PARTORDING NI ACARA

PARTANGIANGAN (HARI DOA SEDUNIA)

TAON 2011

PARTORDING NI ACARAPARTANGIANGAN (HARI DOA SEDUNIA)

TAON 2011TEMA : PIGA DO ROTI DIPEOP HAMU (Markus 6:38b)

U = Uluan H = Huria S= Suara (boi sian hundulanna dijahahon) Ch = Chili

I. Pangaradeon Dipangke ma tutup ni langgatan jala denggan ma rupana marragam-ragam, adong ma lilin na balga dipeakhon di ginjangna. Di tingki prosesi mangkuling ma musik, barisan prosesi i, apala na parpudi adong ma mamangke pahean Chili 5 halak, adong na maniop Bibel, Silang, sapiring eme, samangkuk tano dohot gendi na marisi anggur na ditutupi dohot abit na bontar. Sudena i dipeakhon tu ginjang ni langgatan i dohot piring na marisi 2 dengke dohot roti naung diponggoli na naeng sibagihononhon tu angka halak na ro tu partangiangan i. (laos na mamangke pahean Chili na lima halak i ma pasahathon tabe tu natorop.)

Ch1 :Di Chili godang do adat alai boi rap sahundulan jala mangolu di tano na marganjang jala na sompit. Hujagahon hami do tongtong haulion ni adat dohot parhataan disi.

Ch2 :Au sahalak na maringanan di bagian Utara na mamangke hata Aymaras. Hutabe hami ma hamu dohot pangkulingnami.” Napaykullayki”, lapatanna: “Horas, tabe ma di hamu.”

H :Horas ma di hamu!

Ch3 :Au na tinggal di bagian Selatan, margoar “Mapuches” pasahathon tabe tu hamu “Mari-mari Lamgnem” na marlapatan : tabe ma di hamu.

H :Tabe ma di hamu!

Ch4 :Au na marharoroan sian Pulo Easter na marpangkuling di hata Rapa Mui, tabenami i ma “Iorana.”

H :Iorana “ Horas ma di hamu.”

Ch5 :Hutabe ma hamu di bagasan hata Spanyol na godang mamangke parhataan on di negara Amerika Selatan di luatnami :“Buenas Dias” marlapatan Horas ma di hita (manogot)“Buenas Tardes” marlapatan horas ma di hita (arian)“Buenas Moches” marlapatan Horas ma di hita (borngin)

2

H :Buenas Dias …Horas ma tutu

Ch1-Ch5 : atas goar ni Bangso Chili, hami pasahathon :Tabe ma di hamu na ro tu partangiangan on. (mulak tu hundulanna)

II. Ibadah

1). Marende No. 706:1 Godang ni pasupasu i Godang ni pasu-pasu i di lehon Tuhanki,Tarlobi asi-asiMi marhite anakMi.Jaloma pujianki, Jesus Sipalua i,Boi au bongot tu surgo i,

Marnida hasangaponMi

U1 :Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Porbadia na tumompa langit dohot tano. Amen. Roti i ma sipanganon na rumingkot di negaranami, ndang adong sipanganon na singkop molo ndang adong roti. Hami patuduhon parsaoran nauli sahat tu na mangebati tu bagas ni angka na pogos, mambagibagi angka siinumon, tes, kopi dohot roti.Jotjot do parompuan paturehon roti songon dalan patuduhon holong tu sude na naeng manganhon roti na pinaturena i. di sandok portibi on molo adong na so dapot sipanganon i ma sada tihas na balga dohot muse hata na mandok “Asi roha”, tudos tusi ma jotjot godang di tongatonganta, manarihon dongan na songon i, i ma tanda na parduli tu dongan, songon tanda pangkirimon di Jesus Kristus.Tabege ma sungkun-sugkun ni Jesus tu siseanNa ; piga do roti dipeop hamu? Taauhon ma sungkun-sungkun i gabe tu hita: aha do na boi tarpatupa hita?

