Pamasumasuon Pardongansaripeon

RITUS PAMUNGKAAN

ENDE PAMUNGKAAN (Lagu Pembukaan)TANDA SILANG DOHOT HATA HUHUASI (Tanda Salib dan Salam)

P: Dibagasan goar ni Ama dohot Anak dohot Tondi PorbadiaR: AmenP: Tuhan i mandongani hamunaR: Nang hamu pe didongani Tuhan i.

HATA PATUJOLO ( Introduksi dari Pastor)PANOLSOLION (Pernyataan Tobat)P: Hamu ale akka dongan na hinaholongan di bagasan goar ni Tuhatta Jesus Kristus. Saonari, tapangido ma, hasesaan ni dosa, sian Amatta Debata, dohot akka dongatta, asa tama hita parsidohot, di ulaon nabadia on:P: O Debata Parasi roha....R: Husolsoli do dosanghu.....dst. P: Sai marasi ni roha ma, Debata na Sunhinagogo i di hita, sai disesa Ibana ma akka dosatta, jala ditogutogu ma hita, tu hangoluan na tottong.R: Amen

ENDE ALE TUHAN (Lagu Tuhan Kasihanilah)ENDE HAMULIAON ( Kemuliaan: hanya dalam Misa )TANGIANG PAMUNGKAAN (Doa Pembukaan)

P: Martangiang ma hita:Ale Debata, Sitoppa dohot Sipalua hami, mandok mauliate do hami tu Ho, ala nunga olo Ho, mandongani, jala mangajari hami, rap dohot akka anakkonnami on, i ma .........(Nama kedua pengantin)........, sahat tu ombas on. Ale Tuhan, sai sesa ma sude akka dosanami, dohot akka hasalaannami, asa tama hami ro tu joloM, pasahatton hamauliateon ni rohanami, jala pasangaphon mamuji goarMu, huhut mangido pasupasu, dohot asiM, tu anakkonnami on. Ai Ho do na paojakkon, jala na mangatur ruhut ni pardongansaripeon, bahen hatuaon di hajolmaon, songon tadda hasadaon ni Kristus, dohot HuriaNa i. Sai anggiat ma, marhitehite ulaon on, lam diattusi nasida ma, haiason ni ngolu pardongansaripeon, jala tong marhasabamon makkangoluon i, di tikki las ni roha, dohot di tikki arsak ni roha pe. Sai anggiat ma, dilehon Ho tu nasida, akka anak dohot boru, na tau palashon, huhut pasonakkon roha nasida. Marhite Kristus Tuhannami

Pastor mereciki air berkat kepada pengantin

R: Amen

PARHALADOON DI HATA NI DEBATA

PANJAHAON PARJOLO (Bacaan Pertama)PSALMEN HATOPAN MANANG ENDE (Mazmur/Lagu Antar Bacaan)ALLELUYABARITA NAULI (Injil)JAMITA (Kotbah)

PAHOTHON PARDONGANSARIPEON

Catatan: Pastor meminta pengantin untuk berdiri. Kemudian pastor meminta 2 saksi (harus umat Katolik) untuk berdiri di samping pengantin

PANANGKASION (Menanyakan Kesediaaan)P: Di hamuna pengantin na berbahagia. Saonari, hupangido hami tu hamu na dua, asa takkas paboaonmuna di jolonami, ias dohot gomos ni sakkapmuna, marhite na mangalusi sukkunsukkunami on.

P: (Kepada pengantin pria) Di hamuna....(Nama pengantin pria)...., nunga tutu situtu do, hamu marsakkap, makkaholongi, pasangaphon, jala makkormati dongansaripemuna on, saleleng hamu mangolu?CP: Songon i do tutuP: Hombar tu na sinakkap ni rohamuna i, na marsitutu do hamu olo, naeng gabe ama na daulat, maradophon akka anakkonmuna, na naeng pinasahat ni Tuhatta tu hamu, huhut gabe ama na burju, manogunogu nasida, di bagasan Huriatta na badia i?CP: Songon i do tutu.P: (Kepada pengantin wanita) Di hamuna....(Nama Pengantin wanita)...., nunga tutu situtu do, hamu marsakkap, makkaholongi, pasangaphon, jala makkormati dongansaripemuna on, saleleng hamu mangolu?CP: Songon i do tutuP: Hombar tu na sinakkap ni rohamuna i, na marsitutu do hamu olo, naeng gabe ina na daulat, maradoppon akka anakkonmuna, na naeng pinasahat ni Tuhatta tu hamu, huhut gabe ina na burju, manogunogu nasida, di bagasan Huriatta na badia i?CP: Songon i do tutuP: Mauliate ma di hamu na dua. Nunga takkas dipabotohon hamu, sakkapmu na uli, di jolonami. Attong, hajongjokkon hamu ma saonari, padan pardongansaripeonmuna na badia i, di jolo ni Debata, di jolo ni malim, dohot akka saksi, di jolo ni natorasmuna, tondongmuna, dohot akka dongatta, na marpungu di ombas on.

Catatan: Pastor meminta umat untuk berdiri: Jongjong ma hita saluhutna. Kemudian pastor meminta pengantin untuk berhadapan, lalu meletakan tangan mereka di atas Kitab Suci, lalu pastor membungkusnya dengan stola.

