tembung

Sabtu, 21 Agustus 2010Pukul 10.00 Wib

TATA IBADAH SYUKURAN AWAL TAHUN BARU 2014

Keluarga Besar op. Axel Siagian /L.br.Manurung (+)

Dohot Pomparannna Kamis, 2 Januari 2014

Jalan Gereja No.23 Sampali - Medan

1. Pangaradeon & Huhuasi:U: Tarpuji ma Debata naung umpasupasuhon tu hita pasupasu

partondion dohot pasupasu pardagingon. Saluhutna angka na ringkot di ngolunta dipasahat Debata tu hita bahen hasonanganta. Marhite saluhut pambahenanNa i, tama pasahatonta mauliate tu Debata.

H: Mauliate ma di Ho, ale Debata tung so tarasam do saluhut denggan ni basaM dibagasan ngolunami.

U: Tung denggan basa ni Debata do tu Keluarga Drs. D. Siregar/ R. br. Silalahi, SE umbahen boi nasida pajongjong bagas sibaganding tua di inganan on. Alani I tama do hita mandok mauliate tu Debata siala denggan basaNa marhite ende pujipujian. Marende ma hita…

H: (Marende BE No. 4 : 1, 3 “Sai Puji Debata” BL=148)Sai puji Debata dibaen asi rohaNa, huhut tongtong basa di nasa

tinompana.Riama hita be mamuji Debata, ai sesa do nuaeng dosanta i di

baen.Dibahen i tama pujion ni rohanta, Tuhanta Debata nang

Jesus pe AnaknaNang pangondian i naung ro t u hita on, manggonti Jesus i,

pujion do tongtong.

2. VOTUM

2

U: Marhitehite Goar ni Debata Ama, AnakNa Tuhan Jesus Kristus dohot Tondi Parbadia.

H: AmenU: Marolopolop ma hamu, ale angka partigor, mangasahon Jahowa

talup do marende angka na unjur marroha.H: Marlas ni roha ma hamu, ale angka partigor dibagasan Jahowa,

jala puji hamu ma GoarNa na badia i.U: Pinuji ma Debata, na so manulakhon tangiangki manang asi ni

rohana pe sian ahu.H: Sai pujionku do angka pambahenan ni Jahowa, ai sai ingotonku

do halongangan angka binahenna i sian na robi.U: Martangiang ma hita!; Ale Amanami jala Debatanami na di banua

ginjang. Sai mar-tinangi marbinege ma Ho diparsahatan ni tangiangnami on, sai manatap manonggor ma Ho sian langit ni langitan sian surgo habadiaonMi, sai mangasii ma Ho di hami di nasa haramunon dohot dosanami. Sai sahaphon ma tu hami habadiaon ni partondion di saluhut dosanami na sai marpanghurangi di pangalaho. Dibagasan tingki on marlas ni roha hami mamuji Goarmu siala denggan ni basaM tu keluarga Drs. D. Siregar/R. br. Silalahi, naboi nasida pajongjong bagas sibaganding tua di nasida. Alani i sai pasupasu ma nasida mangingani bagas on anggiat tu hipasna nasida jala siganjang umur. Sai tangihon ma hami ale Tuhan dibagasan goar ni Jesus Kristus Sipalua hami, Amen.

3. Marende No.118 :1 “Jahowa Siparmahan au”

(Bl.131) Jahowa Siparmahan au, ndang hurang manang aha,

ai nasa jea dipadao do sian dorbianaTongon dibaen na lomak i, lao pangoluhon tondingki, dibaen asi rohana.

4. SIPAINGOT TU NAMPUNA BAGAS:Uluan : Di na marlas ni roha hita mangompoi bagas ni

keluarga…… tama do pahusor-husoron ni rohanta poda ni Debata tu angka naung tarpasu-pasu di ngolu siganup ari, dohot pauli angka bagasna songon na tarsurat di 5 Musa 8 : 11 – 20 songon on: Antong ramoti hamu ma dirim, asa unang lupa roham di Jahowa, Debatam, gabe dang diradoti ho angka tano i, uhumna dohot aturanna, angka na

3

hutonahon i tu ho sadarion.Keluarga : Asa, ia dung mangan ho jala bosuran, jala dipauli ho

angka bagas nauli di ingani ho. Tole lombum, dohot birubirum lam sinur jala ganda perak dohot sere di ho, ganda saluhut di ho.

