Nuju bala Bahá'í ke Sarawak

Tabi bala pangan,

Lebuh kita macha pesan tu maya Gawai 19 Hari Bulan Mashiyyat/Will (Peneka dalam jaku Arab),

dia kitai ngingatka undang-undang ti diberi Bahá’u'lláh ngagai tiap iku orang Bahá'í pasal nuliska

wasiat. (Dalam jaku English, reti lekajaku Will ianya Wasiat. Dalam Bup Ti Pemadu Kudus–Kitáb-

i-Aqdas, dia Iya madah:

“Ngagai genap iku endang udah ditetapka enda tau enda nuliska will. Orang ti bempu will

patut ngias will iya ngena Nama ti Pemadu Besar, dalam nya besaksi penyerakup Petara

dalam maya Teberingkas-Tawas Pegari-Penemu Iya, lalu nyebut, nitih ke peneka iya, utai

ti patut dipuji, awakkanya nyadika saksi iya dalam perintah-dunya Pegari-Penemu Petara,

enggau Utai-Tempa lalu nyadika pesaka ba Tuhan iya, Penyaga ti Pemadu-ia, ti Pemadu-

Taluk.”

Kelimpah ari nyemetak nyebut nama orang ti patut ngempu reta-tengkira enggau mata–duit ti

ditingalka lebuh diriempu udah mati, dia will tauka wasiat tu mega patut nyengkaum bayar

belanja ngubur diriempu, bayar Huqúqu'lláh, sereta magi reta-tengkira ngagai institusyen Bahá'í.

Kami arapka bala pangan enda nyeliahka jaku-tangkan Bahá'u'lláh ti besai reti tu.

Lebuh kita macha berita tu, lebih ari 90 iti ari 114 iti aum nembiak udah diatur ba tempat ti udah

diagih di seluruh dunya, ari Accra (Ghana) ngagai Yaounde (Cameroon). Aum di Kuching udah

diatur dua minggu ke udah kena 14 – 16hb Sembilan. Laban pesan tu ditulis tumu agi ari aum tu

dia berita pasal Aum Nembiak di Kuching tu deka dikunsi enggau bala pangan dalam berita ti

nangkanka tu.

Naka ke diatu lebih 600 iku nembiak ari Sarawak, Sabah enggau Brunei udah ngerijista nama

ngulu aum tu. Enti nundaka pengagit ati bala pangan ti madahka diri deka ngulu aum tu dia

kami bisi bendar pengandal ati aum ti di Kuching tu tetap mujur.

Pemereti ti penting ditu ianya aum nembiak tu enda dianggap siti aktiviti aja tang ia siti ari

pengawa dalam “proses nirika raban (process of community building)” ti endur nembiak ulih ngereja

ungkup diri. Wawasan enggau pengagit ti diasaika maya Aum Nembiak di Kuching nya-alai

patut “disalin ngagai aksen ti ulih beterusan” dikereja bala nembiak ti ngulu aum lebuh sida pulai

ngagai klaster sidaempu. Sukung ari Raban Gelumu Sambiang Menua enggau institusyen bukai

ba peringkat klaster, amat beguna bendar dikena ngenan sereta neruska aktiviti tu.

Kami endang arap bendar bala nembiak ti ngulu aum di Kuching ulih “ngeringka diriempu idup

gawaka raban”. Sida tu mih bala nembiak ti disebut Rumah Pengelurus Serata Dunya ngabiska

pengidup maya bujang-dara gawaka Pengarap lalu pengawa ti dikereja sida endang endur

bepanggai pemujur pengansak nuju pengidup raban ti manah agi.

Enggau pengerindu,

Raban Gelumu Sambiang Bahá'í ke Sarawak

BE 170 Mashíyyat / Peneka Issue 11 27 September 2013

Pesan ari Raban

Gelumu Sambiang

Bahá'í ke Sarawak

BERITA BAHÁ’Í

S A R A W A K

O ANAK MENSIA!

Enti pengeraja datai ngagai nuan, anang

andal, lalu enti pemerinsa ninggang nuan,

anang tusah, laban kedua-dua nya deka

lenyau lalu nadai agi.