PADAN PARDONGANSARIPEON (Janji Pernikahan)

P: Di hamuna....(Nama pengantin pria)...., na olo do hamu, manjalo si....(Nama pengantin wanita)...., na dison nuaeng, gabe dongansaripemuna, na tutu, di jolo ni Debata, dohot di jolo ni HuriaNa, na badia i?Pangoli: Na olo do ahuP: Di hamuna....(Nama pengantin wanita )...., na olo do hamu, manjalo si....(Nama Pengantin pria)...., na dison nuaeng, gabe dongansaripemuna, na tutu, di jolo ni Debata, dohot di jolo ni HuriaNa, na badia i?Na Nioli: Na olo do ahuP: Di bagasan goar ni Huriatta, di jolo ni akka saksi, nang di jolo ni sude akka dongan, na marpungu nuaeng dison, huparhatutu do, pardongansaripeonmuna on, gabe pardongansaripeon Katolik na tutu, jala sada sakramen, di bagasan Kristus. Hangoluhon hamu ma i, gabe mual ni hagogoon, dohot pasupasu na manottong, di hamu na dua: (+) di bagasan goar ni Ama, dohot Anak, dohot Tondi Porbadia. Amen (Tangan pengantin direciki dengan air berkat)

Catatan: Kata-kata berikut disampaikan kepada umat

P: Hamu sude angka dongan, na hinaholongan. Taparrohahon ma, na nidok ni Tuhanta: Naung pinadomu ni Debata, ndang jadi, sirangon ni jolma.

MAMASUMASU TINTIN (Pemberkatan Cincin: Kalau ada)

P: Ale Debata Amanami, mula ni haburjuon, dohot hadaulaton, (+) pasupasu ma akka tittin on, asa gabe tanda holong ni roha, dohot haburjuon ni anakhonnami on, maradophon dongansaripena. Marhite Kristus Tuhannami. Amen. (Cincin direciki dengan aira berkat)P: Di hamuna pengantin na imbaru, pasahat ma tittin on tu jari manis ni dongansaripemuna, songon tanda holong ni rohamuna dohot haburjuonmuna.

(Pastor memberikan cincin kepada pengantin baru supaya mereka saling memakaikan cincin kepada pasangannya).

MAMASUMASU ULOS DOHOT BORAS SIPIR NI TONDI (Pemberkatan Ulos dan Beras)

P: Martangiang ma hita.Ale Tuhan, Amanami jala Debatanami, Ho do mual ni nasa pasupasu, parhorasan, hahipason, dohot panggabean. Tatap ma mardongan asi ni rohaM, boras parbue sakti, na pataddahon pasupasu, parhorasan, hahipason, dohot panggabean, jala ulos on, na pataddahon, pangaramotion, dohot parlinggomanMu di hami. Hupangido hami tu Ho, (+) pasupasu ma, boras dohot (+) ulos on, na naeng pakkeonnami, laho mamasumasu akka anakkonnami on, saguru tu adatnami. Marhite Kristus Tuhannami. Amen

Catatan: Kata-kata di bawah ini disampaikan kepada paranak dan parboru

P: Saonari, hupangido hami tu hasuhuton, paranak dohot parboru, asa ro nasida tu jolo, laho pasahat ulos, dohot majjomput parbue pir tu pengantin.

TANGIANG PAMASUMASUON (Doa Pemberkatan)

P: Martangiang ma hita:Ale Debata, nunga ditoppa Ho, nasa na adong, marhite hagogoonMu. Nunga didok Ho, pardongansaripeon naung pinatoguMi, ndang boi sirang be. Ale Debata, nunga diparbadiai Ho pardongansaripeon, gabe tadda hasadaon ni Kristus dohot HuriaNa i. Ale Debata, sian mulana i do, nunga dipadomu Ho, baoa dohot boruboru, jala dipasupasu Ho nasida, asa marpinoppar. On ma, sada pasupasu, na so sinegaan ni dosa teatteanan, jala na ndang tarbaorhon, aek na sumar i. Sai tatap ma si....(Nama pengantin wanita)....on, mardongan asi, dohot holong ni rohaM, asa holong, dohot dameMi, toktong mian di ibana. Anggiat ma, ibana gabe ina na burju, songon akka boruboru nabadia, na pinuji, di bagasan Buku Nabadia i. Hutangiakkon hami ma muse si....(Nama pengantin pria)....on, anggiat tong so marnaloja ibana, makkarikkotton, jala mangulahon tanggung jawabna, songon ama, maradoppon pardijabuna, dohot akka anakkonna, maradoppon masyarakat, nang HuriaM.Hupangido hami tu Ho, ale Tuhan Debatanami, anggiat ma, anakkonnami na dua on, tottong marsihohot, di bagasan haporseaon, dohot di akka patikMi. Sai tottong ma marsada nasida, di ripe nasida, jala anggiat ma tarida, jala tarhilala di ngolu nasida, holong na sian Ho i, huhut marsinondang di nasida, hatiuron ni bohiM, asa boi, parange nasida i, gabe tiruan na denggan, manang didia pe nasida maringanan. Pargogoi ma nasida, marhite hagogoon ni Barita Nauli i, asa boi nasida, gabe sitiddangi ni Kristus, tu sude dongan.Anggiat ma, marpinoppar nasida, jala boi gabe natuatua sitiruon, jala sai boi ma nasida, sahat marnida pahoppu, na tau pasonakkon roha nasida.Anggiat ma, saur matua nasida, jala di ujungna, boi marhatuaon nasida, di ngolu na manoktong di harajaonMi. Marhite Kristus Tuhannami. Amen

R: Amen

(Pengantin direciki dengan air suci, kemudian pengantin, orangtuanya dan saksi dipersilahkan duduk kembali: Huddul ma hamu).