H :Sadia godang do roti na adong di hita?

2). Tangiang ParsombahononU1 :Ale amanami na di banuaginjang. Asi ma rohaM di hami. Tangihon ma hami

najoujou tu adopanMu, martangiang hami tu Ho mangido pangurupionMu asa tubu muse roha na manarihon dongan di hami, asa anggiat tubu pangkirimon na mangolu marhite angka parulan na denggan. Naeng ma rade ngolunami marlas ni roha tung pe mangadopi parungkilon manang tingki tubu pandelean. Ale Tuhan bahen ma hami gabe na porsea tu Ho, jala boi patuduhon bohiM tu angka jolma na masihol tu Ho marhite angka pambahenan na denggan. Ajari ma hami mangolu di bagasan Jesus Kristus Tuhannami. Amen.

Panjaha 1 : Manjahahon : 5 Musa 8:7-10 (boi dibagi tu manang piga halak laho manjahahonsa jala boi dijahahon sian inganan na asing isara sian loteng, manang kursi na).

3

U2 :Dung tabege na di 5 Musa on pintor targombar do tu rohanta gombaran ni negara-negara dohot gombaran ni negaranta sandiri.Ayat i pahehehon rohanta dohot mangarahon hita asa ringgas mandok mauliate tu Debata.Dihamauliatehon rohanami do ale Debata, ala mangolu hami di tano na napu na uli, jala suansuanan na boi dalan ni golu di hami. Mauliate hupasahat hami di jadijadianMu isara ni laut, angka dolok, batang aek dohot hajang-hajang na mambahen uli sude, dohot angka tombak na marisihon angka pahanpahanan na balga dohot na metmet, suang songoni dohot angka halongangan na mangarahon hami asa lam jonok jala porsea tu Ho.

H :(Mangendehon ende No.569:1) O Debata tung longang do rohangku,

Molo hubereng na tinompaMi,Saluhut bintang, hilap dohot ronggur, manghatindanghon hasangaponMi,Marende au Tuhan mamuji Ho,O, Debata, sangap do Ho.Marende au Tuhan mamuji HoO, Debata, sangap do Ho.

U2 :Tuhan Sitompa hami, Ho do manjadihon portibi on napatubuhon marragam parbue na tonggi. Mauliate hupasahat hami marhite angka sipanganon ni angka na tinompaM.

H :(mangendehon: Reff ni BE. No.569)Marende au Tuhan mamuji Ho,O, Debata, sangap do Ho.Marende au Tuhan mamuji HoO, Debata, sangap do Ho.

U2 :Hupasahat hami mauliate tu sude naung loja manarihon angka na pogos marhite sipanganon dohot barita nauli songon halak Kristen na parjolo i.

H :(mangendehon Reff ni BE. No.569)Marende au Tuhan mamuji Ho,O, Debata, sangap do Ho.Marende au Tuhan mamuji HoO, Debata, sangap do Ho.

3 ). Koor

4

Panjaha 2 : Manjahahon 1 Raja 17:8-16 (boi dibagi tu manang piga halak laos manjahahonsa jala boi dijahahon sian inganan na asing isara sian loteng, manang kursi na).

U2 :Hupuji hami ma Ho ala dibuha Ho roha ni ina na mabalu i, pasahathon itak sisampohul i tu na mangharingkothonsa.

4). Marende BE. No. 569:3 O Debata tung longang do rohangku

5). Pardalanan ni ngolu dohot tangiang pangondianon

Panjaha 3 :Dongan sahaporseaon di sandok portibi on, hupabotohon hami tu hamu na masa dohot na hansit na niae ni donganta di Chili. Rap ma hita mamparungkilhon dohot tumangianghonsa, nang pe ndang apala marparbue dope na huula hami, alai na huhaporseai hami marhite pangurupion ni Jesus Kristus, na dokdok, gabe lam neang porsanon jala tubu angka panarihonon ni angka donganta i ma songon tanda pangkirimonta tu Jesus Kristus jala laos di tingki i boi hita marpanarihon tu angka na pogos di tongatonganta. Taauhon ma di ganup rohanta.