Tamue : Hape lam dipaginjang ho roham jala lupa ho di Jahowa Debatam namangalehon pasupasu i di ho di ngolum.

Uluan : Ibana manogunogu ho di halongonon bolon najorbut, inganan ni ulok tulung api dohot naga dohot hala, tano hasang huht naso marisi aek. Ibana tahe paruarhon di ho aek sian dolok batu na pir sahali.

Tamue : Ibana mangalehon ho mangan manna naso tinanda ni ompum, asa ibana paserep roham dohot mangunjuni ho, asa marhasonangan ho bahenonna di ujung.

Keluarga : Asa unang dohononku di bagasan rohangku: Gogongku sandiri dohot huaso ni tanganku mangomo angka arta i, asa pahothon padanna naung niurihonna tu angka ompum, songon andar sadari on.

Uluan : Alai tung sura lupa roham di Jahowa, Debatam jala diihuthon ho debata sileban huhut mangoloi marsomba ganaganaan, ajiajian, dohot sumangot ni ompum, hatindanghononku hian ma tu hamu sadarion: ingkon mago situtu hamu!

Tamue : Songon bangso parbegu angka naung niago ni Jahowa maradophon hamu, suang songon i ma hamu mago, molo so ditangihon hamu soara ni Debatamunai.

Kep. Kel : Alai anggo ahu dohot donganku sajabu, ingkon Jahowa do oloan nami.

Keluarga : Sai tangihon jala dipeop rohanami ma saluhut tona ni Debata na hujalo hami sadarion. Jala sai dipargogoi ma hami na saripe manghamauliatehon pasupasu ni Debata, bahen sangap di GoarNa na badia i!

Sude : Ima tutu! Amen

5. Marende No. 227 : 1 “Jesus ngolu ni tondingku” (Bl.129)

Jesus ngolu ni tondingku Ho do haporusanki, gok di Ho na ma diringku ro di nasa langkangki

6. TANGIANG PANGONDIANON (Sahalak mewakili hulahula Silalahi)

4

7. Marende BE No 743:2 “O Tuhan togutogu ma.!”Panghulingi ma au, o Tuhan! Na rade tumangihon HataM. Sai tumpahi ruasMu Tuhan, na uasan nuaeng di HataM. Sai patau ma au on naposoM, Manjou halak na dao sian HoRo di na so tumanda Ho, muba gabe pangoloi di Ho.

8. Jamita (Pdt. Martin Manullang) 9. Marende BE No : 159 : 1, 3 “Martua dongan angka na” (Huhut Papungu Pelean)

Martua dongan angka na sa bagas na mardonganhon Tuhan Jesus i.Namangoloi Ibana mansai ringgas na so marholang tangiangna i.Tongtong holong rohana di ibana, manungkun lomo ni rohaNa i?Huhut tongtong marguru tu hataNa, dibaen sandok pangalahona i.

Martua na saripe pangajari di anakhonna, asa tong burju.Na so marpansohotan ganup ari, tumangiangkon angka I

tutu.Tu Tuhan Jesus asa sai Ibana, mamasumasu sasudena iHuhut dilehon asi ni rohana, manogihonsa tu lambungNa i.

10. MANGURAS BAGASPdt : Dibagasan Goar ni Debata Ama, Anak dohot Tondi

Porbadia ma tapungka mamasuhi bagas on. Ai molo so Jahowa paulihon bagas, loja sambing do angka na mamandei: molo so Jahowa marhal hutai, ndang marniula hadudungo ni parhal. Haleluya!

Huria : (Mangendehon BE. No 112 : 1)Haleluya tapuji ma Amanta Tuhan Debata, dibahen asi

rohaNa.Sai tong girgir ma hita be/ pasangap Debatanta i/ dibahen

asi rohaNa.Sangap, sangap/ hagogoon, hatoguon, hapistaran/ di

Amanta na di ginjang.Pdt : Jesus Kristus, i do Messias nagok hapistaran i. Ibana na

marhuaso di sandok bagas on, ai hapistaran ni angka parompuan pajongjong jabuna, alai anggo na oto, laos tanganna sandiri mangalohaisa.