TANGIANG HATOPAN (Doa Umat)

P: Hamu ale akka dongan, rap ma hita, pasahatton tangiang pangidoatta, tu Amatta Debata:

R1: Tatangiakkon ma, pengantin na imbaru on, anggiat margogo nasida, mangaramoti pardongansaripeon nasida i, di bagasan holong ni roha dohot dame, asa marsinondang ma holong dohot lambok ni roha ni Kristus i, sian ripe nasida. Sai anggiat ma margogo nasida, paojakkon sada ripe, na marojahan di agama. Anggiat ma marisi habonaron hakristenon jabu ni nasida i, bahen sangap di Debata jala bahen tiruan na denggan, di akka dongan nasida. Martangiang ma hita....

R2: Tatangianghon ma nasida, asa marparbue holong ni roha ni nasida, na pinasupasu ni Tuhanta. Anggiat tubu di nasida angka anak dohot boru, na tau palashon roha nasida, dohot angka pahompu, na naeng pasonanghon nasida dung matua. Sai anggiat ma tongtong di bagasan hahipason dohot parhorasan nasida, asa tolap nasida mangulahon, angka tohonan na ampe tu nasida. Anggiat gabe ma na niula ni tangan nasida, saut nasinangkap ni roha nasida, jala sai tongtong tiur ma langka nasida i. Martangiang ma hita....

R3: Tatangianghon ma nasida, asa tolap nasida manogunogu angka anakhonna, asa gabe anak na hasea jala na burju, bahen pangapulon dohot las ni roha di nasida. Anggiat tolap nasida manaon, jala manaluhon sude na borat, na olo ro tu ganup jolma dohot tu ganup ripe. Martangiang ma hita....

R4: Tatangianghon ma nasida laho mangido, asa dilehon Tu nasida, saluhut pangapulon, habengeton, hagogoon na ringkot di nasida di ngolu on. Anggiat tongtong mardomu nasida tu sude lomo ni roha ni Debata, na manogunogu hita saluhutna, tu hatuaon na manongtong. Martangiang ma hita....

P: Ale Debata na Sundenggan. Ramoti ma, keluarga na imbaru on, di bagasan holong ni rohaM. Sai Ho ma, na manukkoli, jala mangurupi nasida, di ngolu ni nasida, jala boan ma nasida sogot, tu hasonangan na manottong, di harajaonMi. Marhite Kristus Tuhannami.R: Amen.

MARENDE HUHUT PASAHAT SILUA (Kolekte)P: Marende ma hita, huhut pasahat silua.

TANGIANG AMANAMI (Doa Bapa Kami)

P: Hamu ale akka dongan, tapasada ma akka Tangiangta, dohot siluatta, jala tapasahat ma tu Tuhatta, marhite na rap mangendehon, Tangiang Amanami.

RITUS PARUJUNGAN

TANGIANG PARUJUNGAN (Doa Penutup)

P: Martangiang ma hita.Ale Tuhan, tatap ma keluarga na imbaru on, na pinukka nasida di joloM, dohot di jolo ni langgatanMi. Sai diulahon, jala diradoti nasida ma i, mardongan hagogoon ni pasupasuM. Attong, patimbul ma, hasangapon ni goarMu, di bagasan pardongansaripeon ni nasida on, bahen tiruan di hami, jala na tau pujipujian di Ho. Nuaeng dohot toktong sahat ro di salelengni lelengna.

R: Amen.

PENANDATANGANAN BERKAS KANONIK (Penandatanganan Berkas Kanonik)

P: Saonari, hupangido hami, tu pengantin na imbaru, dohot saksi, asa ro nasida tu jolo, laho menandatangani berkas kanonik.

Catatan: Penandatanganan berkas perkawinan, bisa diiringi dengan koor atau Lagu MariaMANDOK HATA SIAN PARANAK DOHOT PARBORU (Kata-kata Sambutan)

P: Saonari, hupasahat hami tikki, tu paranak dohot parboru, laho mandok hata.

PASUPASU PARUJUNGAN (Berkat Penutup)

P: Tuhan i mandongani hamuna.R: Nang hamu pe didongani Tuhan iP: Mardame ma hita mulak, mardongan pasupasu ni Tuhatta, ai nunga sun be ulaotta.R: Mauliate ma di DebataP: Debata na Sunhinagogo i ma mamasumasu hita (+) Ama dohot Anak dohot Tondi Porbadia.R: Amen, amen, amen.P: Hamu ale akka dongan. Songoni ma, acara pamasumasuon ni anakkotta, di bagasan tikki on. Mauliate ma, di Tuhatta, jala horas ma hita saluhutna.

