Nama Kelompok: Gede Elen M. J (04)Gede Siki Kurniawan (08)Kadek Leni (16)Made Rezananda Putra (26)

Pentas Seni Ring Desa TejakulaDesa Tejakula Buleleng ngelaksanayang Pentas Seni Tejakula kaping lima, sane kaulengan ring alun-alun desa irika. Pentas seni kabuki Wakil Bupati Buleleng, Nyoman Sucidra dibiwengi. Sajeroning pemargin Pentas Seni Tejakula kaping lima, kapisuguhang makudang-kudang kesenian khas Tejakula, sekadi Wayang Wong, patung, lukisan, pikaryan karma irika, ajeng-ajengan khas Tejakula, mengguh, lan mekudang-kudang sesolahan kesenian sane siosan. Wakil Bupati Buleleng, Nyoman Sucidra, nyanggra becik parikrama puniki, miwah pemerintah jagi setata nyokoh setunggil parikrama, sane prasida nincapang kawentenan seni budaya ring Tejakula. Anggen nyane ngaptiang, Tejakula sane wibuh antuk reragragan seni, setata prasida nglimbak miwah prasida ngukuhang kesenian, sane wenten irika. Ketua panitia pelaksana Pentas Seni, Pande Gede Mustika maosang, Pentas Seni Tejakula matetujon nincapang, nuntun, nglimbagang miwah ngelestariang seni budaya sane pinake tetamian budaya, sane Adiluhung. Siosan punika, parikrama puniki taler kaanggen nincapang potensi seniman, inggihan ring page internal utawi eksternal, sepisanan ngicen hiburan majeng karma irika. Pande Gede Mustika ngewewehin, kasenian sane kasolahang minakadiipun, Tari Lepas, Wayang Wong, Joged Bumbung, Igel Kecak, Bebondresan lan igel-igelan modern sane taler kadagingin antuk seni karawitan sekadi gong kebyar, gambelan rindik lan gambelan angklung. Nyabranwarsa, pamargin Pentas Seni Tejakula sayan becik miwah pikedeh krama irika taler sayan ageng. Pande Wismaya Bali TV.

Karereh saking Orti Bali (Bali TV) 28 Juli 2014