Ch1 :Dung jongjong negara Chili di taon 1810, parhatobanon dohot pamunuon laos na masa ido dipangke gabe suhat-suhat ni ulaon asi ni roha. Di taon 1905, Atacama rap dohot inantana ro di sude ianangkonna dohot sude angka na mangula di pabrikna na maringanan di bagian utara na di haliangi dolok na hasang hian di sandok portibi on. Marsangkap do nasida mangarahon pamarenta dalan padengganhon parngoluon na lam dumenggan. Hagogoon ni soldadu/tentara patupahon panangkupon dohot pamukpuhion pola do dua ribu halak agoan hosa di sikola Santa Maria di Iquique. Paraloan nasida i gabe boi paubahon angka na masa di torop na mulaulaon di Chili jala nasida boi paradehon diri laho manarihon angka dakdanak.

U3 Ale Debata, diparhatopot rohanami do na so apala rade hami sumarihon angka dongannami na hurangan, marpamuati ma rohaM asa unang gabe targasip torop halak ala ni pangalahonami. Jala marpamuati ma rohaM di na tongtong patupahon panggosagosaon tu halak na so mardihadiha dohot na gale.

6). Marende BE. No. 151:1 (Na sonang au)Asi roham o Jesus Tuhanki sai jangkon ma au onSai ro ma ho, laos ido hataMi tu au pardosa onDison huboan peleanMu, i ma tondingku, pamatangkuAsi rohaM, sai jalo ma.

U3 :Hutangianghon hami ma angka dongannami na pogos, na so dapot sipanganon, na mangae ala ni hamongkuson ni halakna gogo holan mangahut pangomoan na marlobilobi. Sai ajari hami mangulahon asi ni roha tu sude halak, asa unang adong

5

nanggo sada na so huparrohahon hami, asa boi sude ris dapotan angka na ringkot di ngolu siganup ari..

H :Ale Debata parasiroha na sumurung, sai ajari ma hami mangulahon asi ni roha.Ch2 :Di ujung ni abad pa-19 hon, Pabrik Batubara Lota di sada luat jonok tu Conception

di Chili Selatan i ma sada huta na umpogos. Hea do sumurut sude parkarejona jala pola do gabe di tutup pabrik i di taon 1997 lobi saribu halak parkarejo dipaso (PHK). Angka parompuan Lota tongtong do hot mangihuthon angka sinondukna laho mansoarahon asa tongtong adong roti tu na paturehon, jala gabe roti na denggan na dilompa di pangalompaan na nigoaran “Parsaoran” songon sada tiruan tu na humaliang. Angka inanta soripada ni parkarejo gabe manjalo turgas mangulahon ulaon na mansai borat dalan manarihon angka ianangkonnasida marhite angka ulaon na tama, isara ni mambahen roti.Di tingki on, pangalompaan nanidok na di ginjang i dipadenggan muse di Lota, parompuan mula ulaon laho mangalompa roti jala digadis tu pasar.

U3 :Ale Debata Tuhannami, diparhatopot rohanami do tung mansai godang do hamoraon naung nilehonMu tu hami, alai jotjot do hami lupa ndang huparis hami i marhite hasintongan jala torop do di na humaliang hami na torus marsigantung tu halak na gogo. Diparhatopot rohanami do dosanami, jotjot hututup hami matanami mamereng angka na masa i. Asi ma rohaM Tuhan, di tingki hututp hami matanami unang hubereng hami jala dohot sipareonnami hututup hami unang hubege hami hoihoi ni angka dongan na humaliang hami. Sesa ma dosanami molo hututup hami bagasnami manulak angka parsaoran jala na so ungkap rohanami marsilehonlehon. Asi ma rohaM Tuhan.