ENDE PANUTUP (Lagu Penutup)

Panjanghonon Gabe Ruas Katolik

Catatan: Acara ini diadakan setelah jamita/kotbah

Pastor memanggil nama-nama calon peresmian dan meminta mereka untuk berdiri di depan altar. Kemudian diminta kepada bapa-ibu serani untuk mendampingi calon peresmian.

PANANGKASION (Menanyakan Kesediaan Calon)

P: Hamu akka dongan, na naeng masuk secara resmi, tu Huria Katolik. Hamu nunga manjalo pandidion, di huriatta, na parjolo. Alai, dipangido rohamuna do, asa gabe ruas Katolik hamu, di bagasan sadari on. Nunga dihaporseai hamu, Debata Ama, Debata Anak, dohot Debata Tondi Porbadia, dohot sude poda ni Huriatta, na pasadahon hita saluhutna, di bagasan Huria Katolik. Attong, laho pataddahon sakkapmuna, alusi hamu, sukkunsukkunnami on:P: Na olo do hamu, pasahatton dirimuna, tu panogunoguon ni Huria Katolik, na patolasson tu hita, Barita Nauli, sian Tuhatta Jesus Kristus?Calon: Na olo do ahuP: Na olo do hamu, pasahatton dirimuna, tu pangaramotion ni Huria Katolik, na mamboan tu hita haluaon, na sian Tuhan i, marhite akka Sakramen nabadia?Calon: Na olo do ahuP: Na olo do hamu, padomuhon dirimuna, tu hatopan nabadia i, marojahan di parsadaan ni Ekaristi Nabadia, na pasadahon hita saluhutna, gabe sada badan?Calon: Na olo do ahuP: Na olo do hamu, gabe ruas na tutu, na naeng masihaholongan, jala masipauneunean, dohot sude dongan, di bagasan hakatolikkon?Calon: Na olo do ahuP: Na olo do hamu, rappon hami sasudena, patureturehon Huriatta on, gabe tadda holong ni roha, tottong rade, mangurupi akka dongan, na di bagasan hagogotan, dohot sitaonon?Calon: Na olo do ahu

Kemudian Pastor meminta pengurus untuk menyalakan lilin sesuai dengan jumlah calon

P: Sambil memegang sebatang lilin bernyala: Jalo ma saonari, lilin na galak on, songon tadda ni haporseaotta, dohot Kristus Tuhatta.

Pastor menyerahkan lilin bernyala kepada semua calon

Catatan: Kata-kata di bawah ini disampaikan kepada seluruh umat yang hadir

P: Hamu ale akka dongan, jongjong ma hita saluhutna. Rap ma hita, makkatindakkon haporseaotta. Ahu Porsea.Ruas: Di Debata Ama Pargogo na so hatudosan........dst.P: Saonari, hupangido hami, tu sude ruas Katolik, asa manurdukkon tangan siamun, doppak akka dongatta, na naeng tajalo, tu bagasan Huriatta.

Catatan: Kata-kata di bawah ini diucapkan sambil menumpangkan tangan kanan kepada calon.

P: Martangiang ma hita: Ale Jesus Kristus, Tuhannami, Parmahan na Sundenggan. Dihasiholi Ho do, hasadaon ni sude birubiruM, naung tinobusMi, marhitehite mudar, dohot hamamateM. Suru ma Tondi Porbadia, laho paimbaruon ngolunami. Palas ma, roha ni akka dongan, na hujalo hami, tu bagasan HuriaM, asa mangihutton lomo ni rohaM, lam togu, jala hot, parsaorannasida dohot Ho, nang hami pe. Ho do na mangarajai, rap dohot Debata Ama, di bagasan hasadaon dohot Tondi Porbadia, sahat ro di salelengni lelengna.Ruas: Amen

Mereciki umat yg baru diterima, dengan air suci.

PANJANGHONON ( Penerimaan)

P: Hamu ale akka dongan, na hinaholongan. Di bagasan goar ni Uskup Keuskupan Agung Medan, ahu secara resmi, manjalo hamu, gabe ruas Katolik, di Paroki St. Kristoforus Siborongborong, Stasi St. Markus Dolok Bintatar. Mulai saonari, secara resmi, hamu manjalo hakmuna sebagai ruas Katolik, jala secara resmi, hamu ikkon memenuhi kewajibanmuna, sebagai ruas Katolik. Sai martua ma hamu, di bagasan Huria Katolik, rap dohot hami saluhutna. Mauliate ma di Tuhatta. Mauliate ma, nang di hita saluhutna.

Kemudian pastor, bapa-ibu serani dan KDPS menyalami umat baru dan lalu mempersilahkan mereka duduk: Huddul ma hamu.

Catatan: Acara dilanjutkan dengan Tangiang Hatopan/Doa Umat dan dilanjutkan dengan Misa seperti biasa.

Sakramen Miak Nabadia

Perlengkapan yang perlu dibawa:1. Minyak Orang Sakit2. Buku Ende3. Bibel4. Salib dan Lilin5. Air Suci6. Komuni Viaticum

ENDE PAMUNGKAAN (Lagu Pembukaan)TANDA SILANG DOHOT HATA HUHUASI (Tanda Salib dan Salam)

P: Dibagasan goar ni Ama dohot Anak dohot Tondi PorbadiaR: AmenP: Tuhan i mandongani hamunaR: Nang hamu pe didingani Tuhan i.

