bidayatul muwahhidin
TRANSCRIPT
HUSAIN | Himpunan Usaha Santri Pagelaran
1
HUSAIN | Himpunan Usaha Santri Pagelaran
2
| Himpunan Usaha Santri Pagelaran
1
1 Hè batur kumaha urang
Tonggoy bodo heunteu terang
Kanu mangèranan urang
Nu ngurus peuting jeung beurang
2 Nu ngadamel urang tèa
Asal euweuh jadi aya
Sarta parabot sadia
Suku leungeun sungut aya
3 Reujeung sajaba ti èta
Kaya irung ceuli mata
Manfa'atna panta-panta
Pikeun urang molah meta
4 Badan teu aya kakurang
Jaba èta pirang-pirang
Nu dipasihkeun ka urang
Nu hargana leuwih larang
5 Lamun urang karep ngitung
Bari diuk bari nangtung
Ni'mat tèh moal ka itung
Sabab urang loba untung
6 Ngan ni'mat nu panggedèna
Beunang diitung jumlahna
Hayu ku urang ayeuna
Urang bilang sawarèhna
7 Urang tèa sarèrèa
Baheula mah heunteu aya
Ayeuna gelar di dunya
Asal cai mani tèa
8 Bijil ti bapa ka indung
Tuluy ku indung di kandung
Tepi ka beurat melendung
Salapan bulan di kandung
9 Tayohna harita urang
Waktu jadi cari hèrang
Kunu ngadamel di karang
Dijadikeun daging tulang
10 Dina jero beuteung ema
Supaya jadi jelema
Ulah bèda ti sasama
Sing cara bapa jeung ema
11 Ngan sakalangkung ahèngna
Na kumaha midamelna
Tepi ka kieu buktina
Awak urang sadayana
12 Nya langkung-langkung iyasa
Anu ngadamel manusa
Uninga kersa misèsa
Saha atuh nu kawasa
13 Bijil ti indung ka dunya
Geus pepek lengkep sadia
Anggahota kabèh aya
Parabot hirup di dunya
14 Jeung sanggeus aya di dunya
Di ruang ku ni'mat rèa
Jeung dijaga tina bahya
| Himpunan Usaha Santri Pagelaran
2
Supaya urang waluya
15 Sarta kabèh anggahota
Dikersakeun bisa meta
Kaya sungut ceuli mata
Leungeun suku jaba èta
16 Suku dibisakeun leumpang
Leungeun mah bisa ngopèpang
Sungut mah bisa ngocomang
Panon ningal dinu caang
17 Kitu deui ieu ceuli
Ngadènge teu buta tuli
Na bet urang jongjon lali
Ka Nu nyieun teu merduli
18 Cing hayu urang nanyakeun
Sugan aya nu nerangkeun
Saha anu ngajadikeun
Ka awak urang ngayakeun
Assalamu'alaikum Wr.Wb.
19 Pangapunten baè kulan
Kalinggih kersa ajengan
Abdi sareng rèrèncangan
Anu mawi ngadeuheusan
20 Rèk aya nu ditaroskeun
Saha anu ngajadikeun
Ka awak urang ngayakeun
Mugi-mugi diterangkeun
Wa'alaikum Salam Wr.Wb
21 Hè sakabèhna manusa
Nu ber-akal nu dèwasa
Aranjeun kudu rumasa
Di damel ku Nu Kawasa
22 Bilih aranjeun teu terang
Ka Nu Mangèranan urang
Nu maparin barang-barang
Nu hargana leuwih larang
23 Nya èta Alloh nu Mulya
Nu kagungan Alam dunya
Nu Kawasa Beunghar Kaya
Nu Hèmah ka sarèrèa
24 Anu wajib kasifatan
Ku kabèh kasampurnaan
Suci tina kakurangan
Nu teu pantes di Pangèran
25 Pèk ayeuna arèlingkeun
Sing tarenget karupingkeun
Alloh wajib diterangkeun
Ngan ulah dèk disamikeun
26 Jeung nerangkeun ka makhluq-Na
Sok hayang puguh buktina
Heunteu sah kabina-bina
Alloh sami jeung makhluq-Na
27 Ngan sakieu anu misti
Ku aranjeun sing kaharti
Satemen-temenna Gusti
Alloh Ta'ala tèh pasti