7). Marende BE. No.171:2 (Tandai ma au)Asi ma rohaM taringot tu pangalahonkuOlo tutu, jotjot do na lilu dalankuSesa dosangku sude Debata

U3 :Ale Debata parasiroha, jotjotna i angka dongannami di bagasan parungkilon, ala ndang tarbahen nasida marmudu mudu keluarga tu na mangihut. Hutangianghon hami angka ina na maninggalhon angka iannangkon holan mangalului angka na ringkot i di ngolu siganup ari.

H :Tuhan Debata Sitompa saluhut, lehon ma di nasida pasupasuM dohot pandonganionMu

Ch3 :Sian taon 1973 sahat tu taon 1989, Chili mangadopi tingki hamaolon marhite hasogiron jala parhata sadaon ni Jenderal Augusto Pinochet, dung madabu uluan ni negara i, i ma Salvador Allende marhite angka Soldadu na mamunu jala torop mate, torop dipahurunghon, torop halak na mago. Mansai torop angka baoa dohot parompuan na sasintongna boi mangalehon pingkiran tu negara i alai gabe dipabali

6

(tarbuang). Alai boi malua nasida jala hipas marhite angka na mabalu di Sarfat, na mangurupi nasida martaontaon di tingki marsirang sian angka keluarga nasida be. Saleleng di taon 1980, nang pe pangontak ni angka politik na mansai posi alai roha na marpanarihon tongtong do tarida muse, angka hasadaon di punguan pe tarida do pangontakna. Punguan-punguan na marharoroan sian bagasan torus mangalo pamarenta na marusaha mambangun. Angka punguan-punguan pe tarida do hehe muse na mamarrohahon parngoluon siganup ari. Nasida marusaha na marharoroan sian angka halak na rade mangurupi na so pola holan sipanganon dohot na ringkot di parngoluon on. Nang pe so pola sadia i alai na rumingkot mangalehon sada pangalaho boha asa gabe rap mamparungkilhon dihamaolon na niadopan nasida huhut mamingkiri dalan asa boi haruar sian hamaolon siganup ari.

U4 :Ale Tuhan, diparhatopot rohanami na so rade rohanami masiurupan, ndang apala dihaporseai rohanami hata ni angka panurirangMi, sai hubereng hami do holan mangalului hamoraon portibion, alai ndang huboto hami mamangke i dohot sumarihon angka dongan nami.

8). Marende BE. No. 688:3 TuhanNuaeng na ro do au sumomba HoPasahat ngolungki Tuhan tu HoTuhan lehon ma roha na holong Urupi au

U4 :Ale Tuhan, Amanami na sumarihon hami. Martangiang hami tu Ho mangido asi ni rohaM tu angka parompuan na dipukpuhi, na mangadopi angka ulaon na so tama dohot na di pagosagosa angka baoa na jahat, na mangae ala hona HIV AIDS, angka na mangharingkothon holong ni roha, angka parompuan na mangula marhite pandapotan sian ulaon haotoon, angka na so dapotan inganan panisioan, dapot parngoluon siganup ari.

H :Ale Tuhan, sai dongani ma nasida.

Ch4 :Globalisasi patubuhon hadirion ni angka na mora gabe lam tu hijangna. Nasida paanakanakhon hepeng di luatnami marhite pangomoan na matorbanghu. Nasida manuhor arta ni halak na gale marhite hagiot-hagiot nasida sambing. Harajaon ampe tu halak na asing. Torop angka parompuan dohot angka baoa mangolu di ulaon na holan patubuhon sahit ni pamatangna dohot tu halak na asing.

U4 :Ale Debata na maringanan di Banua ginjang, asi ma rohaM di hami. Jotjot hupasombu hami angka halak na manegai na tinompaM, na manegai suansuanan, na manegai dalan ni ngolunami, ndang huharingkothon hami patureture na tinompaMi na boi gabe mual hangoluan di pomparannami. Sesa ma dosanami na so apala hupardulihon hami angka na ringkot di dongannami.