HATA PATUJOLO ( Introduksi dari Pastor)PANOLSOLION (Pernyataan Tobat)P: Hamu ale akka dongan na hinaholongan di Bagasan goar ni Tuhanta Jesus Kristus. Rap dohot dongatta, na naeng manjalo Sakramen Miak Nabadia, tapangido ma, hasesaan ni dosa, sian Amatta Debata, dohot akka dongatta, asa tama ibana, manjalo pasupasu ni Tuhatta, jala tama hita parsidohot, di ulaon nabadia on:P: O Debata Parasi roha....R: Husolsoli do dosanghu.....dst. P: Sai marasi ni roha ma, Debata na Sunhinagogo i di hita, sai disesa Ibana ma akka dosatta, jala ditogutogu ma hita, tu hangoluan na tottong.R: AmenP: Ale Tuhan, asi rohaM di hamiR: Ale Tuhan, asi rohaM di hamiP: Ale Kristus, asi roham di hamiR: Ale Kristus, asi rohaM di hamiP: Ale Tuhan, asi rohaM di hamiR: Ale Tuhan, asi rohaM di hami

Pastor berdiri dekat orang sakit, lalu berkata: Ale...(Nama Orang sakit)..., di bagasan goar ni Tuhatta Jesus Kristus, na marhuaso manesa akka dosatta, ahu paluahon hamu, sian sude dosamuna...(Sambil mereciki orang sakit dengan air suci).., (+) di bagasan goar ni Ama, dohot Anak, dohot Tondi Porbadia. Amen

TANGIANG PAMUNGKAAN

P: Martangiang ma hita:Ale Jesus Kristus, Tuhannami. Di bagasan goarMu do, bongot hami tu jabu on, laho mangebati dongannami, i ma...(Nama orang sakit).., na marsahit on. Basabasahon ma tu bagas on, hatuaon dohot hagabeon, sian surgo, halalas ni roha na mamolin, dohot parhorasan, na manottong.Padao ma sian bagas on, nasa na jahat, dohot na gaor. Sai mian ma dison, hadameon, dohot sada ni roha. Linggomi ma inganan on, marhitehite hamuliaon ni goarMu. Tatap ma na pungu dison, laho manangiakkon, dongannami na marsahit on, hombar tu ruhut ni HuriaM.Dongani, jala pasupasu ma ibana, huhut palubbang, laos pasonang ma, roha ni dongannami, na marsahit on. Marhite Kristus Tuhannami. Amen

Catatan: Kalau sempat, bisa diadakan pembacaan Kitab Suci dan renungan singkat. Setelah renungan, acara dilanjutkan seperti di bawah ini.

SAKRAMEN MIAK NABADIA

Catatan: Kata-kata di bawah ini disampaikan kepada umat yang hadir.

P: Hamu ale akka dongan, songon alus ni tangiangta, sude ma hita mandok: Asi ma rohaM, di ibana. Kemudian, dilanjutkan dengan kata-kata berikut:P: Hamu ale akka dongan, tatangiakkon ma, dongatta na marsahit on. Hening sejenak.P: Ale Debata Ama, na manoppa jolma, tumiru rupaM. Sai pasuang ma hagogoonMu, di bagasan dongannami, na marsahit on.R: Asi ma rohaM di ibana.P: Ale Debata Ama, na maniop nasa na mangolu, di tanganMu. Lehon ma tu dongannami on, parhorasan dohot hahisaron.R: Asi ma rohaM di ibana.P: Ale Debata Ama, na mangatur ngolu ni hajolmaon, hombar tu sakkap, dohot holong ni rohaM. Lehon ma habengeton, dohot sonang ni roha, tu dongannami on.R: Asi ma rohaM di ibana.P: Ale Jesus Kristus, na tottong padomuhon rohaM, tu lomo ni roha ni Debata Ama, urupi ma dongannami on, hombar tu nasinakkap ni Ama i.R: Asi ma rohaM di ibanaP: Ale Jesus Kristus, naung sahat tu hamuliaonMu, sian dalan hagaleon, dohot sitaonon. Pargogoi ma dongannami on, mamorsan silangna.R: Asi ma rohaM di ibanaP: Ale Jesus Kristus, naung pasahat diriM, gabe pelean pardamean. Paias ma dongannami on, sian sude dosana.R: Asi ma rohaM di ibanaP: Ale Tondi Porbadia, naung sinuru, laho pabadiahon hajolmaon. Miahi ma dongannami on, marhitehite pangapulon, dohot halabbohonMu.R: Asi ma rohaM di ibanaP: Ale Tondi Porbadia, na manogihon hami tu saluhut hasittongan. Papatar ma tu dongannami on, lapatan, dohot tujuan ni hasusaan, dohot sitaonon.R: Asi ma rohaM di ibanaP: Ale Tondi Porbadia, na manguduti ulaon ni Kristus, di tano on. Gombarhon ma, di bagasan ngolu ni dongannami on, rupa ni Jesus, naung marsitaonon, jala naung monang. R: Asi ma rohaM di ibanaP: Ale...(Nama orang sakit)..., marhite Miak Nabadia on, sai diurupi Tuhatta na Sunburju ma hamu, marhite hagogoon ni Tondi Porbadia. Sai dipalua Ibana ma hamu, sian dosamuna. Sai dipargogoi Ibana ma hamu, dibagasan sitaonon, jala dilehon tu hamu, haluaon nang hahipason.