28 Kasifatan ku sampurna
Nu taya wates wangenna
Suci tina kakurangan
Nu heunteu aya tungtungna
| Himpunan Usaha Santri Pagelaran
3
29 Sawarèh kasampurnaan
Engkè baris ditataan
Anu wajib di Pangèran
Gusti Alloh nu Murahan
30 Reujeung lalawananana
Nyaèta nu mustahilna
Ditambah kunu wenangna
Nu hiji taya hilapna
31 Aya deui anu misti
Nyakitu kudu gumati
Kabèh jalma wajib ngarti
Satemen-temenna Gusti
32 Alloh ngadamel utusan
Anu lobana ratusan
Purah muruk ngaalusan
Ka kabèh bangsa manusan
33 Heunteu wajib ditataan
Anging nu aya di Qur'an
Aya salawè sebutan
Kadè ulah kaliwatan
Pertèlaan Hukum 'Aqal
34 Mangka ari samèmèhna
Nerangkeun sifat-sifatNa
Alloh jeung sifat RosulNa
Sing terang hokum 'aqalna
35 Hukum 'aqli tèh kabèhna
Ngan tilu hiji wajibna
Nu kadua mustahilna
Anu katilu wenangna
36 Nganran wajib 'aqli tèa
Heunteu kaharti teu aya
Ku 'aqal urang sadaya
Aya qudratna nu Mulya
37 Qudrotna Alloh nu Mulya
Tangtu teu ngarti sadaya
Kana euweuh qudrot tèa
Sabab anu wajib aya
38 Ari mustahil mah pasti
Barang nu heunteu kaharti
Ayana barang ku ati
Saperti apesna Gusti
39 Apes Gusti Alloh tèa
Moal kaharti mun aya
Di Alloh nu Maha Mulya
Ku 'aqal urang sadaya
40 Ari palenggeuran wenang
Èta mana-mana barang
Aya sah ceuk 'aqal urang
Aya euweuhna teu mang-mang
41 Kos Allah ngadamel Jati
Èta wenang tangtu ngarti
Akal tèh mun jadi bukti
Jeung teu bukti gè kaharti
Pertèlaan Barang nu Wajib, nu
Mustahil jeung nu Wenang di Alloh
Ta'ala
42 Sawarèhna nu wajibna
Di Allah nu Agung di zat-Na
Tilu belas dibilangna
Da teu jeung ma'nawiyah-Na
| Himpunan Usaha Santri Pagelaran
4
43 Nu mustahil gè nyakitu
Aya tilu belas tangtu
Sabab lalawanan itu
Ari nu wenang mah satu
44 Nomor hiji anu misti
Sifat nu wajib di Gusti
Èta wujud sing kaharti
Hartina tèh aya pasti
45 Satiap wajib ayana
Pasti mustahil euweuhna
Ari nu jadi dalilna
Yèn Alloh wajib ayana
46 Ku aya mahkluk nu rèa
Ari makhluq-makhluq tèa
Ayana entos teu aya
Jadi anyar wenang aya
47 Tiap anyar dianyarkeun
Karep kanu ngajadikeun
Taya nu bisa ngayakeun
Ngan Alloh nu ngabuktikeun
48 Jeung wajib Alloh Ta'ala
Qidam tegesna tiheula
Taya mimitina mula
Mustahil anyar kas kula
49 Ari nu jadi dalilna
Yèn Alloh wajib heulana
Sarta taya mimitina
Kieu ceuk dalil akalna
50 Lamun Alloh heunteu Qidam
Tangtu anyar cara alam
Tapi anyar teu kapaham
Ku akalna ahli Islam
51 Sabab tangtu dianyarkeun
Karep kanu ngajadikeun
Jeung nu ka Alloh nganyarkeun
Karep kanu nga-anyarkeun
52 Jadi rantè-rantè pasti
Lamun dianyarkeun gusti
Tapi teu pisan kaharti
Rantè-rantè tèh ku ati
53 Kos Allah dijieun Amar
Amar dijieun ku Bakar
Bakar dijieun ku Jahar
Jahar dijieun ku Semar
54 Tuluy teu aya tungtungna
Saperti rantè nyantèlna
Moal kaharti ayana
Nu kitu ku sadayana
55 Tawa jadi daor tèa
Kaya Alloh anu Mulya
Dijadikeun ku ki Jaya
Jaya dikersakeun aya
56 Digumelarkeun ku Gusti
Sili jieun pili genti