Huria : (Mangendehon BE. No 112 : 2)Haleluya! Di Jesus i talehon hasangapon i/ nang pe pujipujian/ Dilehon do mudarNa i/ mamuri hita sasude, parade hatigoran.

5

Denggan, denggan, parsaoranta tu Tuhanta, badiaNa/ songgop do tu HuriaNa.

Pdt : Tondi Parbadia i mamangondihon bagas on nang pangisina, asa hot di ojahanna, paima haroro ni Tuhanta, ai tapaimaima do huta na marojahan na hot, napinandean jala napinauli ni Debata.

Huria : (Mangendehon BE. No 112 : 3) Haleluya! Di tondi i, na sangap na badia i/ tadok mauliate/

aut unang saor ibana tu/ rohanta na so dung togu/ luhut na do mandate/ Tua, tua ma jambarta bahenonNa salelengna, di adopan ni Debata.

11. Tangiang Ale Amanami & Pasu-pasu

6

ACARA SYUKURAN BONATAONPUNGUAN TOGA SIMAMORA, BORU-BERE

Bandar Lampung, 14 Maret 2010

1. Pangaradeon & Huhuasi:U: Punguan sisada roha. Sada ma nang tahi ni rohanta,

marparsaoran dohot Debata di Ulaon Partangiangan Bona Taon on. Sai anggiat ma monai tu nauli, mamborhati tu na denggan ulaon on di hita saluhutna. Sai marporda ma i songon panggu; marsuhul sinalenggam. Sai marbona ma hita di pasu-pasu; marhaujungan ma i tu na denggan. Asa songon nidok ni situatua ma dohonon: Balintang ma pagabe, na tinabotaboan. Debata na di ginjang do silehon dame; ditumpak ma punguanta on so hariboriboan.

H: Ima tutu. Amen.U: Antong taparade ma rohanta marsomba tu Tuhanta, songon

pandohan na mandok:Lomak bulung sihupi, rindang bulung silenggamMarmula do nauli, marbona do na denggan.Hita do na taruli, Tuhanta do na mangalean

7

Goar na ma tapuji, lehet ma roha manean.H: Hosianna. Sai palua ma hami, ale Tuhan.

2. Marende Logu No.361 “Na denggan situtu do”(Bl.157) Na denggan situtu do, mamuji Debata. Mardongan surak-surak

na marulol on. Sada huhuasi, marparsaoran i. Mandok mauli ate di Bona Taon on.

Si-Toga Simamora, goar ni ompu i. Na mamoparhon anak, Marga na tolu i. Si-Purba, Si-Manalu; Debata Raja i. Sirsir tampak luhutna, mamuji Tuhan i.

Mardongan hangaluton, mamungka uju i. Palolo-pajongjonghon tu hasadaon i. Anggiat tu majuna, hinadengganna i. Parsaoran ni hita sisada roha i.

3. INVOCATIO & ABSOLUSIU: Laho mamungka ulaon on, jongjong ma hita saluhutna.

Marhitehite Goar ni Debata Ama, AnakNa Tuhan Jesus Kristus dohot Tondi Parbadia.

H: AmenU: Huria ni Tuhanta ro ma hita manjonok tu adopan ni Debata

mardongan roha na polin, taongkuhon ma angka dosanta tu Debata, tapangido ma hasesaan ni dosa dibagasan Goar ni Tuhanta Jesus Kristus, ai pangurupion di hita dibagasan Goar ni Jahowa,

H: Sitompa langit dohot tano on.U: Martangiang ma hita!; Ale Amanami jala Debatanami na di banua

ginjang. Sai mar-tinangi marbinege ma Ho diparsahatan ni tangiang, sai manatap manonggor ma Ho sian langit ni langitan sian surgo habadiaon, sai mangiasi ma Ho di hami di nasa haramunon dohot dosanami. Sai sahaphon ma tu hami habadiaon ni partondion di saluhut dosanami na sai marpanghurangi di pangalaho, Na hujolo-hupudi, marpangalobi i di harohaon. Na sintak matebur songon parabit na so ra malo. Sai anggiat ma holongMu na maras marpanari i, gabe gundur pangalamuni, ansimun pangalam-bohi, sipangelek pandamori di holongMu na gok asi. Uras ma hami saluhutna, na porsea na pinillitMu, asa ias so hasurakan, di nauli so tarlia. Martua manean asi, di salelengna mariaia. Asa rap parjambar hami di hatuaon na badia. Tu ganup na porsea gabe asi martindi-tindi. Saleleng di ngolu on, laos tu surgo pe tarpili. Manjujung asi ni Tuhan, pasu-