9). Marende BE, No. 724:2 Tuhan baen ma ngolungkonTanganki di Ho ma I mangulahon holongMi,

7

Dohot pangalahoki sai hombar tu lomoMi, Sai hombar tu lomoMi.

U4 :Hutangianghon hami ma angka dakdanak di portibi on na modom alai ndang jolo marsipanganon. Suang songoni angka baoa dohot parompuan na so dapotan ulaon. Hutangianghon hami ma angka dongannami na marsahit, na mangae, na marungkil, angka dongannami na mangadopi sitaonon ala ni hamatean dohot dongannami naginosagosa. Naeng ma panindangionnami dos tu pambahenan manghajongjonghon harajaonMu di portibi on.

H :Ale Debata parasiroha. Sai ingani ma rohanami marhite holong na sian Ho laho manghobasi huriaM.

Ch5 :Ale Tuhan, diparhatopot rohanami do paboa Ho parasiroha na sumurung tu sude jolma manisia. Ditopot Ho do angka ina na mabalu jala na pogos na mangadopi hasusaan dohot na so mardihadiha. Dilehon Ho do haporseaon di hami paboa itak sisampohul dohot miak sisaotik i na so tupa marsik, paboa holongMu na so tupa mansadi sian hami na tinomaM. Songon panghaholongion ni AnakMu Tuhan Jesus Kristus Tuhannami. Amen

Ch1-Ch5 : Ale Tuhan, tangihon ma tangiangnami jala urupi ma hami asa huboto hami tanggungjawabnami sumarihon na male, tu halak na manghalungunhon hadameon, hasintongan dohot ulaon asi ni roha di na humaliang hami, marhitehite Jesus Kristus Tuhannami. Amen.

10) Koor

11). Panjaha 3 : Manjaha markus 6:30-44 (boi dibagi tu manang piga halak laos manjahahonsa jala boi dijahahon sian inganan na asing isara sian loteng, manang kursi na).

U5 :Huarahon hami ma hamu angka dongan pahusorhusorhon halongangan na pinatupa ni Jesus tu ngolunta sadari on. Disungkun Jesus do siseanNa :”Ise hamu naumpeop roti?”Dohot do tu ngolunta sahat tu tingki on manungkun hita. Dia do naung tapatupa sian basabasa naung tajalo i?(Sude suara borhat tu altar naung adong disi roti na ditutupi dohot abit na bontar, jala disigat jala ditutup muse, jala jongjong dijolo huhut manjahahon).

Ch1 :Deba halak umpeop sipanganon, alai tung so dibuha do rohana laho sumarihon donganna na so umpeop sipanganon.

Ch2 :Deba halak na umpeop sipanganon, alai ndang dibuha rohana boha dalan asa dapotan donganna.

8

Ch3 :Deba halak na umpeop godang sipanganon,alai sian lobilobina i do diparlehon tu donganna.

Ch4 :Hape deba halak ndang adong umpeop sipanganon, alai bulus do rohana papunguhon lobilobi ni halak na naeng siambolonghonon nama.

Ch5 :Dohot torop halak na hurangan sipanganon alai ungkap rohana manarihon sian na adong di ibana i dilehon tu donganna.

12). Marende BE. No. 712:1 Togu au ale Jahowa Togu au ale Jahowa di dalan na rodop on. Ho do na tongtong satia togu au na gale on. Sagu-sagu hangoluan sai pabosur tondingkon,

Sai pabosur tondingkon

U5 :Dung i didok Jesus ma tu siseanNa, dok hamu asa hundul na torop i. Didok asa hundul sa sapanganan opat-lima halak. Dung sidung i dipangido ma asa dialusi sungkunsungkun on: Sadia godang do sipeop ho roti? Aha do upam? Dia do na boi bahenonmu laho manarihon donganmu?