Èta kitu teu kaharti
Yakin wajib Qidam Gusti
57 Tilu nu wajib di Alloh
Baqo tegesna mo salah
Alloh langgeng tara owah
| Himpunan Usaha Santri Pagelaran
5
Mohal ruksak Gusti Alloh
58 Ari nu jadi dalilna
Yèn Alloh wajib langgengna
Kieu ceuk dalil aqalna
Mun Alloh ku ruksak keuna
59 Tangtu tetep anyar Gusti
Sabab wujudna teu misti
Tapi ari anyar Gusti
Heunteu kaharti ku ati
60 Sabab tadi geus kapaham
Ku dalilna sifat Qidam
Nya sidiq langgeng teu ham-ham
Allohul-'Aliyyul-'A'dzom
61 Ka opatna sifat Alloh
Nu wajib tèh mukholafah
Lil-hawadits pèk maranah
Kunu anom kunu sepah
62 Hartina wajib sulaya
Teu sami Alloh nu Mulya
Jaung makhluq-makhluq sadaya
Makhluq nu euweuh nu aya
63 Ari ka-bèdaannana
Alloh jeung kabèh makhluq-Na
Èta lain jirim dzat-Na
Nu tangtu ngalap enggona
64 Reujeung lain bangsa sifat
Anu sok tetep dina dzat
Heunteu menggon heunte nempat
Jeung teu aya dina jihat
65 Teu di luhur Alloh aya
Teu di handap Maha Mulya
Teu di kalèr wètan tèa
Teu cara urang sadaya
66 Jeung Alloh taya jihatna
Teu aya luhureunana
Atawa handapeunnana
Jeung taya kiduleunana
67 Reujeung sajaba ti èta
Jeung teu make anggahota
Taya baham cepil soca
Leungeun suku lian èta
68 Jeung teu pèndèk heunteu jangkung
Teu gedè leutik teu agung
Taya diuk leumpang nangtung
Teu kakurung teu kalangkung
69 Ku peuting reujeung ku beurang
Sabab bèda reujeung urang
Bèda jeung sagala barang
Mikir Dzat-Na ulah panjang
70 Tiap wajib mukholaafah
Alloh mohal mumatsalah
Tegesna mustahil Alloh
Sami jeung makhluq sok owah
71 Ari nu jadi dalilna
Yèn wajib tèh sulayana
Alloh jeung kabèh makhluqna
Kieu ceuk dalil aqalna
72 Lamun Alloh nyaruaan
Ka sakabèh nu anyaran
Nu gelar nu kasamaran
| Himpunan Usaha Santri Pagelaran
6
Tangtu anyarna Pangèran
73 Tapi ari anyar Gusti
Heunteu kaharti ku ati
Sabab tadi geus diwarti
Yèn wajib Qidam tèh pasti
74 Kalima sifat nu Mulya
Alloh anu murbeng dunya
Qiyamuh-binnafsi tèa
Seug aji ku sarèrèa
75 Ari èta tèh hartina
Alloh jeneng ku Anjeun-Na
Teu karep ku Dzat lian-Na
Teu butuh kanu nyieun-Na
76 Mustahil Alloh tèh numpang
Di Dzat lian cara urang
Cara seungit dina kembang
Kitu tèh Alloh teu wenang
77 Sabab jumeneng ku Anjeun
Reujeung mustahil butuheun
Alloh kanu ngawujudkeun
Alloh tukang ngajadikeun
78 Ari nu jadi dalilna
Kana kawajibanana
Alloh jeneng ku Anjeun-Na
Kieu ceuk dalil aqalna
79 Mun tetep dina dzat lian
Alloh moal kasifatan
Ku sifat nu disebutan
Engkè diharep tujuhan
80 Nyaèta Qudrot-Irodat
Ilma kaopatna Hayat
Sama' Bashar Kalam tamat
Milang anu tujuh sifat
81 Jeung lamun Alloh karepeun
Kanu ngajadikeun nyieun
Tangtu anyar dijadikeun
Tatapi pikumahaeun
82 Mun anyar Nu Agung dzatè
Sok jadi dor rantè-rantè
Nu teu kaharti ku hate
Yakin jumeneng ku dzatè
83 Kagenepna sifat Gusti
Nyaèta Wahdaniyati
Fidz-dzati wafis-sifati
Wafil-af'ali sing harti
84 Hartina sahiji dzat-Na
Jeung hiji-hiji sifat-Na