Bahá'u'lláh

Page 2

Ngenanka Penyerakup Antara Agama Nitihka ajar Bahá'u'lláh ti madahka “Begulai sejalai enggau semua orang ti megai

agama bukai dalam semangat bebakih enggau bekaban”, dia siti grup orang

Bahá'í bisi sama ngabang ngagai pengerami rumah tebuka orang Muslim kena

10hb Lapan 2013, hari ketiga Hari Raya Aidilfitri.

Pengerami tu nanda pengujung Bulan Kudus Ramadan, ti udah ditetapka Nabi

Muhammad endur orang Muslim bepuasa.

Penemuai sida tu diuluka Dr. John Fozdar, ti

nyadi pengari Malaysian Interfaith Network ari

Sarawak. Kumpulan tu bisi sida ari agama

Bahá'í, Buddha enggau Hindu; sida ari gereja

Kristian enggau agama Sikh enda ulih datai

laban udah bisi pengawa bukai diaturka sida.

Kumpulan interfaith tu ketrubah ngabang ngagai

rumah Datu Haji Putit bin Matzen enggau bini

iya Datin Kartini. Penatai sida disambut seduai

melaki-bini enggau manah. Datu Putit ianya

mangku pengawa nyadi President Majlis Islam

Sarawak (Sarawak Islamic Council), siti opis ti

mantu sereta ngelalau Yang di-Pertuan Agong

dalam pekara ti bekaul enggau agama Islam di

Nengeri Sarawak.

Udah nya sida ngabang ngagai rumah YB Nancy

Shukri, menteri dalam Opis Perdana Menteri.

Ditu penatai sida mega disambut menteri tu

enggau manah. Lebuh iya dipadahka Dr. Fozdar

sida ti datai tu ngarika agama siti-siti, dia nyaut

aktiviti antara agama patut mayuh agi dikereja

sereta diperansang. YB Nancy endang udah lama teleba orang Bahá'í laban mayuh

orang Bahá'í bisi diau dalam pelilih menua ti dipegai iya.

Angkat ari tu dia sida ti ngabang mansang ngagai pengerami rumah tebuka

diatur YB Datuk Rohani Abdul Karim, ti nyadi Menteri Perintah Besai ke Women,

Family & Community Development. Pengerami tu diatur ba Borneo Convention

Centre. YB Rohani mega udah lama teleba orang Bahá'í laban mayuh orang Bahá'í

bisi diau dalam pelilih menua ti dipegai iya.

Ari berita ti didinga ari mayuh menua di dunya tu dia laya enggau penyarut

antara orang ti arapka agama siti siti suah bendar nyadi. Nya-alai pengawa baka ti

dikereja kitai tu endang manah bendar ke penyerakup enggau penglikun menua.

Baka tu mih gaya kaul 'Abdu'l-Bahá enggau mensia mayuh ti megai agama ti enda

sebaka lebuh Iya nemuai ngagai Europe enggau America Utara dalam taun 1911

enggau 1912. Iya bejaku nerangka ajar Apai Iya ba gereja orang Kristian, masjid

orang Muslim, synagogue orang Judah, enggau rumah sembah agama bukai. Tiap

kali Iya bejaku dia Iya terang bendar nyebut pasal pengerindu antara bansa

mensia. Ko Iya "Semua mensia ianya orang kuli Petara. Semua disepuh dalam

tasik pengasih Iya. Penempa sida ianya siku Petara ti sama, Iya Ti Meri, Ti

Penyaga. Iya nelap ngagai semua; nama kebuah kita jai enggau pangan diri?

Semua idup dalam ayung pengerindu Iya; nama kebuah kitai begedika diri sama

diri?"

Kumpulan antara agama Dr. John

Fozdar (ari mua, kedua ari kanan)

ba depan rumah Datu Putit

(ketiga ari kanan).

Ba rumah YB Nancy Shukri

(indu ti ketrubah ari kiba).