Kemudian Pastor meminyaki orang sakit dengan Minyak Suci. Setelah itu, dilanjutkan dengan doa di bawah ini.

P: Martangiang ma hita.Ale Tuhan, nunga huulahon hami, ruhut na niadokkon ni HuriaM, laho di dongannami, na marsahit on.Pataridahon ma tu ibana, hatiuron ni bohiM. Papatar ma tu ibana, hagogoon ni tanganMu, dohot hinalabbok ni asi ni rohaM.Anggiat hot haporseaonna, hot pos ni rohana, jala bagas holong ni rohana di Ho, na mangatur saluhutna, bahen hatuaon ni nasa jolma. Marhite Kristus Tuhannami.

R: Amen

TANGIANG AMANAMI

P: Hamu ale akka dongan, rap ma hita manangiakkon, tangiang na niajarhon ni Jesus Kristus tu hita. Amanami na di banua ginjang.....R: Sai pinorbadia ma goarMu......

Catatan: Acara di bawah ini diadakan, kalau orang sakit masih sempat menerima Komuni.

P: (Sambil memegang Tubuh Kristus) Ale...(Nama orang sakit)..., ida ma Anak Birubiru ni Debata, na mambuat dosa ni portibi on. Martua ma hita, na niarahon, tu haroan ni Birubiru i.R: Ale Tuhan, na so tama do ahu, manjanghon Ho, alai dok ma hataM sandok sambing, jadi ias ma ahu naposoMon.P: Pamatang ni KristusR: Amen

Catatan: Setelah orang sakit menerima Komuni, dilanjutkan dengan Tangiang Parujungan.TANGIANG PARUJUNGAN (Doa Penutup)

P: Martangiang ma hita.

Ale Jesus Kristus, nunga dipargogoi Ho dongannami on marhite daon parbanuaginjang.Ala ni i, pamalum ma ibana; apuli jala palumang ma rohana; pasada ma ibana tu Ho; sai mian ma Ho di bagasan ibana, anggiat hiras jala marlas ni roha ibana tongtong pasauthon nasa lomo ni roham, bahen sangap di Ho, bahen hatuaon di ibana ro di saleleng ni lelengna.

ENDE ALE TUHAN (Lagu Tuhan Kasihanilah)ENDE HAMULIAON ( Kemuliaan: hanya dalam Misa )TANGIANG PAMUNGKAAN (Doa Pembukaan)

P: Martangiang ma hita:

R: Amen

Pesta Gotilon dohot Mamasumasu Boni

Catatan: Misa dibuka seperti biasa

TANGIANG PAMUNGKAAN

P: Martangiang ma hita: Ale Tuhan Debatanami na Sunbasa. Hupuji, jala hupasangap hami ma Ho, alani sude denggan ni basaM tu hami. Nunga husiani hami, akka jumanami, alani Ho do, na mamasumasu i, asa bo i nuaeng, hujalo hami hasilna. Dang dilupahon Ho hami. Toktong do dipasupasu, jala disarihon Ho, akka jumanami. Alani i, naeng toktong ma hami, pamuliahon Ho, siala sude hinadengganMu, tu hami. Naeng hubaritahon hami ma goarMu, ala toktong do gok asi ni rohaM di hami, jala na burju do Ho tu hami, atik pe, jotjot do hami hurang burju hami tu Ho. Marhite Kristus Tuhannami.

R: Amen

Catatan: Doa di bawah ini disampaikan setelah kotbah.

Pastor meminta kepada pengurus untuk meletakan hasil panen yang di bawa umat di depan altar.

TANGIANG HAMAULIATEON (Doa Syukur)

P: Hamu ale akka dongan na hinaholongan. Rap ma hita mandok mauliate tu Tuhatta, mardongan haporseaon tu Tuhatta Jesus Kristus.

Kemudian pastor menyampakan jawaban umat: Mauliate ma, manoktong do holongMu. Jawaban ini biasanya dinyanyikan. Untuk itu tanyakan kepada pengurus.

P: Ale Debata, Pargogo na so hatudosan, na patut jala tama do, hami maddok mauliate tu Ho, siala nunga ditangihon Ho, akka tangiangnami R: Mauliate ma manongtong do holongMuP: Ala pasupasuM, di sude ulaonnami, jala alani sude pangurupionMu tu hami, di tikki hasusahan.R: Mauliate ma, manoktong do holongMuP: Nunga diurupi Ho hami, huhut dilehon Ho tu hami hagogoon, laho mangulahon akka ulaonnami, marndongan burju ni roha.R: Mauliate ma manongtong do holongMu.P: Alani hasil ni ulaonnami, alani hahipason,hasonangan, dohot hadameon.R: Mauliate ma manongtong do holongMu.P: Ala nunga dipatihi Ho hami, ikkon mangula, jala mangarajai tano on.R: Mauliate ma manongtong do holongMu.P: Ala nunga didokkon Ho hami, mangulahon sude akka tugasnami, laho maniru ngoluM.R: Mauliate ma manongtong do HolongMu.P: Alani mata ni ari, naung tinoppaM, na manoddangi hami, jala na pangoluhon, sude akka hasusaan.R: Mauliate ma manongtong do holongMu.P: Alani hosa na pinakkeM, laho manarihon sude akka na mangolu.R: Mauliate ma manongtong do hulongMu.P: Alani udan dohot ombun, na mambahen napu ni tano on.R: Mauliate ma manongtong do holongMu.P: Ala marhitehite na maoppa tano on, diparade Ho, sude akka na rikkot, di ngolunami siganup ari. R: Mauliate ma manongtong do holongMu.