Reujeung sahiji damel-Na
Kieu ari hiji dzat-Na
85 Dzat Alloh mah teu patumpang
Teu patumpuk cara urang
Kaya kulit daging tulang
Èta di Alloh teu wenang
86 Reujeung teu aya dzat lian
Anu cara dzat Pangèran
Anu sasifat sangaran
Pèndèkna teu bingbilangan
87 Hartina hiji sifat-Na
| Himpunan Usaha Santri Pagelaran
7
Sifat Alloh sakabèhna
Teu aya rangkepanana
Anu sangaran sama'na
88 Kaya Qudrot-Na teu dua
Sumawona leuwih rèa
Ngaran ma'nana sarua
Jeung Iradat-Na teu dua
89 Kitu deui satuluyna
Sifat Alloh sadayana
Kaya Sama' jeung Bashar-Na
Teu aya jodo-jodona
90 Jeung taya lian Pangèran
Hiji gè nu kasifatan
Ku sifat nu nyaruaan
Kana sifat Alloh Rohman
91 Ari hiji padamelan
Teu aya lian Pangèran
Anu boga pagawèan
Reujeung tapak beubeunangan
92 Ari pagawè makhluqna
Jaung tapakna jeung atsarna
Èta dina hakèkatna
Ku Alloh dipidamelna
93 Seuneu teu bisa nutungkeun
Damar teu bisa nyaangkeun
Pèso teu bisa motongkeun
Cai teu bisa nyegerkeun
94 Tepi ku Alloh nu Mulya
Tutung caang potong tèa
Makhluq mah teu boga daya
Ngan adat langka sulaya
95 Satiap wajib hijina
Dazt-Na Sifat-Na Damel-Na
Nya mustahil lalawana
Nyata bingbilanganana
96 Ari nu jadi dalilna
Yèn Alloh sahiji Dzat-Na
Hiji Sifat-Na Damel-Na
Kieu ceuk dalil aqalna
97 Lamun Alloh bingbilangan
Bet dua tilu Pangèran
Pinasti moal ayaan
Makhluq nu tanpa wilangan
98 Katujuh sifat nu misti
Nu wajib aya di Gusti
Sifat Qudrot sing kaharti
Hartina kawasa Gusti
99 Ari èta Qudrot tèa
Sifat qodim sarta aya
Tetep dina dzat nu Mulya
Ngayakeun makhluq sadaya
100 Reujeung nga-euweuhkeunana
Alloh ku sifat Qudrot-Na
Mustahil Alloh apesna
Ari dalil kawasana
101 Lamun Alloh teu kawasa
Moal aya makhluq rosa
Sabab apes heunteu bisa
Yakin Alloh nu Kawasa
102 Kadalapan sifat Gusti
| Himpunan Usaha Santri Pagelaran
8
Alloh Irodat sing harti
Hartina ngersakeun pasti
Kana mumkin mèmèh bukti
103 Jeung jaba èta liyanna
Nya ku sifat Irodat-Na
Nu mustahil lalawanna
Kapaksa euweuh sejana
104 Ari nu jadi dalilna
Ya'ni nu nuduhkeunana
Kana wajib Irodat-Na
Kieu ceuk dalil aqalna
105 Lamun Alloh teu keresa
Tangtuna Alloh kapaksa
Ngayakeun makhluq nu rosa
Jadi apes Nu Kawasa
106 Tapi ari apes Gusti
Pasti heunteu ngarti ati
Sabab tadi geus diwarti
Wèn wajib Qudrot tèh pasti
107 Kasalapan kudu timu
Sifat-Na Alloh tèh Ilmu
Hartina uninga nemu
Mustahil bodo tumamu
108 Ilmu ogè cara tadi
Sifat tetep di Yang Widi
Qodim teu anyar ngajadi
Disebut sifat Wujudi
109 Uninga Alloh nu Mulya
Ka mukmin-mukmin sadaya
Nu aya nu heunteu aya
Ku sifat Ilmu-Na Alloh
110 Kitu deui nu wajibna
Kaya dzat-Na jeung sifat-Na
Jeung kabèh nu mustahil-Na
Ka uninga ku Ilmu-Na
111 Ari nu jadi dalilna
Kana wajib uningana
Mun Alloh taya ilmuna
Tangtuna tetep bodona
112 Mun bodo moal keresa
Tangtu apes teu kawasa
Tapi apes teu keresa
Ku aqal makhluq nu rosa
113 Kasapuluh sifat Gusti
Sifat Hayat sing kaharti