Rijista

Tikah

Baha'i

Kita Enggau

pengaga ati

kami madahka

Penulong

Pengerijista

Tikah Baha'i

Mr. Tan Hock

Siew ti diau di

Pasar Sibu

udah diberi

timpuh baru

endur iya ulih

ngerijista tikah

Baha'i ke bala

pangan ti diau

sitak menua

Sibu enggau

semua pelilih

menua di

Sarawak

Tengah baka

Sarikei,

Mukah,

Selangau,

Kanowit

enggau Kapit

Nya-alai

semua orang ti

deka nikah

tauka baru

udah nikah

ngena adat

rumahpanjai

di peransang

ngerijista tikah

Baha'i sida.

Mr. Tan Hock

Siew ulih

ditalipon ba

0198666955.

Page 3

Aum Institusyen kedua di Kuching Ujung minggu 27-28hb Tujuh 2013 udah meda Aum Insitusyen kedua

diatur di Kuching Bahá'í Centre. Aum Institusyen tu nangkan ia ketrubah

diatur kena 19 - 20hb Satu 2013 di Kuching ba Kompleks Belia & Sukan.

Ngulu aum tu ianya kaban Raban Gelumu Sambiang Bahá'í ke Sarawak,

kaban Bahá'í Council ari Sarawak utara, tengah enggau selatan

sereta kaban Komiti Institiut ari tiga bengkah menua di Sarawak.

Kaban bala Penyanding mega sama bisi ngulu.

Ba hari ketrubah, tuai aum ianya Mr. Bunsie Tunton, aum berengkah

pukul 1.30 ngalih hari enggau sambiang lalu ditangkanka jaku

pengelalu ari chairman, lalu udah nya Counsellor Ircham ngiring

bala pangan belajarka Pesan

Ridván 2013 ari Rumah

Pengelurus Serata Dunya nuju semua orang Bahá'í di dunya.

Lebuh belajarka pesan nya dia bala ti ngulu dibagi ngagai grup

nitihka bansa jaku ti dikena: tiga grup ngena jaku Melayu lalu

dua ngena English. Udah nya semua bala pangan begumpul lalu

sama bejuraika. Pekara ti dipejuraika nyengkaum batang

pengawa ba semua 40 iti klaster di menua Sarawak lalu plan ti

digaga siti-siti Bahá'í Council ke bengkah menua ti dipegai

diriempu. Malam nya program abis pukul 9.30.

Pagi hari kedua aum berengkah pukul 8.30 lalu diketuai kaban

Raban Gelumu Sambiang Bansa Mr. Dajai Mancha. Ia

berengkah enggau sambiang lalu udah nya belajarka surat kena 8hb

Dua 2013 ari Rumah Pengelurus

Serata Dunya pasal 114 iti aum

nembiak di deka diatur dalam taun

2013 tu.

Sekali agi, diiring Counsellor, dia

bala pangan ti ngulu bejuraika

pekara ti bekaul enggau Aum

Nembiak ti deka diatur di Kuching

kena 14 – 16hb Sembilan 2013.

Ngambika bala ti ngulu aum tu sama

bela nenak sereta terang pasal aum nembiak ti deka diatur, lalu

ulih meransang bala nembiak datai ngulu sereta meransang

bala pangan ti enda enggau ngulu sama bela nyukung aum tu ari ti meri belanja, dia Ms. Young

Layching, facilitator pemansang sitak menua Kuching, nayangka gambar aktiviti ti dikereja bala

sida ti dipadu mantu meransang naka pemayuh nembiak datai ngulu aum tu.

Aum institusyen tu abis lepas pukul 1 ngalihhari bekau ti berandauka bakani mutarka penanggul

nembiak ti deka ngulu Aum Nembiak Di Kuching.

Layching nerangka mayuh

macham pengawa ti deka

dikereja di klaster Kuching

sebedau Aum Nembiak.

Duduk di baruh gambar `Abdu’l-

Bahá ianya Bajing (kanan) enggau 4

kaban institusyen ari utara Sarawak.

Sekeda bala pangan ti bisi

ngulu enggau ati ti gaga. (ari

kiba) Counsellor Ircham

enggau kaban Raban Gelumu

Sambiang Bansa Mr. Bunsie

Tunton enggau Mdm. Kong

Ah Fah.

Siti grup benung bejuraika Pesan

Ridván 2013

Page 4

Institiut dedat di Kuching Riput ari Ms. Young Layching

Klaster Kuching bisi ngatur kursus institute dedat kena 3–8hb Lapan,

2013. Tuju ngatur kursus tu ianya ngambika sida nembiak ti nembuka

bup maya tu ulih nyendiaka diri ngulu Aum Nembiak di Kuching

dalam Bulan Sembilan tu.