Catatan : Dipatupa ma kelompok hombar tu ringkotna dibagasan satongkin i, jala adong ma harotas disi, surathon ma tu harotas i aha siluam na marpardomuan tu partangiangan i. (diparade ma tingki pigapiga menit) na lima parompuan najonjong di jolo i roma papunguhon harotas naung sinuratan ni ganup kelompok i.

U5 :Dibuat Jesus do roti jala diponggoli dung i diparlehon tu siseanNa, jala sian dua dengke i diparlehon tu sude natorop i jala bosur sude marsipanganon.

Ch1 :Ia roti na nilehon ni Jesus tu siseanNa nunga mardongan hataNa: ”Ingkon do mangalehon sipanganon tu donganmu asa rap bosuran hamu.”

Ch2 :(dipataridahon roti na di altar i patuduhonsa tu natorop)Songon nidok ni Hata na badia i, adong do di hita lima roti dohot dua dengke, dohot godang dope tahe. Dilehon do tu hita sahala dohot parbinotoan na ingkon lehononta tu donganta (huhut patuduhon tu na naeng manjalo marhite harotas.

Ch3 (manjahahon angka harotasa naung diparade hian jala dipapungu)On ma sada na ringkot sibotoonta paboa aha do na adong di hita? Jala tarjou do hita laho mambagi na adong dihita angka donganta. Dilehon Jesus Kristus do tu hita hagogoon, habaranion. Siala ni i do ndang marnaloja hita laho sumarihon angka donganta.

9

U5 :Marlas ni roha do hami ala Barita nauli gabe panindangion na tangkas tu na opat panurat ni parbarita nauli. Suang songoni do hagogoon na adong di nasida i gabe dapotan hagogoon hita siala na tumangihon dohot mangulahonsa.(Si lima halak parompuan na manjalo harotas dohot piring namarisihon roti mameakhon i di atas ni langgatan rap dohot kolekte).

13). Marende BE. No. 730:1-2 Sai patau ma au Tuhan1. Sai patau ma diringku ale Tuhan,

Papatarhon HinauliMi Tuhan,Suru ma tondiMi saor tu rohangki,Lao papatar HolongMu tu donganki.

2. Sai patau ma diringku ale Tuhan,Papatarhon hinauliMi Tuhan,Suruma TondiMi saor tu rohangkiPatariparhon basaM tu donganki.

14). Jamita

15). Marende BE. No. 691:1-3 Hupasahat ma tu Jesus (P. pelean)(Kolekte na tapapungu on, pasahatonta do on gabe tumpak tu ulaon asi ni roha dohot ulaon ni seksi parompuan di Chili dohot di Indonesia).

16). Tangiang PanutupU1 : Ale Debata Parasiroha, mauliate hupasahat hami tu Ho, ala ni asi ni rohaM na

manongtong tu hami huhut mamuha rohanami marpungu di partangiangan on. Hudok hami mauliate ala hajonjongan nami songon baoa dohot boruboru na tinompaM. Di bagasan toruk ni roha do hami mamelehon ngolunami tu adopanMu. Sai jalo ma peleannami gabe uap na hunsus di joloM. Ungkap ma rohanami manghobasi angka dongannami na patut siurupan marhite harajaonMu. Nunga pola mate AnakMu na sasada i humophop hami di hau pinarsilang, i ma Tuhan Jesus Kristus Tuhannami. Amen.

U2 :Ale Debata naung pasahathon asi ni rohaM tu portibi on. Jesus Kristus na manjou hita tu parpadanan na badia i manganhon roti hangoluan na so pola adong hurangan. Sadari on na pinadomu ni hataNa do hita dohot Tuhan Jesus. Hutogihon hami ma hamu asa rap hita di tingki las ni roha nang di sitaonon, i ma panghirimonta. Rap ma hita manangianghon angka donganta di sandok portibi on asa sapangkilaan, si sada haporseaon, sada parsaoran jala holong masihaholongan. Tapatuduhon ma paboa Anak ni Debata do hita na patut masitiopan tangan huhut martangiang na ni ajarhon ni Tuhan Jesus Kristus tu hita.