Hartina Alloh tèh misti
Hirup mohal Alloh mati
114 Èta sifat Hayat tèa
Matak sah ngarti sadaya
Persifatna anu Mulya
Ku sifat nu bangsa aya
115 Kaya Qudrot Irodat-Na
Ilmu rawuh satuluyna
Sakur sifat bangsa ma'na
Ari nu jadi dalilna
116 Yèn wajib hirup tèh Gusti
Nyaèta mun Alloh mati
Moal kasifatan pasti
Ku sifat nu geus diwarti
117 Sabelas dua belasna
| Himpunan Usaha Santri Pagelaran
9
Sifat nu wajib ayana
Di Alloh nu Agung dzat-Na
Sama' jeung Bashor ngarana
118 Ari èta tèh hartina
Alloh wajib midangetna
Reujeung wajib ningalina
Kanu wujud sadayana
119 Mustahil torèk lolongna
Ari nu jadi dalilna
Yèn wajib Sama' Bashor-Na
Ku ieu dawuhanana
وهو الّسميع البصري
120 Nyakitu èta sundana
Alloh nu wajib ngupingna
Jeung nu wajib ningalina
Kanu aya sadayana
121 Ka tilu belasna Kalam
Ngadawuh salalawasna
Taya huruf teu sorana
Anu didawuhkaunana
122 Sakabèh anu wajibna
Jeung kabèh nu mustahilna
Jeung sakabèh nu wenangna
Mustahil Alloh pireuna
123 Ari nu jadi dalilna
Alloh wajib ngadawuhna
Ku ieu dawuhanana
Teu wani nyiirkeunana
ولكّم هللا موىس تلكامي
124 Geus ngadawuh Nu Kawasa
Alloh Ta'ala ka Musa
Ngadawuh temen karasa
Ka kuping ku Nabi Musa
125 Putus milang nu wajibna
Jeung milang nu mustahilna
Ngan genep likur jumlahna
Di dieu nu dituturna
126 Ari anu wenang tèa
Di Alloh nu Maha Mulya
Ngadamel mukmin sadaya
Jeung tinggal ngadamel tèa
127 Ari nu jadi dalilna
Alloh wenang ngadamelna
Jeung wenang teu ngadamelna
Kana mumkin sadayana
128 Nyaèta mun Alloh misti
Wajib ngadamelna Gusti
Kana mumkin mèmèh bukti
Atawa mustahil pasti
129 Tangtu tibalik nu wenang
Jadi wajib nya teu meunang
Euweuhna ceuk 'aqal urang
Saperti sagala barang
130 Tawa jadi mohal tèa
Jadi mustahil nya aya
Padahal mukmin sadaya
Wenang euweuh wenang aya
| Himpunan Usaha Santri Pagelaran
10
Nutur Jenengan Rosul nu Ditutur
dina Al-Qur'an
131 Ari perutusan tèa
Nu ngemban dawuh Nu Mulya
Ka makhluq-makhluq sadaya
Èta yakin leuwih rèa
132 Tapi sadayana urang
Tètèla teu wajib terang
Ngaran saurang-saurang
Ku syara' teu dipiwarang
133 Ngan nu aya dina Qur'an
Èta wajib dita'atan
Nu dua puluh limaan
Nu ku Alloh dinamaan
134 Wajib 'aèn pada paham
Supaya sampurna Islam
Nomer hiji Nabi Adam
Bapana sakabèh umam
135 Nabi Idris ka duana
Nabi Nuh nu katiluna
Nabi Hud nu kaoptna
Nabi Sholèh kalimana
136 Ibrohim nu kagenepna
Nabi Luth nu katujuhna
Isma'il ka dalapanna
Ishaq nu kasalapanna
137 Yaqqub nu kasapuluhna
Yusuf nu ka sabelasna
Ayyub ka dua belasna
Harun ka tilu belasna
138 Opat belas Nabi Musa
Kalima belas Yunusa
Genep belas Nabi Yasa’
Katujuh belas Ilyasa
139 Syu'èb dalapan belasna
Dawud salapan belasna
Sulaèman rong puluhna
Dzulkifli ka salikurna
140 Dua likur Zakariyya
Tilu likur Nabi Yahya
Opat Likur Isa tèa
Salawè nu leuwih Mulya
141 Panutup kabèh Anbiya
Gustina Rosul sadaya
Kakasih Alloh nu Mulya
Jeng Nabi Muhammad tèa