8

pasuNa so ra manimbil. Di Ama, Ina, Anak dohot Boru tubu, horas pamatang tondi madingin. Marhitehite Tuhan Jesus Kristus, Sipangolu hami. Amen.

H: (Mangendehon BE No. 182: 4 “Haholongan Nabadia”(Bl.24)

Ala ni tungki rohangku, jongjong di adopanMi. Sai asi rohaM Tuhanku, sesa nasa dosangki.

U: Tabege ma bagabaga ni Debata taringot tu hasesaan ni dosa.! Songon on do panghaholongi ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana. Hasangapon ma di Debata na di ginjang.

H: A m e n. ----- (hundul ma natorop) ------

MARHALADO DI HATA NABADIA1. Marende No.64: 5 “Naung moru do muse sataon”

(Bl.192) Dibahen i antong hupuji denggan basaM sadari on. Ai pineakhon

rujiruji, ido na dapot sai tongtong. O, Jesus na marholong roha, ingkon hupuji goarMi, dibaen saluhut denggan basa tu ahu pinasahatMi..

2. INTROITUS & GLORIA PATRIEU: Sai mangaranapi do matangku dompak angka dolok. Sian dia do

ulaning ro pangurupion tu ahu? Sian Jahowa, Sitompa langit dohot tano on sambing ro pangurupion tu ahu.

H: (Rap sumombahonsa Psalm 121):Sai mangaranapi do matangku dompak angka dolok;

sian dia do ulaning ro pangurupion tu ahu? Sian Jahowa Sitompa langit dohot tano on sambing

ro pangurupion ianggo tu ahu. Ndang tagamon loasonNa tarsulandit patmu,

ndang tagamon nok mata ni Sijaga ho. Ida ma, ndang olo nok mata, jala ndang olo modom ianggo Sijaga

Israel. Jahowa do Sijaga ho;

Jahowa do parlinggomanmu, di lambung tanganmu siamun. Ndang tagamon doiton ni mataniari ho arian; manang bulan pe

bornginna i. Sai jagaon ni Jahowa do ho sian nasa parmaraan, sai jagaonNa do

tondim.

9

Sai jagaon ni Jahowa do ho laho ruar dohot laho bongot olat ni on ro di saleleng-lelengna.

3. Kyrie (Mangido Asi ni roha): {F=do} 1 1 1 1 2 . 2 3 . / 1 1 2 3 4 . 4 4 . / 3 3 3 3

2 . 2 1 .H: Sai a si rohaM Tuhan, Sai a si rohaM Kristus, Sai a si ro haM

Tuhan.U: Asa jumpang hita dame sian surgo jala dapotan haluaon di

tondinta, jala jumpang hasonangan sandok portibi on, jala jumpa hasadaon saluhut na tinompaNa, Rap ma hita

mangido;H: Sai asi rohaM, Tuhan.U: Asa ditatap Bangso Indonesia na dibagasan hasusaan on, nang

sandok panggomgomina, jala ditatap Huta Bandar Lampung on dohot ganup huta nang luatna ni ingani angka na

porsea, Rap ma hita mangido;H: Sai asi rohaM, Tuhan.U: Asa ditatap angka suan-suanan dohot parbuena, tano, alogo,

udan dohot las ni ari di tingkina; Rap ma hita mangido;

H: Sai asi rohaM, Tuhan.U: Asa ditatap halak na di pardalanan, na marsahit nang

marsitaonon dohot angka na tarhurung asa dapotan haluaon; Asa dao sian hita hasusaan nang hagogotan; Rap ma hita

mangido;H: Sai asi rohaM, Tuhan.