MAMASUMASU HASIL NI GOTILON (Memberkati Hasil Panen)

Catatan: Doa di bawah ini diucapkan sambil menumpangkan tangan ke atas hasil panen yang sudah disediakan di depan/di samping altar

P: Martangiang ma hita: Ale Debata, Pargogo na so hatudosan. Toktong do dilehon Ho tu hami, akka sipanganonnami siganup ari, sian hagabeon ni tano on. Mardongan roha na gok hamauliateon, hupangido hami tu Ho, (+) pasupasu ma, akka hasil ni gotilon, dohot boras on, naung hujalo hami, sian habasaonMu. Sai toktong ma hami marhahipason, asa margogo hami, manguduti akka ulaonnami, huhut pasangappon, jala mamuji goarMu. Jaga ma, sude hasil ni na huula hami, dohot hasil ni gotilon on, nang akka lumbung ni emenami be, sian sude akka binatang, sipanegai i. Hupuji, jala hupasangap hami ma goarMu nabadia i, marhite Kristus TuhannamiR: Amen

Pastor mereciki hasil panen dengan air berkat.

PENUTUP

P: Hamu ale akka dongan, songon i ma, ulaon pesta gotilon, na tapatupa di ombas on. Mauliate ma di Tuhatta, nang di hita saluhutna.

Catatan: 1. Jika ada acara Mamasumasu Boni (Pemberkatan Benih), acara pemberkatan benih diadakan setelah pemberkatan hasil panen.2. Jika tidak ada Mamasumasu Boni, acara dilanjutkan dengan Tangiang Hatopan (Doa Umat) dan seterusnya seperti dalam misa biasa.3. Tangiang Parujungan (Doa Penutup) diambil dari PHD (Buku Pesan Misa) hari yang bersangkutan.

MAMASUMASU BONI (Pemberkatan Benih)

Catatan: Doa di bawah ini diucapkan sambil menumpangkan tangan ke atas benih yang sudah disediakan di depan/disamping altar.

P: Martangiang ma hita:

Ale Tuhan, Debatanami na Sunbasa.Andorang so mamoni, manang maname hami, ro do hami saonari tu joloM, laho mangido pasupasuM, di akka boni on, na naeng bonihononnami. Nunga hupillit hami, akka boni na denggan.Ale Tuhan Debatanami, pasupasu ma sude ulaonnami, asa sude jumanami, mangalehon hasil na denggan, laho di ripenami be, jala laho mangurupi akka dongannami, na makkarikkotton pangurupionMu.Rap dohot sude na tinoppaM, hupuji, jala hupasangap hami ma Ho, na toktong paradehon akka sipanganonnami, siganup ari. Ale Tuhan Debatanami, naeng burju ma hami mangula, hombar tu akka tugasnami, naung pinasahatMu tu hami.Alai takkas do huboto hami, na holan marhite pangurupionMu do, boi tuk hujalo hami, sipanganonnami siganup ari.Sai pasupasu ma, sude akka ulaonnami. Anggiat ma, marhite hagogoon ni pasupasuM, dao ma musi ni akka suansuanannami.Alani i, hupangido hami tu Ho, (+) pasupasu, jala pangolu ma akka boni on. Lehon ma tu sude jumanami, udan di tikkina, jala padao ma banjir, dohot sude akka panegai, alani udan na madorashu.Padao ma sude akka binatang, na olo manegai akka suansuanannami, asa boi hami manggotil sogot, mardongan las ni roha, huhut mardongan hamauliateon ni roha, siala ni sude akka pasupasu, dohot babasa, na nilehonMu tu hami. Marhite Kristus Tuhannami. Amen

Pastor mereciki benih dengan air berkat

PENUTUP

P: Hamu ale akka dongan, songon i ma, acara pamasumasuon boni, na tapatupa di ombas on. Mauliate ma di Tuhatta. Mauliate ma, nang di hita saluhutna.

Ekaristi Nabadia

RITUS PAMUNGKAAN

ENDE PAMUNGKAAN (Lagu Pembukaan)TANDA SILANG DOHOT HATA HUHUASIP: Dibagasan goar ni Ama, dohot Anak, dohot Tondi PorbadiaR: AmenP: Tuhan i mandongani hamunaR: Nang hamu pe didingani Tuhan i.

HATA PATUJOLO (Introduksi)PANOLSOLION (Pernyataan Tobat)P: Hamu ale akka dongan na hinaholongan, di bagasan goar ni Tuhanta Jesus Kristus. Saonari, tapangido ma hasesaan ni dosa, sian Amatta Debata, dohot akka dongatta, asa tama hita parsidohot, di ulaon nabadia on: Hening sejenak....