142 Nu diutus jadi rohmat
Ka sadaya makhluqot
Dawuhna anu murbéngrat
Inna arsalnaka rohmat
143 Anu diutus ka urang
Nu ku Allah di piwarang
Ka urang maparin terang
Marentah bari ngalarang
Pertelaan Barang Nu Wajib Nu
Mustahil jeung Nu Wenang di Para
Rosul
144 Ari sakabeh utusan
Anu lobana ratusan
| Himpunan Usaha Santri Pagelaran
11
Jeung nu bieu disebutan
Pasti wajib kasifatan
145 Ku sifat-sifat nu opat
Nyaeta Sidik Amanat
Tabligh kaopat Fathonat
Mohal lalawanan opat
146 Nyaeta Kidzib Khiyanah
Kitman sarawuh Baladah
Ngan hiji nu wenangna mah
Di kabeh utusan Allah
147 Nyeta ’Arodl-basyariyah
Jumlah salapan Aqidah
Di sakabeh rosul Alloh
Heug hartikeun sing kamanah
148 Ari Shidiq téh sundana
Bener Rosul sadayana
Dina ngaku risalahna
Reujeung nepikeun hukumna
149 Jeung dina kabèh saurna
Najan dina guguyonna
Ari kidzib mah sundana
Bohong èta mustahilna
150 Ari nu jadi dalilna
Yèn rosul wajib benerna
Reujeung mustahil bohongna
Kieu ceuk dalil aqalna
151 Mun barohong perutusan
Dina kabèh cariosan
Tangtuna khabar pangèran
Jadi bohong teu meneran
152 Tapi ari bohong gusti
Alloh nu suci teu ngarti
Akal tèh reh mohal pasti
Bohong Pangèran sajati
153 Nu matak lazim tèa mah
Lamun bohong Rosululloh
Jadi lazim bohong Allah
Sababna kieu mo salah
154 Sakabèh utusan Alloh
Ngakuna menang risalah
Ngemban timbalan ti Allah
Disaksian ku mu’jizah
155 Ari mu’jizahna tèa
Sami jeung dawuh nu mulya
Bener nabi teu sulaya
Dina ngadatangkeun tèa
156 Ari sundana amanah
Sakabèh utusan Allah
Kapercaya tara salah
Diraksa ku Gusti Allah
157 Tina anu diharamkeun
Atawa nu di makruhkeun
Pendekna teu ngalakukeun
Kanu gorèng tara leukeun
158 Ari sundana khiyanah
Nyidra ku daèk milampah
Kana barang nu dicegah
Kaya haram jeung karohah
159 Ari anu jadi burhan
| Himpunan Usaha Santri Pagelaran
12
Yén amanah perutusan
Muhal khiyanah sebutan
Dalil aqal pék émutan
160 Lamun utusan khiyanah
Lampah goreng teu dicegah
Ngarempak larangan Alloh
Haram makruh dipilampah1
161 Tangtuna di parentahkeun
Ka umat ku ngalakukeun
Nu haram nu dimakruhkeun
Lampah gorèng teu tinggaleun
162 Tapi kitu teu sah pasti
Da pang parentah ti gusti
Kana nyulayaan misti
Kana tho’at teu gumati
163 Ari Tabligh tèh sundana
Nepikeun hukum-hukumna
Ka kabèh umat-umatna
Mustahil nyumputkeunnana
164 Nyumputkeun teu ngadatangkeun
Barang nu diparèntahkeun
Ka umatna ditepikeun
Ti Allah nu ngadawuhkeun
1 Ari ieu bet no 159 sareng 160 eta teu aya dina
naskah anu asli, sanaos tos bolak-balik unjukan
ka guru kuring. Dawuhna, “ieu mah kedah dipilari
dina matan anu asli, anu ditulis arab”. Maka
kalayan teu ngirangan kana ta’dzim kuring
pangersa guru almarhum, kuring nambihan kana
ieu dua bet, bari ngalap berkah kana kitab
Bidaayatul Muwahhidiin. Mung, saha baé anu
ngagaduhan naskah anu asli, supados tiasa
nyumpingan ka pasantren pagelaran II Sumedang
kanggo ngaishlahkeun ieu matan.
