pranatacara
TRANSCRIPT
PRANATACARA
Pranatacara : tiyang ingkang tinenggenah nglantaraken satunggaling acara utawi master of ceremony (mc)
Inggih menika salah satunggalipun paraga/pelaku sesorah ingkang pakaryanipun inggih menika :
1. Maosaken urut-urutanipun acara ingkang badhe dipunlampahi.2. Ngatur saha nglantaraken lampahing acara supados gangsar/lancar utawi rancag3. Maosaken saha nyamektaaken/menyiapkan para paraga ingkang kajibah/ditugasi
nindaaken tanggap wacana/sambutan ing acara ingkang badhe dipunlampahi
Ingkang kagatosaken panatacara nalika nindaaken sesorah inggih menika wonten 4 ing antawisipun/ diantarannya :
Wiraga : patrap solah bawa/sikap anteng boten kathahen ngebahaken badan. Busana kajumbuhaken/disesuaikan kaliyan acaranipun (sungkawa/dukacita menapa manasuka)
Wirama : andhap inggiling suwanten kajumbuhaken kaliyan acaranipun (sungkawa menawa manasuka)
Wirasa : saged nglarasaken raosipun (penghayatan/penjiwaan) ingkang kajumbuhaken kaliyan acaranipun ( sungkawa menapa manasuka)
Wicara : anggenipun matur kedah cetha saged mbedakaken tembung-tembung ingkang meh/hamper sami (d, dh, t, th) lan mboten bindheng/sengau
Methode-methode ingkang kaginakaken panatacara nalikanipun sesorah wonten 4 antawisipun
1. Maos teks : inggih menika panatacara ngayahi jejibahan kanthi maos teks a. Apalan : inggih menika panatacara nindakaken pakaryanipun kanthi ngapalaken teks
ingkang sampun kawaos saderengipunb. Ekstemporan : inggih menika panatacara nindakaken jejibahan kanthi mbeta
cathetan alitc. Impromtu : inggih menika panatacara nindakaken jejibahan kanthi dadakan tanpa
nyameptakaken/mempersiapkan saderengipun kejawi/selain kanthi wekdal ingkang sekedhik. Piyambakipun saged nindakaken awit pengalamnipun dados panatacara ing acara-acara sakderengipun.
d. Pambuka
Perangan-perangan/bagian-bagian sesorah ingkang kaaturaken/disampaikan dening panatacara inggih menika :
1. Pambuka
Salam pambuka Atur pakurmat Atur Pamuji
2. Isi
Urut-urtanipun acara ingkang badhe dipunlampahi o Nama-nama para paraga jangkep/lengkap kaliyan/dengan gelaripun (Drs, S.Pd,
M.Pd, H, lsp) ingkang badhe nindakaken tanggap wacana,pambagyahaarja, atur sapala,utawi ingkang paring sabdatama,lsp.
3. Panutup
Atur pangapunten awit sedaya kekirangan saha kalepatan nalika nglantaraken/menyertai lampahing acara
Pangajab/harapan sasampunipun acara sampun kalampahan Salam panutup
Ringkesipun ingkang dipunaturaken/disampaikan panatacara nalikanipun sesorah :
1. Salam pambuka :
Ngaturaken uluk salam minangka pambuka tuladhanipun assalamu’alaikum wr.wb,sugeng enjing, ngaturaken kasugengan mugi kawilujengan binabar dhumateng kula panjenengan sedaya, lsp.
Ngaturaken ancasipun utawi tujuwanipun minangka panatacara ing salebeting acara ….
2. Atur pakurmat
Ngaturaken atur pakurmat dhumateng para tamu, kawiwitan dhumateng para-para ingkang kaanggep langkung dipunkurmati :para sepuh, Bapak kepala sekolah, Bapak Kepala Desa, lsp. Dhumateng para priyagung, dwija/guru, sarjana, alim/ulama, dhumateng para rawuh tamu undangan, para kanca-kanca,para siswa, lsp.
3. Atur pamuji
Ngunjukaken atur raos puji sokur awit sedaya nikmat ingkang kaparingaken dening Gusti Pangeran Ingkang Maha Agung dhateng para rawuh saengga saged kempal ngrawuhi acara …. Ing ….
4. Isi
Maosaken urut-urutanipun acara
1. Pambuka : kanthi donga utawi sanesipun 1. Atur tanggap sabda/wacana saking : ketua panitia acara, kepala sekolah, wakil
keluwarga,lsp.2. Acara manasuka kanthi ngaturaken panglipur : tari, paduan suara, gerak dan lagu,
geguritan,pengumuman lomba, lsp.3. Wosing gating acara : atur wasitatama/ular-ular/sesuluh saking paraga ingkang
sampun kajibah dening panitia.
4. Panutup : maosaken dudutan utawi simpulan ingkang sampun kaaturaken dening wasitatama
5. Atur pangapunten
Ngaturaken agunging pangapunten awit sedaya kekiranganipun wiwit atur, patrap saha sanesipun nalika nindakaken jejibahan/pakaryan minangka panatacara ing acara …. Dhateng para rawuh lan nyuwun agenging pangapunten
6. Pangajab
Pangajab kanthi lampahing acara ingkang sampun kalampahan kala wau tumrap panitia sumrambahipun dhateng para rawuh.