P: O Debata Parasi roha....R: Husolsoli do dosanghu. Alani uhumMu na tama mangonai tu ahu, alai lumobi ala hupalea Ho, sibahen na denggan na umbalga di ahu, jala na sumurung hinadengganMu. Ahu manghagigihon dosanghu, dohot marbagabaga, mardongan pangurupi ni asiM padengganhon parangenghu, jala so mardosa be. O Tuhan, asi rohaM di ahu pardosa on.P: Sai marasi ni roha ma, Debata na Sunhinagogo i di hita, sai disesa Ibana ma akka dosatta, jala ditogutogu ma hita, tu hangoluan na tottong.R: Amen

ENDE ALE TUHAN (Lagu Tuhan Kasihanilah)ENDE HAMULIAON (Lagu Kemuliaan)TANGIANG PAMUNGKAANP: Martangiang ma hita:R: Amen

PARHALADOON DI HATA NI DEBATA

PANJAHAON PARJOLO (Bacaan I)PSALMEN HATOPAN MANANG ENDEALLELUYABARITA NAULI (Injil)JAMITA (Kotbah)MANGHATINDANGHON HAPORSEAON (Pernyataan Iman)P: Hamu ale akka dongan, rap ma hita, makkatindakkon hapoeseaontta. Ahu Porsea.....R: Di Debata Ama........

TANGIANG HATOPAN (Doa Umat)P: Hamu ale akka dongan, tapasahat ma, akka tangiangta, tu Amatta Debata, marhite AnakNa, Jesus Kristus:

.......Minta beberapa umat untuk doa spontan.....

P: Ale Debata Amanami, on ma tangiangnami, na hupasahat hami tu Ho, di ombas on. Oloi ma pangidoannami on, marhite Kristus TuhannamiR: Amen

LITURGI EKARISTI

MARENDE HUHUT PASAHAT SILUA (Kolekte)MANANGIANGHON PELEAN (Doa Persembahan)P: Martangiang ma hamu, ale akka dongan, anggiat dihalomohon Debata, peleatta on.R: Sai dijalo Tuhan i ma .......P: Ale Debata Amanami, parbadia i ma, siluanami on, asa gabe sipanganon partondion di hami, i ma daging, dohot mudar ni AnakMu, bna marmulia. Marhite Kristus Tuhannami.R: Amen

PREFASIP: Tuhan i, mandongani hamuR: Nang hamu pe didongani Tuhan iP: Doppak ginjang ma, rohatta.R: Nunga tapahehe rohatta, doppak Tuhan iP: Mandok mauliate ma hita, tu Tuhan DebatattaR: Patut jala tama do i

Dilanjutkan dengan Prefasi bahasa Indonesia. Kalau sudah lancar membaca Bahasa Batak, baru pakai Prefasi Bahasa Batak.

NABADIA (Kudus)

Doa Syukur Agung bahasa Indonesia. Kalau sudah lancar Bahasa Batak, baru pakai Bahasa Batak.

TANGIANG AMANAMI (Doa Bapa Kami)

P: Hamu ale akka dongan, tapasada ma akka tangiangta dohot tangiang, na niajarhon ni Kristus.

..........Lagu Bapa Kami.......

EMBOLISME

P: Ale Amang, palua ma hami, sian pangago. Unang togihon hami, tu pangunjunan. Asii, jala urupi ma hami, asa tottong marsigomos, maniop hataMi, asa saluhut hami, tottong mardalan, di dalan hasittongan, huhut maimaimahon, haroro ni Jesus Kristus, Sipalua hami.R: Ai Ho do nampuna harajaon.....

TANGIANG DAME (Doa Dame)

P: Ale Tuhan Jesus Kristus, didok Ho do, tu akka siseanMu: Dame do, Hutinggalhon di hamu, damekKu do, Hulehon tu hamu. Sai unang ma jujur, akka dosanami, alai, bereng ma, haporseaon ni HuriaM. Attong, pargogoi ma hami, asa mangolu, di bagasan hasadaon na tutu, hombar, tu na hinalomohonMu. Ai Ho do Parhiteannami, nuaeng, ro di salelengni lelengna.R: AmenP: Dame ni Tuhan i ma, mandoangani hamu, tottongR: Sai ima huhut donganmuna

ENDE ANAK BIRUBIRU (Lagu Anak Domba Allah)MANJALO KOMUNI (Menerima Komuni)

P: Hamu ale akka dongan, ida ma, Anak Birubiru ni Debata, na mambuat dosa ni portibi on. Martua ma hita, na niarahon, tu haroan ni, Birubiru i.R: Ale Tuhan na so tama do ahu......P: Pamatang ni KristusR: Amen.

ENDE KOMUNI (Lagu Komuni)

RITUS PARUJUNGAN

TANGIANG PARUJUNGAN (Doa Penutup)

P: Martangiang ma hita.R: Amen.

PASUPASU PARUJUNGAN (Berkat Penutup)

P: Tuhan i mandongani hamunaR: Nang hamu pe didongani Tuhan iP: Mardame ma hita mulak, mardongan pasupasu ni Tuhatta, ai nunga sun be ulaottaR: Mauliate ma di DebataP: Debata na Sunhinagogo i ma mamasumasu hita (+) Ama dohot Anak dohot Tondi PorbadiaR: Amen, amen, amen.

ENDE PANUTUP (Lagu Penutup)

RPflavianuslevilidipakpahansvd33