165 Ari anu jadi burhan
Pertandana perutusan
Wajib Tabligh mohal Kitman
Dalil aqal mo nyalahan
166 Lamun Rosul tèh nyumputkeun
Barang nu haq didatangkeun
Ka umatna diwurukkeun
Tangtu urang diwajibkeun
167 Diwajibkeun nyimpen ilmu
Nu ku urang geus katimu
Kabatur jalma tumamu
Tapi kitu mo tinemu
168 Tegesna mohal jeung teu sah
Urang kabèh diparèntah
nyamunikeun ilmu Alloh
Karena matak dila’nah
169 Ari hartina fathonah
Palinter utusan Alloh
Bisa ngajawab mas’alah
Ngèlèhkeu nu mujadalah
170 Ari hartina biladah
Belet bodo mintul manah
Èta mustahil mo salah
Ari nu jadi dalil mah
171 Yèn Rosul wajib pinterna
Mustahil bodo manahna
Kitu ceuk dalil aqalna
Mun Rosul tetep bodona
172 Tangtu moal bisa hujjah
Ngèlèhkeun nu mujadalah
| Himpunan Usaha Santri Pagelaran
13
Reujeung ngajawab mas’alah
Tapi kitu tèh mo salah
173 Sabab Qur’an geus nuduhkeun
Ku Alloh geus didawuhkeun
Yèn Rosul bisa ngèlèhkeun
Ku hujjah anu ngapeskeun
174 Ka musuhna nu maduan
Kaya dawuhan pangèran
Wa jadil hum dina Qur’an
Jeung bil-latii hiya ahsan
175 Ari sifat kawenangan
Di sakabèh perutusan
Nya sifat kamanusaan
Nu henteu matak ngurangan
176 Kana kaluhurannana
Darajatna sadayana
Saperti tuang leueutna
Teu damang anu meujeuhna
177 Jual galeuh jeung gerwaan
Kulem jeung angkat-angkatan
Anapon sifat ngurangan
Kaya corob reujeung èdan
178 Sakur anu matak kurang
Ka-aèban bangsa urang
Èta di Rosul teu wenang
Pèk tèkadkeu ulah mang-mang
179 Ari dalil pertandana
Yèn Rosul tèh sadayana
Wenag kasifatannana
Ku ‘Arodl-basyariyahna
180 Nyaèta geus kabuktian
Katinggal kunu nyaksian
Tetep sifat kamanusan
Di kabèh para utusan
Pertèlaan Nasabna Kanjeng Nabi ti
Jihat Ibuna jeung ti Ramana
181 Sawarèhna kawajiban
Ka jalma baligh aqalan
Nerangkeun kana turunan
Nasab jeng Nabi utusan
182 Ari Rama Rosululloh
Nyaèta gusti Abdulloh
Èyangna mah Raja Mekah
Abdul Mutholib nu nelah
183 Abdul Mutholib ramana
Sayid Hasyim wastana
Ari Hasyim tèh ramana
Abdul Manaf nu nelahna
184 Ari ti Abdul Manaf mah
Ramana tèh Qushoy nelah
Putra Kilab tedak Mekah
Kilab putra Sayid Murroh
185 Murroh putra sayid Ka’bi
Putra Lu’ayyi ‘Arobi
Lu’ay putrana Gholibi
Gholib ka fihri tèh Abi
186 Ya’ni Gholib putra putra Fihri
Fihri putra Malik ari
Malik putrana Nadlori
Ari èta tèh Nadlori
| Himpunan Usaha Santri Pagelaran
14
187 Putrana Sayyid Kinanah
Kinanah bin Khuzaèmah
Khuzavmah bin Mudrikah
Mudrikah bin Ilyas Mekah
188 Ilyas putra sayid Mudlor
Mudlor putra Sayyid Nizar
Nizar bin Ma’ad Isytihar
Ma’ad bin Adnan kawèntar
189 Ti Adnan tepi ka Adam
Urang henteu wajib paham
Malah ku Syara’ dicaram
Sabab tarèkatna ham-ham
190 Ari Ibu Rosululloh
Nyaèta Gusti Aminah
Putrana Wahbin Madinah
Bin Abdimanaf bin Zuhroh
191 Zuhroh putra Kilab tèa
Kilab nu tadi geus aya
Tepung Nasabna Nu Mulya
Ngahiji di Kilab tèa
Nutur Putra Nabi SAW.