H Ale Amanami na di banua ginjang……

10

U3 Sai hagogoon ni Debata ma manjagai hita. Jala Harajaon ni Debata na manontong i manjagai hita.

Sai habisuhon ni Debata ma mangajari hita.Sai Tangan ni Debata ma na manogunogu hita.Sai ditoru ni habong ni Debata ma hita marondingonding.Sai Debata na manjagai hita sian sumbia ni sibolis i dohot pangelaela ni portibi on.Jesus kristus do donganta, Ibana do di jolonta.Jesus kristus do di bagasan hita.Jesus Kristus do uluanta jala Ibana do sisombaonta.

U4 :Songon tanda ni paralealeonta dohot panghirimonta di tuhan i, huapoi ma hamu angka dongan asa taparrohahon angka donganta na humaliang hita na di siamun dohot di hambirangta huhut mandok: Debata ma mamasumasu ho. Debata ma mandongani ho. Debata ma mangalehon dame tu ho. (huhut masijalangan).

U :Pasahat pasupasu

H :Mangendehon Amen…amen…amenINFORMASI TENTANG NEGARA CHILI

Republik Chili membentang antara Samudra Pasifik dan pegunungan Andes di barat daya Amerika Selatan. Di utara berbatasan dengan Peru, di timur dengan Bolivia dan Argentina, di selatan dengan Antartika, dan di barat dengan Samudera Pasifik.Luas wilayah Chili 756.950 km2, panjang 4.780 km dari perbatasan dengan Peru ke Cape Horn, dan lebar rata-rata 200 km. Chili termasuk daerah gurun di utara, pegunungan bersalju abadi sepanjang seluruh negeri, padang-padang rumput atau steppe di wilayah selatan, dan lanskap kutub di selatan sekali.Chili memiliki iklim yang beranekaragam, seperti di bagian Utara: kering, malam dingin dan lembab di pagi hari, panas di siang hari, dan sangat dingin di malam hari.Pusat: Mediterania, dengan empat musim yang jelas-ditandai: musim dingin sedang di musim semi, panas di musim panas, cukup panas di musim gugur, dingin dan basah di musim dingin.Selatan: dingin, dengan hujan hampir sepanjang hari

Antartika: dingin, dengan salju di bawah nol Pulau Paskah: hangat. Andes: selalu diselimuti salju Chili, karena keanekaragaman iklimnya, menyodorkan berbagai macam binatang. Sepanjang rentang Andes ada Guanako, satu-satunya yang bertahan dari Paleocamelides (pendahulu kuno dari keluarga unta), dan kerabatya yang dijinakkan, yakni llama, alpaca, dan vicuna. Di dalam Altiplano, wol berkualitas tinggi dihasilkan dari bulu halus mereka yang digunakan secara luas. Chili merdeka pada tanggal 18 September 1810, meskipun Deklarasi Kemerdekaan ditandatangani delapan tahun kemudian. Krisis ekonomi pertama setelah Perang Dunia I terjadi karena perkenalan sendawa sintetis yang dibawa dari Eropa. Hal ini secara drastis mengurangi penjualan sumber produksi utama, yakni sendawa. Secara historis, ekonomi Chili tergantung pada keputusan asing untuk harga dan produksi pertama dari emas dan sendawa, kemudian tembaga, buah-buahan, kayu dan ikan.