7. Salam panutup
Salam panutup tuladhanipun Wassalamu’alaikum wr.wb, sugeng siang, sugeng pepanggihan ing sanes wekdal, jaya-jaya wijayanti rahayu ingkang sami pinanggih. Katutup kanthi atur panuwun :nuwun
Texs Pranatacara
Adicara Perpisahan Kelas XII SMA N 2 Wates
Assalamu’alaikum Wr. Wb,
Dhumateng Kepala SMA N 2 Wates ingkang saktuhu kinurmatan,
Dhumateng Bapak/Ibu Guru, karyawan/karyawati SMA N 2 Wates ingkang kula hurmati,
Saha para siswa ingkang kula tresnani.
Jumboh kaliyan tuntunaning agami kula lan panjenengan sedaya, saha dasaring negeri “Pancasila”, sumangga kula panjenengan sami tansah monjukaken puji syukur wonten ngarsanipun Gusti Allah Ingkang Maha Agung, karana sih wilasa miwah barokah, rahmat, saha kawilujengan, saengga kula lan panjenengan sedaya wonten ing wekdal menika taksih saged makempal manuggal wonten ing adicara perpisahan kelas XII SMA N 2 Wates kanthi pinayungan karaharjan, tebih saking rubeda nir ing sambekala. Aamiin.
Salam shalawat mangga tansah kaaturaken dumateng junjungan kula lan panjenengan sedaya, Nabi Muhammad SAW, mugi-mugi safaatipun anumrapi dumateng kula panjenengan sami mbenjang wonten ing yaumil qiamah. Aamiin, aamiin yaa robbal ‘alamiin.’
Nuwun sewu, keparenga kula mambeng saha ngampil kamardikan panjenengan sedaya, awit kula pinji saking panitya, kinen ngaturaken urut reroncening adicara perpisahan kelas XII SMA N 2 Wates, ingkang sampun karantam dening panitya, inggih menika :
1. Adicara ingkang sepisan : pambuka
2. Adicara ingkang kaping kaleh : tanggap sabda dening ketua panitya, ingkang badhe dipunsalirani sedherek Putri Bernawati
3. Adicara ingkang kaping tiga : atur palapuran saking wakil kelas XII, ingkang badhe kasuwunaken dening sedherek Yolanda Amalia Hanjani
4. Adicara ingkang kaping sekawan : atur sapala saking wakil adik kelas, inggih menika sedherek Teta Mahardika Safety Family
5. Adicara ingkang kaping gangsal : atur pangayubagya saking Kepala SMA N 2 Wates, ing kang badhe dipunsalirani panjenenganipun Ibu Rahma Ardianti Farikha, M.Pd
6. Adicara ingkang kaping enem : panutup
Hadirin ingkang kula hurmati, mekaten punika urut reroncening adicara perpisahan kelas XII SMA N 2 Wates. Kasuwun wontena suka lilaning penggalih para lenggah tansah hanjenengi ngantos dumugi paripurnaning gati, matur nuwun.
Para lenggah ingkang saktuhu kinabekten,Sumangga adicara punika kapurwakan kanthi maos “Basmallah” sesarengan, maos “Basmallah” kula
sumanggakaken,“Bismillahirahmanirahim”,Matur nuwun.Para rawuh ingkang kula hurmati,Adicara ingkang kaping kalih tanggap sabda dening ketua panitya. Dhumateng sedherek Putri
Bernawati, kula sumanggakaken......Mekaten punika tanggap sabda dening ketua panitya. Kula aturaken agunging panuwun dhumateng
sedherek Putri Bernawati.Para lenggah kakung sumawana putri ingkang dhahat kinurmatan,Adicara ingkang kaping tiga inggih menika atur palapuran saking wakil kelas XII, dhumateng
sedherek Yolanda Amalia Hanjani kula aturaken, sumangga katur......Mekaten punika atur palapuran saking wakil kelas XII, dhumateng sedherek Yolanda Amalia Hanjani,
kula aturaken agunging panuwun.Para rawuh ingkang saktuhu kinabekten,Ndungkap adicara ingkang kaping sekawan, inggih menika atur sapala saking wakil adik kelas, inggih
menika sedherek Teta Mahardika Safety Family. Dumateng sedherek Teta, wekdal saha sasana kula sumanggakaken.
.....
Mekaten punika atur sapala saking wakil adik kelas, dhumateng sedherek Teta Mahardika, kula aturaken agunging panuwun.
Hadirin ingkang kula hurmati,Tumapak laksitaning adicara ingkang kaping gangsal, atur pangayubagya saking Kepala SMA N 2
Wates, dhumateng ngarsanipun Ibu Rahma Ardianti Farikha, M.Pd, rahayuning sedya kula aturaken......Ngaturaken agunging panuwun dhumateng Ibu Rahma Ardianti Farikha, M.Pd ingkang sampun
paring pangayubagya perpisahan kelas XII SMA N 2 Wates ing titi wanci punika.Para rawuh ingkang saktuhu kinabekten,
Pinangka pungkasaning acara, nenggih penutup. Pramila kula piniji pinangka pambiwara ngaturaken agunging panuwun, saha saking kula pribadi saestu kathah kalepatan inggih subasita, tatabasa ingkang kirang nuju prana, saestu kula nyuwun lumunturing sih samudra pangaksami.
Para lenggah ingkang bagya mulya,
Sumangga adicara perpisahan kelas XII kula lan panjenengan sedaya wusanani kanthi maos “Hamdalah” sesarengan. Sumangga maos “Hamdallah” kula dherekaken.
“Alhamdulillahirobbil’alamiin”.
Matur nuwun.
Wassalamu’alaikum Wr. Wb.