192 Deui ieu kawajiban
Terang yèn Rosul putraan
Anu kamasyhur tujuhan
Sayyid Qosim permulaan
193 Gusti Zenab kaduana
Ari anu katiluna
Gusti Ruqoyyah namina
Ari anu kaopatna
194 Gusti Ummi Qultsum tèa
Kalima nu lewih mulya
Ratuna istri sadaya
Gusti Fatimatul-‘Ulya
195 Ka genep Gusti Abdulloh
Nyaèta anu katelah
Disebut ku Rosululloh
Thoyib jeung Thohir mo salah
196 Ari anu katujuhna
Gusti Ibrohim namina
Èta putra sadayana
Ti gerwa nu pangsepuhna
197 Nyaèta Gusti Khodijah
Ngan Gusti Ibrohim na mah
Èta mah da ti Jariyyah
Kakasih Sitti Mariyyah
198 Ari sadaya gerwana
Nu kantun waktos pupusna
Aya salapan kabèhna
Heug bilang hiji-hijina
199 Kahiji Sitti A’isyah
Kaduana Sitti Hofsah
Katilu Sitti Shofiyah
Opat Sitti Juairiyyah
200 Kalima Sitti Saodah
Genep Sitti Maèmunah
Katujuhna Sitti Romlah
Ari kadalapanna mah
201 Èta Sitti Zènab tèa
Salapan Hindun nu Mulya
| Himpunan Usaha Santri Pagelaran
15
Kabèh micua ka dunya
Da milih Nabi nu Mulya
Syafa’at Nabi saw.
202 Deui urang wajib terang
Yèn jeng Nabi Gusti urang
Kagungan talaga èmpang
Kè di akhèrat kasorang
203 Jeung Kangjeng Nabi panutan
Èta bakal Nyafa’atan
Engkè di poè landratan
Ka kabèh makhluk Pangèran
204 Jeung deui dawuhannana
Nu maraot sakabèhna
Anu geus sup ka kuburna
Panggih jeung siksaanana
205 Lamun jalma ahli siksa
Kafir jeung nu gedè dosa
Mun taya Sih Nu Kawasa
Ngahampura dosa rosa
206 Reujeung meunang ni’mat kubur
Jalma nu mu’min teu kufur
Meunang sih ti Robbul-Ghofur
Dihampura dosa lebur
207 Reujeung aya patakonan
Engke di jero kuburan
Dua Malaikat ngaran
Munkaron reujeung Nakiron
208 Jeung sakabèh nu marati
Bakal dihirupkeun deui
Jeung dikumpulkeun ka Gusti
Jeung dipariksa taliti
209 Jeung bakal aya ganjaran
Wawalesna kahadèan
Jeung bakal aya siksaan
Wawalesna kagorèngan
210 Aya surga agung mulya
Tempatna para Anbiya
Jeung Wali Mu’min sadaya
Kanugrahan ti Nu Mulya
211 Jeung bakal aya naraka
Tempat siksaan posaka
Enggona jalma nu murka
Kafir jeung jalma doraka
212 Jeung bakal aya timbangan
Keur nimbang amal-amalan
Kahadèan kagorèngan
Ngalahirkeun pangadilan
213 Reujeung bakal aya Cukang
Nu leuwih lembut tur panjang
Dina saluhureun jurang
Jahanam nu Jungkrang lèwang
214 Jeung ari Jalma Islam mah
Anu doraka ka Alloh
Ti naraka bakal pindah
Sup ka Sawarga nu èndah
215 Jeung bakal langgeng ayana
Makhluq-makhluq sadayana
Mu’min dina Sawargana
Kafir dina Narakana
| Himpunan Usaha Santri Pagelaran
16
216 Jeung Ahli Sawarga tèa
Bakal ningali sadaya
Kana Dzat Alloh Nu Mulya
Ni’mat pangasih kurnia
217 Tidieu teu majeng kalam
Tayoh ngan sakitu ilham
Atuh nya Wallohu a’lam
Tikukur deuk uluk salam
218 Salam Ta’dzim ti Muhyiddin
Kasadaya ikhwan fiddin
Nu ngaos ieu syi’irin
Bidayatul-Muwahhidin
الصواب لم ب وهللا أع
| Himpunan Usaha Santri Pagelaran
1