11

Chili dibagi menjadi 15 daerah, di mana otoritas maksimum adalah Gubernur Daerah "Intendente", yang ditunjuk oleh Presiden Republik. Chili saat ini memiliki hubungan diplomatik dan konsuler dengan setiap negara di dunia. Chili adalah anggota pendiri Perserikatan Bangsa-Bangsa dan Organisasi Negara-negara Amerika. Chili adalah produsen tembaga terkemuka di dunia, dengan 4,5 juta ton pada tahun 2001. Sebagian besar dari tembaga yang dihasilkan diambil dari Tambang Chuquicamata, tambang terbesar di dunia terletak di provinsi utara Antofagasta. Calama, salah satu kota terkering di dunia, merupakan ibu kota provinsi.Pertanian di tengah lembah, yaitu gandum, jagung, barley, padi dan kentang, Tanaman industri adalah gula bit, anggur untuk ekspor. Sapi dan domba, yang menyediakan daging, susu dan wol; babi dan kambing pemeliharaannya di daerah utara kering. Perikanan di Chile adalah salah satu kekuatan utama dunia, karena memiliki berbagai macam ikan-ikan dan kerang, begitu juga hutan pinus di selatan dan kayu yang sangat berkualitas baik. Pariwisata merupakan sumber pendapatan yang sangat penting. Wisatawan yang tertarik dengan keindahan alam gurun terkering di dunia di sebelah utara; pantai Pasifik yang indah; lereng tinggi Andes; buah-buahan manis, anggur, dan sayuran dari lembah tengah; air terjun yang mengesankan, dan lereng ski, gletser, ladang-ladang ber-es, dan penguin di Patagonia. Jumlah penduduk hampir 17 Juta. Penduduk Chili adalah mayoritas Mestas, ras campuran Spanyol. Penduduk asli kurang dari 7%. Survei saat ini menunjukkan bahwa 89% orang Chili beragama Katolik Roma, 10% dari penduduk adalah Protestan dan sisanya 1% terdiri dari jemaat kecil Yahudi, Kristen

Ortodoks dan masyarakat Muslim serta minoritas lainnya. Gereja-gereja Protestan adalah Methodist, Wesleyan, Lutheran, Anglikan, Ortodoks, Baptis, Presbiterian, Bala Keselamatan dan Mennonite. Pada tanggal 14 Oktober 1999, Dekrit 19.638, Hukum (peraturan) "beribadah”, diterbitkan yakni menjamin kebebasan beragama dan beribadah. Tanggal 31 Oktober telah dinyatakan menjadi Hari Evangelis Nasional dan merupakan hari libur resmi. Pendidikan di Chili adalah wajib dan hak khusus yang berarti tingkat melek huruf yang tinggi. Bahasanya adalah bahasa Spanyol. Program pendidikan melek huruf gratis disebut "Chile Belajar" dan "Chile Berkualifikasi". Wajib sekolah mulai dari TK sampai dengan tahun ke-4 sekolah menengah, jadi anak-anak masuk sekolah pada usia 5 tahun dan meninggalkannya pada usia 17 tahun. Kemudian pendidikan tinggi melalui Universitas atau Lembaga Profesional Teknis. Di Chili hanya ada 25 perguruan tinggi negeri dan sisanya swasta, di mana persyaratan masuk adalah lulus Ujian Sistem Universitas dan sanggup membayar biaya yang ditetapkan oleh lembaga atau untuk mengajukan universitas pinjaman jangka panjang.HDS Hari Doa Se-Dunia di Chili dimulai pada tahun 1980 oleh Mela (Ecumenical Women for Latin America). Tahun 1996 Lokakarya pelatihan oleh Komite Internasional dan mendirikan Komite HDS. Oktober 2000, Mela sidang paripurna nasional dari 20 perempuan untuk memilih anggota komite berpusat Santiago. Kegiatannya menterjemahkan materi dalam bahasa Spanyol untuk disebarluaskan ke seluruh Chili.Komite HDS telah mendirikan sistem jaringan kerja dengan organisasi keagamaan dan sosial untuk mendukung setiap acara penyelenggaraan HDS di Chili. Penyusunan

12

bahan untuk 2011 telah bermanfaat dalam membantu kami untuk lebih mengkonsolidasikan gerakan oikoumene di Chili.

13