4. Marende No. 65 “Patimbul be ma sangap” (Bl.129) Majumpang taon imbaru on, di au dibahen Jesus. Dibaen rohaNa

di au on, basaNa dipatulus. Ibana do manogu au. Saluhut jea dipadao, mambaen las ni rohangku

5. SALUTATION & COLLECTIO:U: Sai didongani Tuhan i ma hamu.H: Didongani Tuhan i ma nang tondim.U: Martangiang ma hita.! Ale Tuhan Debata, na so marmula na so

marpansohotan, Debata na manongtong ro di saleleng ni

10

lelengna. Na so olo suda do angka taonMu, jala ndang marparbolatan angka ari-ariM, alai jempek jala gabur do taonnami dohot ari-arinami. Nunga salpu sada taon sian ari-arinami, alai ndang salpu ianggo asi ni rohaM. Dibahen i hupuji hami Ho marhitehite Tuhan Jesus Kristus Tuhannami, ala ni godang ni asi ni rohaM na pasahat hami. Mansai godang do denggan ni basaM na hujalo hami. On pe mauliate ma rohanami tu Ho, ala dipangolu jala diramoti Ho hami, dilehon Ho sipanganon dohot parabiton di hami jala dipasupasu Ho na niula ni tangannami. Angkup ni i lehon ma hasonangan tu luatnami, jala palua hami sian parmaraan dohot hagogotan. Lehon ma tongtong Barita Nauli i manondangi ngolunami, asa muba rohanami marhite Jesus Kristus Tuhannami. Amen.

6. Marende No. 743:2 “O Tuhan togutogu ma.!” Panghulingi ma au, o Tuhan! Na rade tumangihon HataM. Sai

tumpahi ruasMu Tuhan, na uasan nuaeng di HataM. Sai patau ma au on naposoM, Manjou halak na dao sian Ho, Ro di na so tumanda Ho, muba gabe pangoloi di Ho.

7. MANJAHA EPISTEL:U: Epistel di Parpunguanta di sadari on tarsurat di Pil.2: 12,14-15

(dijaha.. diujungi mandok): ”Ima sahatna.! “Hosianna”3 3 2 1 / 4 3 2 1/ 6 1 17 1

H: (mangendehon) Hosianna, Hosianna, Hosi an naU: HataMi do sulusulu ni pathu jala hatiuron di dalanhu, Hosianna.H: (mangendehon) Hosianna, Hosianna, Hosi an naU: Martua ma na tumangihon Hata ni Debata, jala na umpeopsa di

ngoluna, HosiannaH: (mangendehon) Hosianna, Hosianna, Hosi an na

8. MANJAHA EVANGELIUM: (laos jongjong)U: Na tarsurat di Ev. Joh.15:10-14, ima Barita Nauli di hita sadari

on.H: Hasangapon ma di Ho, ale Tuhan.U: (Manjaha … dipaujung mandok) ”Ima Barita Nauli di hita

sadari on.”H: Pinuji ma Ho, ale Kristus. (laos hundul)

9. TANGIANG PANGONDIANAN

10. Marende No. 750: 1 “Tu Tondingkon, O Jesus” Tu tondingkon, o Jesus. Patolhas HataMi. Asa sonang rohangku,

11

unang sai ganggu i. Rohangkinon dohot tondingkon, naeng tumangihon Ho. Di son do au naposoM on, rade tumangihon Ho..

11. JAMITA :

12. Marende KJ No.337 Logu: “Betapa Kita Tidak Bersyukur” D=do

Marsomba hami tu adopanMi, Marsomba ujung hami tu joloM, Mauliate ma di Ho, Tuhan, Sai jalo ma siluanami on.Reff.: Santi madingin, santi matogu, Rap tasombahon ma

tu Debata. Santi madingin, santi matogu, Rap tapelehon ma tu

Debata. -- orgen--

Tao Nauli nang adaran i, Dolok na timbo nang hauma i, Ima parhitean ni Tuhanki, lao marmuduhon nasa ngolungki. Reff.: Santi..

-- orgen -- Di son do hami, angka naposom, na pinillitMu gabe parripem. Na

manghalashon denggan ni basaM, na nilehonMu di au taon on. Reff.: Santi...

13. Tangiang Ale Amanami & Pasu-pasu

12