Institiut dedat tu diatur ba Taman Sri Moyan lalu bisi 25 iku nembiak

datai belajar, bisi sekeda datai ari Betong.

Kami meri besai terima kasih ngagai sida Sivagamy sebilik laban ti

udah ngemendarka rumah sida dikena nyadi tempat endur ngatur

kursus sereta mega endur bala ti ngulu diau sepemanjai kursus nya.

Kami mega meri besai terima kasih ngagai semua bala pangan ti udah

nyukung kursus tu ari ti meri bantu ngena chara

bukai.

Maya kursus dedat tu tiga iti bup ulih dipelajarka

sida, ianya Bup 1, 2 enggau 5. Kami mega bisi

berunding sereta nyikap diriempu enggau penemu

ti udah bisi dipelajarka sehari nya lalu dilatihka

kami lebuh nemuai ngagai rumah orang lemai

hari. Bala nembiak ti belajar mega nguji enggau

naka ulih bekunsika penerang dalam surat

8hb Dua 2013 ari Rumah Pengelurus Serata

Dunya sereta enggau penemu ti diulih sida

ari meda video “Frontiers of Learning”.

Udah pulai ari rumah orang ti endur

nemuai, dia kami sama bela bekunsika

pengalaman enggau penemu ti ulih diri

lalu nguji meri peransang ngagai diri sama

diri. Pengelama 5 hari kami begulai

belajar, dia kami meda bala nembiak

ti enggau belajar semua bisi betambah

pengelandik mantaika penemu lalu

teperansang mansutka penemu ti bisi

diulih sida ari Bup Ruhi. Tiap iku

ulih ngasaika enti kitai deka berubah,

nambahka penemu enggau

pengelandik diri, dia kitai mesti nguji

bebendar lalu anang enda ingat

besambiang, kelebih agi sebedau

bekejang ngagai rumah ti udah diagih endur nemuai . Semua ngasaika

penemuai ngagai rumah endur belatih bejaku pasal ajar Pengarap nya

udah nyadika pengalaman ti manah sereta tentu deka lama dikingatka

sida.

Ba hari kepenudi, kami semua merindang ati ngagai Matang Family

Park. Bekau ti udah begulai belajar sereta sama nguji gawaka Pengarap

pengelama 5 hari, dia kitai meda bala nembiak nyau udah bekelala

rapat enggau diri sama diri.

Ba rumah ti endur nemuai.

Bala nembiak merindang ati ngagai

Matang Family Park

Bala nembiak

belajarka Bup Ruhi 5.

Kalenda Pengawa

Gawai 19-Hari Bulan

Mashíyyat/Peneka

27hb Sembilan 2013

(diatur lemai 26hb)

Gawai 19-Hari Bulan

‘Ilm/Penemu 16hb

Sepuluh 2013 (diatur

lemai 15hb)

Ulangtaun Pengada

Nabi Báb 20hb

Sepuluh 2013 (Hari

Kudus tu patut diintu

lemai 19hb tauka siang

hari 20hb. Siang hari

20hb bala pangan enda

patut nurun gawa.)

Gawai 19-Hari Bulan

Qudrat/Kuasa 4 hb

Sebelas 2013 (diatur

lemai 3hb)

Ulangtaun Pengada

Bahá’u’lláh 12hb

Sebelas 2013 (Hari

Kudus tu patut diintu

lemai 11hb tauka siang

hari 12hb. Siang hari

12hb bala pangan enda

patut nurun gawa.)

Gawai 19-Hari Bulan

Qawl/Jaku 23hb

Sebelas 2013 (diatur

lemai 22hb)

Hari Penyanggup

26hb Sebelas 2013

(diatur lemai 25hb.

Endur maya ngingatka

pangkat enggau

tanggungjawap `Abdu’l-

Bahá ti nyadi Pusat

Penyanggup)

Ulangtaun Pemati

`Abdu’l-Bahá 28hb

Sebelas 2013 (patut

diintu pukul 1 dinihari.